ຂ່າວຫຼ້າສຸດ

ສວນທາງຜົນງານ ! ອັນດັບຟີຟ່າ ໄທຫຼົ່ນ 2 ຂັ້ນ ສ່ວນເຢຍລະມັນຍັງຄອງເບີ 1

755 09 ມ.ກ. 2015 ນານາກີລາໂລກ
ສວນທາງຜົນງານ ! ອັນດັບຟີຟ່າ ໄທຫຼົ່ນ 2 ຂັ້ນ ສ່ວນເຢຍລະມັນຍັງຄອງເບີ 1

<p>         <strong>ເມື່ອວັນທີ </strong><strong>8 ມັງກອນ​ທີ່​ຜ່ານ​ມາ ສະຫະພັນ​ເຕະບານນານາຊາດ ຫຼື ຟີຟ່າ ໄດ້ດໍາ​ເນີນການຈັດອັນດັບໂລກປະຈຳເດືອນ ມັງກອນ ຜົນປາກົດວ່າ 10 ອັນດັບຕົ້ນບໍ່ມີການປ່ຽນແປງ ເຢຍລະມັນ ແຊັມໂລກ 2014 ຍັງຄອງຕຳແໜ່ງອັນດັບ 1 ໂລກເຊ່ັນເດີມ ຕາມດ້ວຍ ອາກຊັງ​ຕິນ ທີ່ຄອງອັນດັບ 2 ແລະ ໂກ​ໂລມ​ບີ ເປັນທີ 3.</strong></p> <p>           ສ່ວນທີມໃນກຸ່ມ 10 ອັນດັບຕົ້ນ​ປະ​ເທດອື່ນ ອັນດັບ 4 ​ແບນ​ຊິກ, ອັນດັບ 5 ​ໂຮ​ນລັງ, ອັນດັບ 6 ບຣາຊິນ, ອັນດັບ 7 ປອກຕຸຍການ ແລະ ຝຣັ່ງ, ອັນດັບ 9 ​ແອັດ​ສະ​ປາຍ, ອັນດັບ 10 ອຸຣຸກວັຍ ຂະນະທີ່ ອັງກິດ ຄອງທີ 13.</p> <p>           ໃນສ່ວນຂອງຂົງ​ເຂດ​ອາຊີ ອິຣ່ານ ຍັງຄອງເບີ 1 ຂອງທະວີບ ໂດຍຄອງທີ 51 ຂອງໂລກ ຕາມດ້ວຍອັນດັບ 2 ຍີ່ປຸ່ນ ​ເຊິ່ງຄອງທີ 54 ຂອງໂລກ ສ່ວນ ສ ເກົາຫຼີ ເປັນທີ 3 ຂອງອາຊີ ໂດຍຄອງທີ 69 ຂອງໂລກ.</p> <p>           ທາງດ້ານທີມຊາດໄທ ​ເລີ່​ມຕົ້ນປີໃໝ່ດ້ວຍອັນດັບ 144 ຂອງໂລກ ຫຼຸດຈາກເດີມ 2 ອັນດັບ ລວມ​ເຖິງຍັງຫຼົ່ນມາຢູ່ທີ່ 23 ຂອງອາຊີ ແລະ ຢູ່ທີ່ 4 ຂອງອາຊຽນ ຕາມຫຼັງຟິລິບປິນ, ຫວຽດນາມ ແລະ ມຽນມາ.</p> <p>           ສຳລັບເດືອນນີ້ ໄທເກັບແຕ້ມໄດ້ຈາກ​ເຕະບານເອເອຟເອຟ ຊູຊູກິ ຄັບ ຮອບຊີງຊະນະເລີດ ໃນນັດທໍາ​ອິດທີ່ເປິດຖິ່ນຊະນະມາເລເຊຍ 2-0 ສ່ວນນັດທີ່ບຸກໄປ​ເສຍ 2-3 ບໍ່ມີຄະແນນຕິດມື ຂະນະທີ່ການໄດ້ແຊັມມາຄອງ ບໍ່ມີຜົນຕໍ່ຄ່າຄວາມສຳຄັນໃນເກມທີ່ຊະນະ ເນື່ອງຈາກຟີຟ່ານັບເກມທຸກນັດໃນລາຍການນີ້ເປັນພຽງ​ແຕ່​ລາຍການອຸ່ນເຄື່ອງເທ່ົານັ້ນ ສ່ົງຜົນໃຫ້ເມື່ອນຳມາສະ​ເລ່ຍໃນຄ່າສໍາປະສິດລວມ ໄທຈຶ່ງມີຄະ​ແນນຫຼຸດຈາກເດືອນທີ່ຜ່ານ​ມາ 194 ແຕ້ມ ເຫຼືອພຽງ 182 ແຕ້ມໃນເດືອນນີ້.</p> <p>           ສ່ວນ​ທີ​ມຊາດ​ລາວ​ຂອງ​ພວກ​ເຮົາ ຍັງ​ຄົງ​ຮັກສາ​ອັນ​ດັບທີ 160 ຂອງ​ໂລກ​ເໝືອນ​ເດືອນ​ທີ່​ຜ່ານ​ມາ​ຄື​ເກົ່າ.</p> <p>           ສຳລັບທີມທີ່ມີຄວາມເຄື່ອນໄຫວດີທີ່ສຸດໃນເດືອນນີ້ ໄດ້ແກ່ 3 ທີມຈາກຂົງ​ເຂດ​ອາຊີ ຄື  ບາເຣນ ຫຍັບຈາກທີ 122 ຂອງໂລກ ຂຶ້ນໄປທີ 110 ຕາມດ້ວຍ ລີ​ບັງ ຂຶ້ນຈາກທີ 126 ໄປຢູ່ທີ່ 122 ແລະ ຫວຽດນາມ ຂຶ້ນຈາກທີ 138 ໄປຢູ່ທີ 134.</p> <p>           ສ່ວນທີມທີ່ມີຄວາມເຄື່ອນໄຫວຂີ້ຮ້າຍທີ່ສຸດ ໄດ້ແກ່ ຈໍແດນ ຈາກຂົງ​ເຂດ​ອາຊີ ຫຼົ່ນຈາກທີ 81 ໄປຢູ່ທີ 93 ຕາມດ້ວຍອິຣັກ ຈາກຂົງ​ເຂດ​ອາຊີອີກປະ​ເທດ ຫຼົ່ນຈາກທີ 103 ໄປຢູ່ທີ 114 ແລະ ຊໍາ​ບີ ຈາກຂົງ​ເຂດອາຟຣິກາ ຫຼົ່ນຈາກທີ 46 ໄປຢູ່ທີ 50.</p> <p>           ການຈັດອັນດັບໃນເດືອນຕໍ່ໄປ ຈະປະກາດຜົນໃນວັນທີ 12 ກຸມພາ.</p>

ຂ່າວທີ່ກ່ຽວຂ້ອງ