ສານເມີນຄຳອຸທອນຂອງບາເຊໂລນາ ປີ 2015 ອົດຊື້ນັກເຕະ

684 07 ມ.ກ. 2015 ນານາກີລາໂລກ
ສານເມີນຄຳອຸທອນຂອງບາເຊໂລນາ ປີ 2015 ອົດຊື້ນັກເຕະ

<p>         <strong>ບາເຊໂລນາ ຍອດສະໂມສອນປະຈຳເວທີ ລາ ລີກາ ​ແອັດ​ສະ​ປາຍ ບໍ່ອະນຸຍາດໃຫ້ເຊັນສັນຍາຄວ້າຜູ້ຫຼິ້ນໃໝ່ຕະຫຼອດປີ </strong><strong>2015 ຫຼັງຈາກ ສານອະນຸຍາໂຕຕຸລາການກີລາ (Court of Arbitration for Sport) ຖືຕາມບົດລົງໂທດເດີມຂອງ ສະຫະພັນ​ເຕະບານນານາຊາດ ຫຼື ຟີຟາ ມີຜົນທັນທີ ​ເຮັດໃຫ້ຕະຫຼາດເປີດ​ເດືອນມັງກອນນີ້ ໝົດສິດຫຍັບຕົວ.</strong></p> <p>           ການຕັດສິນຄຳອຸທອນອອກມາເມື່ອວັນອັງຄານທີ 30 ທັນວາ 2014 ໂດຍ ຊີເອເອສ ທີ່ເມືອງໂລຊານ ປະເທດສວິດ ຢືນຢັນຕາມເດີມຄື ບາເຊໂລນາ ​ເຮັດຜິດກໍລະນີຄວ້າຜູ້ຫຼິ້ນອາຍຸຕ່ຳກວ່າ 18 ປີລະຫວ່າງປີ 2009-2013 ນອກຈາກນີ້ຍັງຕ້ອງເສຍຄ່າປັບ​ໄໝ 293.000 ປອນ.</p> <p>           ​ເຖິງແມ່ນ ບາເຊໂລນາ ຈະຖືກຫ້າມຄວ້ານັກເຕະ 1 ປີ ແຕ່ສາມາດຕໍ່ສັນຍາ ຫຼືຢືມນັກ​ເຕະໄດ້ ​ແຕ່​ເຖິງ​ຢ່າງນັ້ນກໍຕາມຖະແຫຼງການຖິ່ນ ຄໍາ ນູ ຍັງສະແດງຄວາມບໍ່ພໍໃຈ "ເຮົາຢາກຈະ​ເປີດເຜີຍສິ່ງທີ່ຢູ່ໃນໃຈດ້ວຍຄວາມເຄົາລົບວ່າບໍ່ເຫັນດີນໍາກັບຄຳຕັດສິນຂອງ ສານອະນຸຍາໂຕຕຸລາການ ທີ່ຢືນຢັນບົດລົງໂທດເດີມຂອງ ຟີຟາ ທີ່ກ່າວຫາວ່າລະເມີດກົດຊື້ຂາຍລະຫວ່າງປະເທດ ກ່ຽວກັບນັກເຕະທີ່ຍັງບໍ່ບັນລຸນິຕິພາວະ".</p> <p>           "ສະໂມສອນໄດ້ສະແສງຄວາມຊັດເຈນໄປຍັງຄະນະກໍາມະການດ້ານວິ​ໄນ, ຄະນະກໍາມະການອຸທອນ ແລະ ຊີເອເອສ ເລື່ອງນະໂຍບາຍຄຸ້ມຄອງຜູ້ເຍົາ ແລະ ຊີ້ແຈງກ່ຽວກັບຄວາມກັງວົນຂອງທຸກຝ່າຍເລື່ອງການຮຽນຂອງນັກເຕະ ທຸກຄົນຈະໄດ້ຮັບການພັດທະນາ ເພາະໂຄງການຂອງບາເຊໂລນາ ໄດ້ສ້າງເດັກຂຶ້ນມາຫຼາຍຮ້ອຍຄົນ ເຊິ່ງສ່ວນໃຫຍ່ລ້ວນບັນລຸຄວາມຝັນ ແລະ ໄດ້ຮັບການສຶກສາທີ່ດີ" ບາເຊໂລາ ເປີດເຜີຍ.</p> <p>           ກ່ອນຫນ້ານີ້ລະຫວ່າງທີ່ອຸທອນ ບາເຊໂລນາ ໄດ້ຄວ້ານັກເຕະຢ່າງ ຫຼຸຍ ຊົວເຣຊ ກອງໜ້າທີມຊາດອຸຣຸກວັຍ ເມື່ອພັກຮ້ອນທີ່ຜ່ານມາຈາກ ລິເວີພູນ ດ້ວຍຄ່າຕົວ 75 ລ້ານປອນ ລວມເຖິງ ອິວານ ຣາຄິຕິຊ (ກອງກາງ) ແລະ ໂທມັສ ແຟມາເລນ (ກອງຫຼັງ).</p> <p>           ສຳລັບກົດການຊື້-ຂາຍ ຟີຟາ ຈະອະນຸຍາດໃຫ້ຜູ້ຫຼິ້ນດາວຮຸ່ງຈາກຊາດຕ່າງໆຍ້າຍໄດ້ 1 ໃນ 3 ກໍລະນີຄື ຄອບຄົວນັກເຕະຍ້າຍຈາກປະເທດດ້ວຍເຫດຜົນທີ່ບໍ່ກ່ຽວກັບຍ້າຍທີມ, ຍ້າຍໄດ້ພາຍໃນສະຫະພາບເອີຣົບ ຖ້າອາຍຸລະຫວ່າງ 16-18 ປີ ແລະ ເຮືອນຂອງນັກເຕະບໍ່ໄກເກີນ 50 ກິໂລແມັດ ຈາກການຂ້າມຊາຍແດນລະຫວ່າງປະເທດ.</p>

ຂ່າວທີ່ກ່ຽວຂ້ອງ