PR ສຳ­ລັບ​ສື່​ມວນ​ຊົນ

3.480 16 ທ.ວ. 2014 ນານາສາລະ

<p style="text-align: justify;"> <strong>ໂດຍ: ແນວ​ລາວ</strong></p> <p style="text-align: justify;"> ວັນ​ທີ 10 ແລະ 11 ຜ່ານ​ມາ​ນີ້ ໄດ້​ມີ​ໂອ­ກາດ​ດີ​ທີ່​ທາງ​ສະ​ຖາ​ບັນ​ເຝິກ­ອົບ­ຮົມ​ກົດ­ໝາຍ ແລະ ວຽກ​ງານ​ຍຸ­ຕິ​ທຳ ກະ­ຊວງ​ຍຸ­ຕິ​ທຳ​ເພິ່ນ​ເຊີນ​ໃຫ້​ໄປ​ຂຶ້ນ​ຫ້ອງ​ສອນ​ວິ­ຊາ​ຂຽນ​ຂ່າວ-ຂຽນ​ບົດ ສື່​ສິ່ງ​ພິມ... ຖື​ວ່າ​ຜູ້​ຂຽນ​ເປັນ​ອາ­ຈານ​ຮັບ​ເຊີນ​ຂາ​ປະ­ຈຳ​ນໍ ?.</p> <p style="text-align: justify;"> ຜູ້​ເຂົ້າ​ອົບ­ຮົມ​ຄັ້ງ​ນີ້ ແມ່ນ​ພະ­ນັກ­ງານ​ມາ​ຈາກ​ຫ້ອງ­ການ​ຍຸ­ຕິ​ທຳ​ຂອງ​ເມືອງ​ສາມ​ສ້າງ​ໃນ 9 ຂະ­ແໜງ (ພາກ​ກາງ+ພາກ​ໃຕ້) ລວມ​ທັງ​ໝົດ 39 ຄົນ.</p> <p style="text-align: justify;"> ຜູ້​ຂຽນ​ເຄີຍ​ເວົ້າ​ວ່າ: ການ​ໄປ​ຂຶ້ນ​ຫ້ອງ​ແບບ​ນີ້ <strong>ໄດ້​ຄວາມ​ຮູ້​ຫຼາຍ​ຢ່າງ​ຈາກ​ພະ­ນັກ­ງານ​ທີ່​ມາ​ຈາກ​ທ້ອງ­ຖິ່ນ</strong> ເພາະ­ວ່າ​ເຮົາ​ບໍ່​ສາ­ມາດ​ຮູ້ ແລະ ໄປ​ເຫັນ​ບັນ­ຫາ... (ສ່ຳ​ກັບ​ລົງ­ທ້ອງ​ຖິ່ນ) ສະ­ນັ້ນ ຈຶ່ງ​ອາ­ໄສ​ການ​ໂອ້​ລົມ​ສົນ­ທະ­ນາ​ຈຶ່ງ​ຄ່ອຍ​ຮູ້​ວ່າ ແຕ່​ລະ​ທ້ອງ­ຖິ່ນ​ມີ​ອັນ​ພົ້ນ​ເດັ່ນ ແລະ ມີ​ຂໍ້­ຄົງ­ຄ້າງ​ຫຍັງ​ແດ່ ?.</p> <p style="text-align: justify;"> ສຳ­ລັບ​ປີ​ນີ້​ໄດ້​ຂຶ້ນ​ຫ້ອງ​ເທື່ອ​ນີ້​ເປັນ​ຄັ້ງ​ທີ​ສອງ​ແລ້ວ ! ກໍ່​ຖື​ໂອ­ກາດ​ນີ້​ຊົມ­ເຊີຍ​ທາງ​ຄະ­ນະ​ຮັບ­ຜິດ­ຊອບ​ເພິ່ນ​ທີ່​ເຫັນ​ຄວາມ​ສຳ­ຄັນ​ຂອງ​ວຽກ​ງານ​ຂ່າວ.