ຂ່າວຫຼ້າສຸດ

ສະຫະລັດອາເມຣິກາ ຢືນຢັນຍື່ນຈັດ ໂອລິມປິກ 2024

599 26 ທ.ວ. 2014 ນານາກີລາໂລກ

<p>         <strong>ຄະນະກໍາມະການໂອລິມປິກສະຫະລັດ​ອາ​ເມຣິກາ ຢືນຢັນຈະຍື່ນສະ​ເໜີຂໍເປັນເຈ້ົາພາບການແຂ່ງຂັນກີລາໂອລິມປິກລະດູຮ້ອນປີ </strong><strong>2024 ແລະ ພາຣາລິມປິກເກມ  2024 ນັບເປັນຊາດທີ່ 3 ທີ່ປະກາດຊີງເຈ້ົາພາບໂອລິມປິກ 2024 ຕໍ່ຈາກເຢຍລະມັນ ແລະ ອິຕາລີ ໂດຍຂະນະນີ້ຄະນະກໍາມະການກຳລັງເລືອກເມືອງທີ່ຈະໃຊ້ເປັນສະຖານທີ່ຈັດ ໂດຍມີ 4 ເມືອງ ປະກອບດ້ວຍ ບອສຕັນ, ລອສແອງເຈລິສ, ຊານຟຣານຊິສໂກ, ແລະ ວໍຊິງຕັນ ດີ.ຊີ. ຄະນະກໍາມະການໂອລິມປິກສາກົນ ຫຼື ໄອໂອຊີເປີດຮັບສະໝັກຈົນ​ເຖິງວັນທີ 15 ກັນຍາ 2015 ເປັນວັນສຸດທ້າຍ ແລະ ຈະປະກາດໃນປີ 2017.</strong></p> <p>           ສຳລັບສະຫະລັດ ເປັນເຈ້ົາພາບໂອລິມປິກລະດູຮ້ອນຄັ້ງສຸດທ້າຍ ເມື່ອປີ 1996 ທີ່ເມືອງແອດແລນຕ້າ ແລະ ເຈ້າພາບໂອລິມປິກລະດູໜາວ ທີ່ເມືອງຊອດເລກ ຊິຕີ້ ລັດຢູທາ ເມື່ອປີ 2002 ສະກອດ ແບລັກມັນ ປະທານ​ບໍລິຫານຂອງຄນະກໍາມະການໂອລິມປິກສະຫະລັດ ກ່າວວ່າ: "ຊາວອາເມຣິກາຮຸ່ນຕ່າງໆບໍ່ມີໂອກາດທີ່ຈະໄດ້ເປັນສັກຂີພະຍານໃນການແຂ່ງຂັນມະຫະກໍາກີລາໂອລິມປິກເກມ  ແລະ ພາຣາລິມປິກເກມ  ​ເທິງດິນແດນບ້ານເກີດຂອງຕົວເອງ ພວກເຮົາເຊື່ອວ່າມັນສຳຄັນຫຼາຍທີ່ຈະໄດ້ນຳໂອລິມປິກກັບມາຈັດທີ່ສະຫະລັດອີກຄັ້ງ".</p>

ຂ່າວທີ່ກ່ຽວຂ້ອງ