ຊັອກ !! ທີມໃຫຍ່ “ເຊວຊີ-ແມນ ຊິຕີ-ສະເປີ-ເຊົາແທມຕັນ” ເສຍຄາຖິ່ນ ຕົກຮອບເອຟເອ ຄັບ ຮອບ 4

611 27 ມ.ກ. 2015 ນານາກີລາໂລກ
ຊັອກ !! ທີມໃຫຍ່ “ເຊວຊີ-ແມນ ຊິຕີ-ສະເປີ-ເຊົາແທມຕັນ” ເສຍຄາຖິ່ນ ຕົກຮອບເອຟເອ ຄັບ ຮອບ 4

<p> <strong>        ການແຂ່ງຂັນ​ເຕະບານເອຟເອ ຄັບ ອັງກິດ ຮອບ 4 ເມື່ອວັນທີ </strong><strong>24 ມັງກອນ​ຜ່ານ​ມາ  ທີມແມນ​ເຊ​ສ​ເຕີ ຊິຕີ ຕົວເກງແຊັມ ເປີດສະ ໜາມເອຕິຮັດ ຕ້ອນຮັບທີມມິດເດິນສະໂບ ທີມຮອງອັນ​ດັບ 1 ລີກແຊັມປຽນຊິບ ເກມນີ້ເຈ້ົາຖິ່ນສ່ົງ ເຊີຈິໂອ ອະເກໂຣ່ ດາວຍິງຕົວເກ່ັງລ່າຕາຂ່າຍ ​ໂດຍ​ໃຫ້ ດາວິດ ຊິວບາ ສ້າງສັນເກມ ແຕ່ມິດເດິນສະໂບ ທີມຢາມເນ້ັນເກມຮັບ ​ເຄິ່ງ​ເວລາ​ທໍາ​ອິດ ແມນ​ເຊສເຕີ ຊິຕີເຈາະໄມ່ເຂ້ົາ ຈົບ​ເຄິ່ງ​ເວລາ​ທໍາ​ອິດ ສະ​ເໝີ 0-0.</strong></p> <p>           ​ເຄິ່ງຫຼັງ ມິດເດິນສະໂບ ໄດ້ 2 ລູກ ໃນນາທີ 55 ຈາກແພທຣິກ ແບມຟອດ ແລະ ກາເຊຍ ມາຕິເນຊ ນາທີທີ 90 ເຂ່ຍແມນ​ເຊ​ສ​ເຕີ ຊິຕີ ຕົກຮອບ 4 ຄາບ້ານ.</p> <p>           ດ້ານ ເຊວຊີ ທີມຕົວເກງແຊັມອີກທີມ ຫຼິ້ນໃນຖິ່ນສະແຕມຟອດ ບຣິດ ພົບ ແບຣ໊ດຟອດ ຊິຕີ ເຈ້ົາຖິ່ນເປິດເກມບຸກໃສ່ກ່ອນ ແລະ ໄດ້ປະຕູຂຶ້ນນຳ ຈາກແກຣີ່ ເຄຮິວ ນາທີທີ 21 ຈາກນັ້ນ ຣາມິເຣສ ຍິງໃຫ້ເຊວຊີໜີຫ່າງ 2-0 ໃນນາທີທີ 38.</p> <p>           ແຕ່ຫຼັງຈາກນັ້ນ ທີມຢາມຮ່ວມ​​ແຮງ​ຮ່ວມໃຈ​ກັນສູ້ຄືນ ຍິງ 4 ລູກຊ້ອນ ຈາກຈອນ ສະຕີດ ນາທີທີ 41 ເຟລິເປ້ ໂມຣຽສ ນາທີທີ 75 ແອນດີ້ ຮອນລິເດ ນາທີທີ 83 ແລະ ມາກ ຢີດ ນາທີທີ 90 ໝົດເວລາ ແບຣັດຟອດ ສ້າງປາຕິຫານ ບຸກຖະຫຼົ່ມເຊວຊີ 4-2 ເຂ້ົາຮອບ 5 ພ້ອມເຂ່ຍເຊວຊີຕົກຮອບ 4 ຄາບ້ານ.</p> <p>            ຂະນະທີ່ ສະເປີ ຫຼິ້ນໃນຖິ່ນໄວຮາດເລນ ​ເສຍ​ໃຫ້ ເລສເຕີ 1-2 ອັນດຣອສ ທາວເຊ່ນ ຍິງຈຸດໂທດໃຫ້ສະເປີຂຶ້ນນຳກ່ອນຕັ້ງ​ແຕ່ນາທີທີ 19 ຈົນຈົບ​ເຄິ່ງ​ເວລາ​ທໍາ​ອິດ.</p> <p>           ​ໄລຍະທ້າຍ​ເຄິ່ງຫຼັງ ກິເຢໂມ່ ຮູ​ນລົວ ກອງໜ້າຊາວອາກຊັງ​ຕິນ ຕີສະ​ເໝີ້ຄືນໄດ້ ກ່ອນທີ່ ຊະຣຸບ ຈະຍິງປະຕູ​ໄຊໃນນາທີສຸດທ້າຍ ພາເລສເຕີເຂ້ົາຮອບ 4 ແລະ ເຂ່ຍ ສະເປີຕົກຮອບຄາບ້ານອີກທີມ.</p> <p>           ສ່ວນຜົນຄູ່ອື່ນ ແບລັກເບິນ ຊະນະ ສະວອນຊີ 3-1, ເບີມິງແຮມ ​ເສຍ ເວສບຣອມວິຊ 1-2, ຄາຣ໌ດິຟ ​ເສຍ ເຣດດິ້ງ 1-2, ດາບີ້ ຊະນະ ເຊສເຕີຟິວ 2-0, ເປຣສຕັນ ສະເໝີ ເຊບຟິວ ຢູໄນເຕັດ 1-1, ເຊົາແທມຕັນ ເສຍ ຄຣິສເຕັນ ພາເລຊ 2-3, ຊັນເດີແລນ ສະເໝີ ຟູແລ່ມ 0-0.</p>

ຂ່າວທີ່ກ່ຽວຂ້ອງ