</p> <p style="text-align: justify;"> ຍົກ​ບັນ­ຫາ​ນີ້​ຂຶ້ນ​ມາ​ມີ​ຈຸດ­ປະ­ສົງ​ຢາກ​ແຈ້ງ​ໃຫ້​ເພື່ອນ​ຜູ້​ອ່ານ​ຊາບ​ວ່າ: <strong>ໃນ​ຂົງ­ເຂດ​ສື່​ມວນ​ຊົນ​ກໍ່​ມີ​ການ​ຕັ້ງ​ບັນ­ຫາ​ບຸກ​ທະ­ລຸ</strong>​ເຊັ່ນ​ກັນ ສະ­ແດງ​ອອກ​ໃຫ້​ເຫັນ​ຫຼາຍ​ຂະ­ແໜງ­ການ​ໃຫ້​ຄວາມ​ສຳ­ຄັນ​ໃນ​ການ​ກໍ່­ສ້າງ​ບຸກ​ຄະ­ລາ​ກອນ ເພື່ອ​ຮັບ​ໃຊ້​ວຽກ​ງານ​ຖະ­ແຫຼງ​ຂ່າວ​ໃນ​ຂະ­ແໜງ­ການ​ຂອງ​ຕົນ ຄື​ດັ່ງ​ໃນ​ບົດ​ກ່ອນ​ໄດ້​ນຳ​ສະ­ເໜີ​ບົດ­ຮຽນ​ຈາກ​ການ​ໄປ​ເຝິກ­ອົບ­ຮົມ​ຢູ່ ສສ ຫວຽດ­ນາມ ໄດ້​ມີ​ການ​ນຳ​ສະ­ເໜີ​ເລື່ອງ: <strong>ຜູ້​ບໍ­ລິ­ໂພກ​ສື່​ມວນ​ຊົນ</strong> ເຊິ່ງ​ໃນ​ນັ້ນ​ມັນ​ກວມ​ໄປ​ເຖິງ​ຜູ້​ເຮັດ​ວຽກ​ປະ­ຊາ­ສຳ­ພັນ​ໃນ​ສຳ­ນັກ­ງານ ອົງ­ການ ບໍ່​ວ່າ​ພາກ​ລັດ ກໍ່​ຄື​ພາກ​ເອ­ກະ​ຊົນ ໂດຍ​ລວມ​ແລ້ວ​ພວກ​ນີ້​ເພິ່ນ​ເອີ້ນ​ວ່າ: ພວກ​ເຮັດ​ວຽກ​ງານ PR (Public Relations).</p> <p style="text-align: justify;"> ສຳ­ນັກ­ງານ ອົງ­ການ <strong>ໄດ້​ປະ­ໂຫຍດ​ຫຍັງ​ແດ່​</strong>ຈາກ​ຜູ້​ເຮັດ​ວຽກ​ປະ­ຊາ­ສຳ­ພັນ ຕອບ​ແບບ​ງ່າຍໆ​ກໍ່​ແມ່ນ​ເຮັດ​ໃຫ້​ຄົນ​ໃນ​ສັງ­ຄົມ​ຮູ້​ພາ­ລະ​ບົດ­ບາດ​ຂອງ​ຂະ­ແໜງ­ການ​ຕົນ ຮູ້​ຜົນ­ງານ ແລະ ເຫັນ​ໄດ້​ເຖິງ​ຄວາມ​ໂດດ​ເດັ່ນ​ໃນ​ການ​ປະ­ກອບ­ສ່ວນ​ພັດ­ທະ­ນາ​ສ້າງ­ສາ​ປະ­ເທດ​ຊາດ ເມື່ອ​ເປັນ​ເຊັ່ນ​ນັ້ນ​ຈຶ່ງ​ມີ​ການ​ກຳ­ນົດ​ອອກ​ມາ​ວ່າ: ຜູ້​ເຮັດ​ວຽກ​ງານ​ປະ­ຊາ­ສຳ­ພັນ​ຕ້ອງ​ມີ​ຄຸນ​ລັກ­ສະ­ນະ​ໂດຍ​ລວມ​ດັ່ງ­ນີ້:</p> <p style="text-align: justify;"> -ເປັນ​ຄົນ​ມີ​ຄວາມ​ຮູ້​ກວ້າງ­ຂວາງ​ຕໍ່​ສະ­ຖາ­ນະ​ການ​ທີ່​ເກີດ​ຂຶ້ນ​ໃນ​ໂລກ ຮູ້​ນຳ​ໃຊ້​ຂໍ້​ມູນ​ເຫຼົ່າ­ນັ້ນ​ມາ​ສື່­ສານ​ວຽກ​ງານ​ຂອງ​ຕົນ​ອອກ​ສູ່​ສັງ­ຄົມ.