ແມນຢູ ວາງແຜນຊື້ຂາດຟັນເກົາ ເພື່ອສົ່ງແລກປ່ຽນຄາວານີ່

719 23 ມ.ກ. 2015 ນານາກີລາໂລກ
ແມນຢູ ວາງແຜນຊື້ຂາດຟັນເກົາ ເພື່ອສົ່ງແລກປ່ຽນຄາວານີ່

<p>         <strong>ແມນ​ເຊ​ສ​ເຕີ ຢູໄນເຕັດ ວາງແຜນຊັ້ນສູງ ດ້ວຍການຄວ້າ ຣາດາເມວ ຟັນເກົາ ສູນໜ້າສັນຍາເຊ່ົາ ມາຮ່ວມທີມແບບຖາວອນ ແລ້ວສົ່ງ​ຕໍ່ໃຫ້ ປາຣີສ ແຊງ-ແຊກແມງ ທັນທີ ເພື່ອແລກປ່ຽນກັບ ເອດິນສັນ ຄາວານີ່ ດາວຍິງຄົນເກ່ງ ມາຄ້າຝີ​ຕີນໃນຖິ່ນ ​ໂອລ ​ແທຣບຟອດ.</strong></p> <p>           ເລກິ໊ບ ສື່ຊື່ດັງຂອງຝຣັ່ງ ລາຍງານຂ່າວເມື່ອວັນພຸດທີ 21 ມັງກອນທີ່ຜ່ານມາວ່າ ແມນເຊສເຕີ ຢູໄນເຕັດ ສະໂມສອນຊັ້ນ​ແນວ​ໜ້າແຫ່ງ​ເວທີ ພຣີເມຍລີກ ອັງກິດ ກຽມດຶງ ຣາດາເມວ ຟັນເກົາ ກອງໜ້າຕົວຢືມຊາວໂກ​ໂລມ​ບີ ມາຮ່ວມທີມເປັນການຖາວອນ ເພື່ອນຳໄປແລກປ່ຽນກັບ ເອດິນສັນ ຄາວານີ່ ກອງ​ໜ້າທີມຊາດອຸຣຸກວັຍ ຂອງ ປາຣີສ ແຊງ-ແຊກແມງ ທີມມະຫາເສດຖີ ລີກ ອອງ ທັນທີ.</p> <p>           ຄາວານີ່ ບໍ່ສາມາດກັບມາສ້າງຜົນງານໄດ້ດີເໝືອນເດີມ ນັບຕັ້ງແຕ່ຍ້າຍຈາກ ນາໂປລີ ມາຄ້າຝີ​ຕີນໃນຖິ່ນ ປາກ ເດ ແພຣັງ ເມື່ອປີ 2013 ຂະນະທີ່ ອະດີດກອງ​ໜ້າ ເອຟຊີ ປໍໂຕ້ ສະ​ແດງ​ຄວາມ​ສາມາດໄດ້ຢ່າງໜ້າຜິດຫວັງພາຍໃຕ້ການຄຸມທີມຂອງ ຫຼຸຍ ຟານ ກາວ ຜູ້ຈັດການທີມຊາວ​ໂຮ​ນລັງ ໃນລະດູການນີ້. </p> <p>           ລາຍງານລະບຸວ່າ ​ແມນ​ຢຸູ ພ້ອມໃຊ້ເງື່ອນໄຂຊື້ຂາດ ຟັນເກົາ ທີ່ຍ້າຍມາຈາກ ອາແອສ ໂມນາໂກ ແບບຢືມຕົວ ແລ້ວປ່ອຍໄປໃຫ້ ປາຣີສ ​ແຊງ-​ແຊກ​ແມງ ພ້ອມສວຍໂອກາສດຶງ ຄາວານີ່ ມາເສີມຄວາມຄົມໃນແດນໜ້າໃຫ້ໄດ້.</p>

ຂ່າວທີ່ກ່ຽວຂ້ອງ