ຣີວ ມາດຣິດ ລໍ່າລວຍສຸດໃນໂລກ 10 ປີຕິດຕໍ່ກັນ - ແມນຢູ ພຸ່ງຂຶ້ນທີ 2

686 23 ມ.ກ. 2015 ນານາກີລາໂລກ
ຣີວ ມາດຣິດ ລໍ່າລວຍສຸດໃນໂລກ 10 ປີຕິດຕໍ່ກັນ - ແມນຢູ ພຸ່ງຂຶ້ນທີ 2

<p>         <strong>ຣີວ ມາດຣິດ ຍອດທີມແຫ່ງ​ເວທີລາ ລີກາ ​ແອັດ​ສະ​ປາຍ ໄດ້ຮັບການຈັດອັນດັບໃຫ້ເປັນສະໂມສອນຮັ່ງມີສຸດໃນໂລກແຫ່ງລະດູການ </strong><strong>2013-14 ນັບເປັນການຄອງຕຳແໜ່ງເປັນປີທີ 10 ຕິດຕໍ່ກັນ ຂະນະທີ່ ແມນ​ເຊ​ສ​ເຕີ ຢູໄນເຕັດ ຫຍັບຂຶ້ນມາຢູ່ອັນດັບ 2  ​ເຖິງແມ່ນວ່າລະດູການກ່ອນຈະສ້າງຜົນງານສຸດຂີ້ຮ້າຍກໍຕາມ.</strong></p> <p>           <strong>ດີລອຍ</strong> ບໍລິສັດກວດສອບບັນຊີຊັ້ນ​ແນວ​ໜ້າຂອງໂລກ ໄດ້ເປິດເຜີຍລາຍໄດ້ປະຈຳປີຂອງແຕ່ລະສະໂມສອນເມື່ອວັນທີ 22 ມັງກອນ ໂດຍເປັນ <strong>ຣີວ ມາດຣິດ ທີ່ຮັກສາບັນລັງແຊັມເງິນຫຼາຍ</strong> ຫຼັງສ້າງ​ລາຍ​ຮັບລວມ 549,5 ລ້ານ​ເອີໂຣ ເພີ່ມຈາກປີທີ່ຜ່ານ​ມາ​ເຊິ່ງ​ໄດ້ໄປ 518,9 ລ້ານ​ເອີໂຣ ຂະນະທີ່ <strong>​ແມນ​ຢູ ຫຍັບຂຶ້ນມາທີ </strong><strong>2</strong> ຫຼັງສ້າງ​ລາຍ​ຮັບລວມ​ໄດ້ 518 ລ້ານ​ເອີໂຣ ເພີ່ມຂຶ້ນຈາກປີທີ່ຜ່ານ​ມາ​ເຊິ່ງ​ໄດ້ໄປ 423,8 ລ້ານ​ເອີໂຣ ​ເຖິງແມ່ນວ່າທີມຈະບໍ່ມີແຊັມໃດຕິດມືເມື່ອລະດູການທີ່ຜ່ານ​ມາ ລວມ​ເຖິງຍັງບໍ່ໄດ້ມາຫຼິ້ນບານຂັນ​ເອີຣົບດ້ວຍ.</p> <p>           ດ້ານ<strong>ອັນດັບ </strong><strong>3 ບາເຢິນ ມິວນິກ ຈາກເຢຍລະມັນ</strong>ຍັງຮັກສາຕຳແໜ່ງເດີມໄວ້ໄດ້ ໂດຍມີລາຍຮັບ 487,5 ລ້ານ​ເອີໂຣ ເພີ່ມຈາກປີກ່ອນ​ເຊິ່ງ​ໄດ້ໄປ 431,2 ລ້ານ​ເອີໂຣ ສ່ວນ<strong>ອັນດັບ </strong><strong>4 ບາເຊໂລນ່າ ຈາກ​ແອັດ​ສະ​ປາຍ</strong>ທີ່ຕົກຈາກອັນດັບ 2 ເມື່ອປີທີ່ຜ່ານ​ມາ ໂດຍປີນີ້​ໄດ້ໄປ 484,6 ລ້ານ​ເອີໂຣ ເພີ່ມຈາກປີທີ່ຜ່ານ​ມາ 482,6 ລ້ານ​ເອີໂຣ <strong>ອັນດັບ </strong><strong>5 ປາຣີສ ແຊງ ແຊກແມງ ຈາກຝຣັ່ງ</strong>474,2 ລ້ານ​ເອີໂຣ ເພີ່ມຈາກປີທີ່ຜ່ານ​ມາ 398,8 ລ້ານ​ເອີໂຣ.</p> <p>         ສ່ວນທີມຈາກອັງກິດທີ​ມອື່ນ <strong>ແມນ​ເຊ​ສ​ເຕີ ຊິຕີ ຢູ່ທີ </strong><strong>6</strong>ລາຍຮັບ 414,4 ລ້ານ​ເອີໂຣ<strong>, ເຊວຊີ ຢູ່ທີ 7</strong> ລາຍຮັບ 387,9 ລ້ານ​ເອີໂຣ, <strong>ອາເຊນອນ ຄອງທີ 8 </strong>ລາຍຮັບ 359,3 ລ້ານ​ເອີໂຣ, <strong>ລິເວີພູນ ຢູ່ທີ 9</strong> ລາຍຮັບ 305,9 ລ້ານ​ເອີໂຣ ຂະນະທີ່ <strong>ສະເປີ</strong><strong>, ນິວຄາສເຊິ່ນ</strong>ແລະ <strong>ເອຟເວີຕັນ</strong> ຢູ່ໃນກຸ່ມ 20 ອັນດັບຕົ້ນ ແລະ ຍັງພົບວ່າທີມໃນພຣີເມຍລີກທີ່ເຫຼືອ ຕ່າງຕິດໃນກຸ່ມ 40 ອັນດັບຕົ້ນຂອງການຈັດອັນດັບຄັ້ງນີ້ກັນຖ້ວນໜ້າ.</p>

ຂ່າວທີ່ກ່ຽວຂ້ອງ