</p> <p style="text-align: justify;"> -ສ້າງ​ຄວາມ​ຜູກ​ພັນ​ກັບ​ວົງ​ການ​ສື່​ມວນ​ຊົນ ແລະ ຜູ້​ເຮັດ​ວຽກ PR ຂອງ​ຂະ­ແໜງ­ການ​ຕ່າງໆ​ເພື່ອ​ຄວາມ​ສະ­ດວກ​ໃນ​ການ​ປະ­ຊາ­ສຳ­ພັນ​ວຽກ​ຂອງ​ຕົນ​ອອກ​ສູ່​ສັງ­ຄົມ.</p> <p style="text-align: justify;"> -ຮູ້­ຈັກ​ວາງ​ແຜນ​ໃນ​ການ​ເຮັດ​ວຽກ​ຢ່າງ​ເປັນ​ລະ­ບົບ ລະ­ອຽດ​ຮອບ​ຄອບ ແລະ ກຽມ­ພ້ອມ​ຮັບ​ມື​ກັບ​ສະ­ຖາ­ນະ​ການ​ທີ່​ຈະ​ເກີດ​ຂຶ້ນ​ໄດ້​ຢ່າງ​ມີ​ປະ​ສິດ­ທິ​ຜົນ ສ່ວນ​ໃນ​ກະ​ໂຕ​ສື່​ມວນ​ຊົນ​ເອງ​ກໍ່​ຕ້ອງ​ໄດ້​ເຮັດ​ວຽກ​ງານ​ອັນ​ນີ້​ເຊັ່ນ​ກັນ​ກັບ​ຂະ­ແໜງ­ການ​ອື່ນ ເຊິ່ງ​ເພິ່ນ​ເອີ້ນ​ວ່າ: <strong>ວຽກ​ຕິດ­ຕາມ​ຜູ້​ບໍ­ລິ­ໂພກ​ສື່​ມວນ​ຊົນ</strong> ເວ­ລາ​ໄປ​ເຝິກ­ອົບ­ຮົມ​ຜູ້​ຂຽນ​ກໍ່​ໄດ້​ຮຽນ​ລົງ​ເລິກ​ສະ­ເພາະ​ວຽກ​ນີ້ ຮຽນ​ກໍ່​ເພາະ­ວ່າ​ເວ­ລາ​ເຂົ້າ​ສູ່ AEC ສື່​ມວນ​ຊົນ​ກໍ່​ຕ້ອງ​ໄດ້​ປັບ​ບາງ​ຈຸດ ບໍ່​ຊັ້ນ​ກໍ່​ຈະ​ໄປ​ບໍ່​ລອດ ເພາະ­ວ່າ​ສື່​ມວນ​ຊົນ​ຈະ​ປະ­ຕິ­ເສດ​ວ່າ: ຜະ­ລິດ​ຕະ​ພັນ​ຂອງ​ຕົນ​ບໍ່​ແມ່ນ​ສິນ­ຄ້າ​ບໍ່​ໄດ້ ! ໃນ­ຕໍ່­ໜ້າ ງົບ­ປະ­ມານ​ຈາກ​ລັດ <strong>ເພື່ອ​ຊ່ວຍ­ເຫຼືອ​ເກື້ອ­ກູນ</strong>​ໃຫ້​ແກ່​ສື່​ມວນ​ຊົນ​ມັນ​ກໍ່​ມີ​ຂອບ​ເຂດ​ຈຳ­ກັດ​ເຊັ່ນ​ກັນ.</p> <p style="text-align: justify;"> <strong>ຢາກ​ສະ­ຫຼຸບ​ສັ້ນໆ​ວ່າ:</strong>ວຽກ​ປະ­ຊາ­ສຳ­ພັນ ບໍ່​ແມ່ນ​ວຽກ​ໂຄ­ສະ­ນາ​ຕົນ​ເອງ (ເຂົ້າ​ກະ­ທໍ​ຍໍ​ຕົນ​ເອງ​ທໍ່​ນັ້ນ ມັນ​ກວມ​ລວມ​ຫຼາຍ​ໜ້າ​ວຽກ​ທີ່​ບັນ­ດາ​ສຳ­ນັກ​ງາ​ອົງ­ການ​ຕ່າງໆ​ບໍ່​ຄວນ​ຖື​ເບົາ... ເຫັນ​ບໍ ? ນັກ​ປັດ​ຊະ​ຍາ​ບູ­ຮານ​ຂອງ​ຈີນ (ຊຸນ​ຫວູ) ເພິ່ນ​ຈຶ່ງ​ເວົ້າ​ວ່າ : <strong>“ຮູ້​ເຂົາ ຮູ້​ເຮົາ ຮົບ​ຮ້ອຍ​ຄັ້ງ ຊະ­ນະ​ຮ້ອຍ​ຄັ້ງ...”</strong>.</p>

ຂ່າວທີ່ກ່ຽວຂ້ອງ