ຂ່າວຫຼ້າສຸດ

ເຈົ້າຊາຍຈໍແດນ ຖະແຫຼງຊີງຕຳແໜ່ງປະທານຟີຟ່າ ກັບທ່ານ ແບລ໊ດເຕີ

862 07 ມ.ກ. 2015 ນານາກີລາໂລກ
ເຈົ້າຊາຍຈໍແດນ ຖະແຫຼງຊີງຕຳແໜ່ງປະທານຟີຟ່າ ກັບທ່ານ ແບລ໊ດເຕີ

<p>         <strong>ເຈ້ົາຊາຍອາລີ ບິນ ອັລ-ອຸສເຊອິນ ແຫ່ງປະເທດຈໍແດນ ເຊິ່ງດຳລົງຕຳແໜ່ງຮອງປະທານສະຫະພັນເຕະບານນານາຊາດ (ຟີຟ່າ) ຖະແຫຼງຂ່າວຢືນຢັນວ່າຈະລົງສະໝັກຊີງຕຳແໜ່ງປະທານ </strong><strong>"ຟີຟ່າ" ໄລຍະກາງປີນີ້ ແຂ່ງກັບທ່ານ ເຊັບແບລ໊ດເຕີ ປະທານໃຫຍ່ຟີຟ່າຄົນປັດຈຸບັນ.</strong></p> <p>           ໂດຍເຈ້ົາຊາຍອາລີ ທີ່ຫາກໍສະຫຼອງວັນເກີດອາຍຸຄົບ 39 ປີເຕັມເມື່ອວັນທີ 23 ທັນວາທີ່ຜ່ານມາ ເປີດເຜີຍຜ່ານຖະແຫຼງການວ່າ ການຕັດສິນໃຈລົງສະໝັກຊີງຕຳແໜ່ງປະທານຟີຟ່າໃນຄັ້ງນີ້ ບໍ່ແມ່ນການຕັດສິນໃຈທີ່ງ່າຍແຕ່ຢ່າງໃດ ແຕ່ວ່າເປັນການໄຕ່ຕອງຢ່າງຖ້ວນຖີ່ ຕະຫຼອດຈົນການໄດ້ໂອ້ລົມຫາລືຈາກບັນດາຊາດສະມາຊິກຟີຟ່າໃນໄລຍະບໍ່ເທົ່າເດືອນທີ່ຜ່ານມາ ເຮັດໃຫ້ຕົນໄດ້ຕັດສິນໃຈວ່າ ເຖິງເວລາທີ່ຈະຢຸດຕິຫຼາຍບັນຫາທີ່ເກີດຂຶ້ນສາ.</p> <p>           ຟີຟ່າຕົກເປັນຂ່າວບໍ່ໂປ່ງໃສຢ່າງໜັກ ໃນໄລຍະທ້າຍປີ 2014 ຈາກປະເດັນບໍ່ໂປ່ງໃສທີ່ກ່ຽວກັບການລັກຕິດສິນບົນຂອງຊາດສະມາຊິກ ໃນການລົງຄະແນນເລືອກເຈ້ົາພາບເຕະບານໂລກ 2018 ທີ່ຣັດເຊຍ ແລະ 2022 ທີ່ກາຕາ ຕັ້ງແຕ່ເດືອນທັນວາປີ 2010.</p> <p>           ສ່ວນທ່ານ ເຊັບ ແບລ໊ດເຕີ ທີ່ຈະອາຍຸ 79 ປີໃນວັນທີ 10 ມີນາ ເລີ່ມຮັບຕຳແໜ່ງປະທານຟີຟ່າປີ 1998 ກ່ອນຄອງຕຳແໜ່ງເລື້ອຍມາເຖິງ 4 ສະໄໝຕິດຕໍ່ກັນ ແລະ ຈະລົງປ້ອງກັນຕຳແໜ່ງດັ່ງກ່າວໃນການເລືອກຕັ້ງວັນທີ 29 ພຶດສະພາທີ່ຈະມາເຖິງນີ້.</p>

ຂ່າວທີ່ກ່ຽວຂ້ອງ