Adidas ທຸ່ມເງິນຊ່ວຍແມນຢູລ່າ ເມສຊີ 200 ລ້ານປອນ

794 16 ມ.ກ. 2015 ນານາກີລາໂລກ
Adidas ທຸ່ມເງິນຊ່ວຍແມນຢູລ່າ ເມສຊີ 200 ລ້ານປອນ

<p> <strong>        ​ໂອກາດ​ນີ້​ມີ​ສິດ​ສູງ ​ເມື່ອ​ຜູ້​ອຸປະຖໍາ​ໃໝ່​ຂອງ​ແມນ​ເຊ​ສ​ເຕີ ຢູ​ໄນ​ເຕັດ ຢ່າງ ອາ​ດີ​ດາ​ສ (</strong><strong>Adidas) ​ໃຈ​ໃຫຍ່ ກຽມ​ເງິນ 200 ລ້ານ​ປອນ​ໃຫ້​ອອກ​ລ່າ ລິ​ໂອ​ເນ​ວ ​ເມສຊີ ​ເຂົ້າ​ທີ​ມ.</strong></p> <p>           <strong>​ເດ​ລີ່ ​ເອັກ​ຊ໌​ເພຣສ</strong> ສື່​ດັງ​ແຫ່ງ​ເກາະ​ອັງກິດ ພາດ​ຂ່າວ​ຫົວ​ໃຫຍ່​ເຖິງ​ເລື່ອງ <strong>ອາ​ດີ​ດາ​ສ</strong> ກຽມ​ຍື່ນ​ຊ່ວຍ​ເຫຼືອທີ​ມ ​ແມນ​ເຊ​ສ​ເຕີ ຢູ​ໄນ​ເຕັດ <strong>ດ້ວຍ​ການ​ກຽມ​ເງິນ​ເຖິງ 200 ລ້ານ​ປອນ ​ເພື່ອ​ໃຊ້​ໃນ​ການ​ຄວ້າ​ນັກ​ເຕະ​ຊາວ​ອາກຊັງ​ຕິນ ລິ​ໂອ​ເນ​ວ ​ເມສຊີ ມາ​ຈາກ ບາ​ເຊ​ໂລ​ນ່າ </strong>​ໃນ​ໄລຍະ​ພັກ​ຮ້ອນ​ນີ້ ​ໂດຍ​<strong>ອາ​ດີ​ດາ​ສ</strong> ຈະ​ເຂົ້າ​ມາ​ເປັນ​ຜູ້​ອຸປະຖໍາ​ຜະລິດ​ຊຸດ​ການ​ແຂ່ງຂັນ​ໃຫ້​ກັບ ​ແມນ​ຢູ​ໃນ​ລະດູ​ການ​ໜ້າ ​ເຊິ່ງມີ​ມູນ​ຄ່າ​ໃນ​ການ​ສະໜັບສະໜູນ​ເຖິງ 750 ລ້ານ​ປອນ ຕະຫຼອດ​ໄລຍະ​ເວລາ 10 ປີ.</p> <p>           ທັງ​ນີ້ <strong>ອາ​ດີ​ດາ​ສ</strong> ​ເປັນ​ຜູ້​ສະໜັບສະໜູນ​ຫຼັກ​ຂອງ ​ເມສຊີ ​ແຕ່​ຕະຫຼອດ​ເວລາ​ທີ່​ຜ່ານ​ມາ ຜູ້ກ່ຽວ​ນັ້ນ​ຕ້ອງ​ໃສ່​ຊຸດ​​ຂອງ​ຄູ່ແຂ່ງທາງ​ການ​ຕະຫຼາດ​ທີ່​ເປັນ​ຜູ້​ສະໜັບສະໜູນ​ໃຫ້​ກັບ​ຊຸດ​ແຂ່ງ​ຂອງ ບາ​ເຊ​ໂລ​ນ່າ ຢູ່​ນັ້ນ​ເອງ ຈຶ່ງ​ເຮັດ​ໃຫ້ <strong>ອາ​ດີ​ດາ​ສ</strong> ​ເຫັນ​ເຖິງ​ໂອກາດ​ອັນ​ດີ​ທີ່​ຊ່ວຍ​ແມນ​ຢູ ດຶງ​ຕົວ ​ເມສຊີ ​ເຂົ້າ​ສູ່​ຖິ່ນ​ໂອລ​ແທຣບຟອດ ​ໂດຍ​ຕົວ​ນັກ​ເຕະ​ເອງ​ມີຄ່າ​ຈີກ​ສັນຍາ​ຢູ່​ທີ່ 195 ລ້ານ​ປອນ ​ແລະ ຜູ້ກ່ຽວ​ຍັງ​ເປີດ​ເຜີຍ​ອອກ​ມາ​ວ່າ <strong>“ຍັງ​ບໍ່​ແນ່​ໃຈ​ເລື່ອງ​ອະນາຄົດ​ຄ້າ​ຝີ​ຕີນ​ຂອງ​ຕົນ​ເອງ”</strong> ​ໃນ​ງານ​ບັນ​ລົງ​ດໍ ທີ່​ຜ່ານ​ມາ​ດ້ວຍ.</p>

ຂ່າວທີ່ກ່ຽວຂ້ອງ