ຂ່າວຫຼ້າສຸດ

ແມນຢູ ໄຟຂຽວ 200 ລ້ານປອນ ລ່າ “ເບວ+ຮຸມເມວ+ສະຕຣອດມັນ”

815 26 ທ.ວ. 2014 ນານາກີລາໂລກ
ແມນຢູ ໄຟຂຽວ 200 ລ້ານປອນ ລ່າ “ເບວ+ຮຸມເມວ+ສະຕຣອດມັນ”

<p>         <strong>"ເດລີ່ ເອັກຊ໌ເພຣສ" ສື່ອັງກິດລາຍງານວ່າ ແມນເຊສເຕີ ຢູໄນເຕັດ ພາຍໃຕ້ການຄຸມທີມຂອງ ຫຼຸຍ ຟານ ກັນ ​ເຊິ່ງເຄີຍທຸ່ມເງິນ​ໃນຄັງ​ໄລຍະຕະຫຼາດຊື້-ຂາຍນັກ​ເຕະ​ຮອບທໍາ​ອິດ​ເຖິງ 151 ລ້ານປອນ ຈົນເປັນສະຖິຕິສູງສຸດໃນປະຫວັດສາດ​ເຕະບານ​ອັງກິດ ກຳລັງຈະທຸ່ມເງິນຫຼາຍກວ່າເດີມຊະນິດ​ເຖິງຫຼັກ 200 ລ້ານປອນ ກັບການຄວ້າ 3 ດາວດັງຢ່າງ ແກເຣັດ ເບວ, ມັດ ຮຸມເມວ ແລະ ເຄວິນ ສະຕຣອດມັນ.</strong></p> <p>           ເລີ່ມຈາກການທຳລາຍສະຖິຕິໂລກທີ່ຣີວ ມາດຣິດ ຊື້ ເບວ ຈາກທັອດແນມ ຮອດສະເປີ 85 ລ້ານປອນ ເມື່ອລະດູການກ່ອນ ກັບການດຶງປີກທີມຊາດເວວກັບສູ່ພຣີເມີຍລີກ ອັງກິດອີກຄັ້ງ ດ້ວຍຄ່າຕົວ 120 ລ້ານປອນ.</p> <p>         ຕາມດ້ວຍການທຸ່ມທຶນອີກ 47 ລ້ານປອນ ເພື່ອເປັນຄ່າຕົວຂອງມັດ ຮຸມເມວ ກອງ​ຫຼັງທີມຊາດເຢຍລະມັນ ຊຸດແຊັມ​ເຕະບານໂລກ 2014 ຈາກໂບຣຸສເຊຍ ດອດມຸນ ແລະ ຊື້ ເຄວິນ ສະຕຣອດມັນ ລູກນ້ອງເກ່ົາ ຟານ ກັນ ເມື່ອຄັ້ງຄຸມທີມຊາດ​ໂຮ​ນລັງຈາກອາແອສ ໂຣມ່າ ດ້ວຍລາຄາ 30 ລ້ານປອນ.</p> <p>           ຢ່າງ​ໃດກໍຕາມ ຫາກໂຄງການດັ່ງກ່າວບໍ່ສຳເລັດ ​ແມນ​ຢູຍັງມີແຜນ 2 ໃນການເລັງນັກເຕະຢ່າງ ເຈົາ ມິຣັນດ້າ ຈາກແອດເລຕິໂກ້ ມາດຣິດ, ອີວານ ຣາຄິຕິຊ ຈາກບາເຊໂລນ່າ, ເອັນໂຊ່ ເປເຣຊ ແລະ ນິໂຄລັສ ໄຄຕັນ 2 ກຳລັງສຳຄັນຈາກເບນຟິກ້າ</p> <p>           ທັງ​ຍັງມີໂຄງການປ່ອຍ 7 ນັກເຕະທີ່ມີຢູ່ເພື່ອຫຼຸດຄ່າໃຊ້ຈ່າຍ ນຳໂດຍ ອັດນັນ ຢານູຊາຍ ດາວຮຸ່ງ​ໄວ​ພຽງ 18 ປີທີ່ສັກ​ສີຕິດທີມຊາດ​ແບນ​ຊິກລຸຍ​ເຕະບານໂລກ 2014 ມາແລ້ວ ແຕ່ບໍ່ສາມາດແຈ້ງເກີດໃນຍຸກຂອງຟານ ກັນໄດ້ ເຊ່ັນດຽວກັບອັນແດສັນ ກອງກາງທີ່ເຄີຍຫຼິ້ນໃຫ້ທີມຊາດບຣາຊິນ 8 ນັດ ກໍຫາ​ຈະກັບມາຈາກການຫຼິ້ນໃຫ້ຟິອໍເຣນຕິນ່າໃນລີກອິຕາລີດ້ວຍສັນຍາຢືມຕົວ.</p> <p>           ສ່ວນທີ່ເຫຼືອເປັນແພັດດີ້ ແມັກແນ, ໄທເລີ ແບລັກເກດ, ເຈສຊີ່ ລິນກາດ, ຣີຊ ເຈມ ແລະ ອັນດຣຽສ ເປເຣຣ່າ ​ເຊິ່ງຕ່າງກໍຈະໝົດສັນຍາກັບທີມຫຼັງຈົບລະດູການນີ້ພໍດີ.</p>

ຂ່າວທີ່ກ່ຽວຂ້ອງ