ຂ່າວຫຼ້າສຸດ

ຝ່າຍສືບສວນຟີຟ່າລາອອກ ຫຼັງຂັດແຍ່ງເລື່ອງລາຍງານທຸຈະລິດເຈົ້າພາບບານໂລກ

859 26 ທ.ວ. 2014 ນານາກີລາໂລກ
ຝ່າຍສືບສວນຟີຟ່າລາອອກ ຫຼັງຂັດແຍ່ງເລື່ອງລາຍງານທຸຈະລິດເຈົ້າພາບບານໂລກ

<p> <strong>        ທ່ານ </strong><strong>ມິເຊວ ກາເຊຍ ທະນາຍຊາວອາເມຣິກາ ຕັດສິນໃຈລາອອກຈາກຕຳແໜ່ງຝ່າຍສອບສວນຂອງຄະນະກໍາມະການຈະລິຍະ​ທໍາຂອງຟີຟ່າເປັນທີ່ຮຽບຮ້ອຍແລ້ວ ຫຼັງມີບັນຫາໃນເລື່ອງລາຍງານການກວດ​ສອບທຸຈະລິດເລືອກເຈ້ົາພາບ​ເຕະບານໂລກ.</strong></p> <p>           ເມື່ອວັນຈັນທີ 15 ທັນວາທີ່ຜ່ານມາ ຟີຟ່າຕັດສິນໃຈປະຕິເສດການຍື່ນອຸທອນໃນເລື່ອງວຽກສີບສວນການເລືອກເຈ້ົາພາບ​ເຕະບານໂລກປີ 2018 ແລະ ປີ 2022 ທີ່ທ່ານ ມິ​ເຊ​ວ ກາເຊຍ ໄດ້ຮັບມອບໝາຍໃຫ້​ເຮັດ.</p> <p>           ທ່ານ ມິ​ເຊ​ວ ກາເຊຍ ຍື່ນອຸທອນຫຼັງຈາກທີ່ເຂົາບໍ່ເຫັນດີກັບລາຍງານສະຫຼຸບການສອບສວນ 42 ໜ້າທີ່ ທ່ານ ຮານ-ໂຢອາຄິມ ເອັກເກິດ ປະທານຄະນະກໍາມະການອິດສະລະດ້ານຈະລິຍະ​ທໍາປ່ອຍອອກມາກ່ອນໜ້ານີ້.</p> <p>           ໃນບົດສະຫຼຸບຂອງທ່ານ ຮານ-ໂຢອາຄິມ ເອັກເກິດ ນັ້ນ ອ້າງວ່າ ການກະທຳຜິດທີ່ເກີດຂຶ້ນໃນລະຫວ່າງການຄັດເລືອກຫາເຈ້ົາພາບນັ້ນມີໜ້ອຍດຽວ ແຕ່ທ່ານ ມິ​ເຊ​ວ ກາເຊຍ ຢືນຢັນວ່າ ບົດສະຫຼຸບທີ່ຖືກເຜີຍແຜ່ອອກມານັ້ນ "ມີຄວາມຈິງບໍ່ສົມບູນ ແລະ ມີຂໍ້ຜິດພາດ" ຕ່າງໄປຈາກລາຍງານ 430 ໜ້າສະບັບດັ່ງເດີມທີ່ເຂົາໄປສືບສວນມາ.</p> <p>           ທ່ານ ມິ​ເຊ​ວ ກາເຊຍ ກ່າວຫຼັງຕັດສິນໃຈລາອອກວ່າ "ບໍ່ມີຄະນະກໍາມະການອິດສະລະ, ຝ່າຍສືບສວນ ຫຼືຝ່າຍອະນຸຍາໂຕຕຸລາການ​ໃດປ່ຽນການປະຕິບັດຂອງອົງກອນນີ້ໄດ້ເລີຍ".</p> <p>           "ມັນເປັນເລື່ອງຂອງການຂາດຄວາມເປັນຜູ້ນຳພາຍໃນຟີຟ່າ ກ່ຽວກັບປະເດັນນີ້ ​ເຊິ່ງ​ເຮັດໃຫ້ຂ້ອຍໄດ້ຂໍ້ສະຫຼຸບວ່າໜ້າທີ່ຂອງຂ້ອຍໃນຂະບວນການນີ້ ມາ​ເຖິງຈຸດສິ້ນສຸດແລ້ວ".</p> <p>           ທາງທ່າ​ນ ມິເຊວ ພລາຕິນີ່ ປະທານຂອງຢູຟ່າ ກໍໄດ້ສະ​ແດງຄວາມຄິດເຫັນ​ເຖິງການລາອອກຂອງທ່ານ ມິ​ເຊ​ວ ກາເຊຍ ດ້ວຍວ່າ  "ເຮົາທຸກຄົນຢາກໃຫ້ມີຄວາມໂປ່ງໃສ ແຕ່ນີ້ເປັນຄວາມລ້ົມເຫຼວຄັ້ງໃໝ່ສຳລັບຟີຟ່າ".</p> <p>           ຟີຟ່າ ໄດ້ເດີນທາງໄປຢູ່ທີ່ ໂມຣັອກໂກ ໃນອາທິດ​ຜ່ານ​ມານີ້ ແລະ ຈະຕັດສິນໃຈວ່າ ຈະທຳການເຜີຍແຜ່ລາຍງານສະບັບເຕັມຂອງທ່ານ ມິ​ເຊ​ວ ກາເຊຍ ອອກມາໃຫ້ສາທາລະນະຊົນຮັບຊາບຫຼືບໍ່.</p>

ຂ່າວທີ່ກ່ຽວຂ້ອງ