ຂ່າວຫຼ້າສຸດ

ຫວຽດນາມສັ່ງລົງໂທດ 9 ນັກເຕະຕະຫຼອດຊີວິດຖານພົວພັນລົ້ມບານ

528 07 ມ.ກ. 2015 ນານາກີລາໂລກ
ຫວຽດນາມສັ່ງລົງໂທດ 9 ນັກເຕະຕະຫຼອດຊີວິດຖານພົວພັນລົ້ມບານ

<p>         <strong>ມັນຕ້ອງລົງໂທດໃຫ້ຫຼາບຈຳ ! ສະມາຄົມ​ເຕະບານ​ຫວຽດນາມ ສວມບົດໂຫດສັ່ງລົງ​ໂທດ​ນັກ​ເຕະ ວິສໄຊ ນິນ ບິນ </strong><strong>9 ຄົນຕະຫຼອດຊີວິດ ຫຼັງທັງໝົດຍອມຮັບໄດ້ຮັບເງິນວ່າຈ້າງເພື່ອຈົງໃຈລົ້ມບານໃນລາຍການ ເອເອຟຊີ ຄັບ ເມື່ອເດືອນສິງຫາທີ່​ຜ່ານ​ມາ.</strong></p> <p>           ສະຫະພັນ​ເຕະບານ​ຫວຽດນາມ (VFF) ສັ່ງລົງໂທດບັນດານັກເຕະຂອງ ວິສໄຊ ນິນ ບິນ ສະໂມສອນແຫ່ງ​ເວທີ ວີ ລີກ 1 ລີກສູງສຸດຂອງປະເທດຫວຽດນາມ 9 ຄົນຈາກເກມ​ເຕະບານຕະຫຼອດຊີວິດ ຈາກກໍລະນີມີສ່ວນກ່ຽວຂ້ອງກັບການລົ້ມບານໃນເກມບຸກຊະນະ ກລັນຕັນ ທີມດັງຂອງມາເລເຊຍ 3-2 ໃນ​ເຕະບານ ເອເອຟຊີ ຄັບ ເມື່ອເດືອນສິງຫາທີ່ຜ່ານມາ.</p> <p>         VFFປະກາດໂທດຫ້າມດັ່ງກ່າວເມື່ອວັນພະຫັດທີ 25 ທັນວາທີ່ຜ່ານມາ ໂດຍມີການ​ເຮັດ​ວຽກຢ່າງໃກ້ຊິດກັບເຈົ້າໜ້າທີ່ຕຳຫຼວດໃນການກວດສອບນັດການແຂ່ງຂັນທີ່ໜ້າສົງ​ໄສ ໂດຍອົງກອນ​ເຕະບານຫວຽດນາມ​ລະບຸວ່າ "ຈະຕ້ອງດຳເນີນມາດຕະການສຽບຂາດໃນການຕໍ່ສູ້ກັບເຫດການເຊີງລົບໃນເກມ​ເຕະບານເພື່ອເອີ້​ນຄວາມເຊື່ອໝັ້ນຂອງກອງ​ເຊຍ​ບານໃນປະເທດກັບຄືນມາອີກຄັ້ງ.</p> <p>           ກ່ອນໜ້ານີ້ ນັກເຕະຂອງ ວິສໄຊ ນິນ ບິນ ທີ່ຖືກຕັດສິນຈຳຄຸກສູງສຸດ​ເຖິງ 30 ເດືອນ ຍອມຮັບກັບເຈົ້າໜ້າທີ່ຕຳຫຼວດວ່າໄດ້ຮັບເງິນວ່າຈ້າງປະມານ 80 ລ້ານດົງ ໃຫ້ລົ້ມບານໃນເກມດັ່ງກ່າວ ຂະນະທີ່ ທ່ານ ຫງວຽນ ວານ ຊີ ຜູ້ຈັດການທີມ ນິນ ບິນ ໄດ້ອອກຄຳສັ່ງໃຫ້ຍຸບທີມໃນເວລາຕໍ່ມາ.</p>

ຂ່າວທີ່ກ່ຽວຂ້ອງ