ຂ່າວຫຼ້າສຸດ

ຫວຽດນາມຕັ້ງທີມສອບສວນນັກເຕະ ອາດລົ້ມບານນັດປະລາໄຊໃຫ້ ມາເລເຊຍ

1.052 15 ທ.ວ. 2014 ນານາກີລາໂລກ
ຫວຽດນາມຕັ້ງທີມສອບສວນນັກເຕະ ອາດລົ້ມບານນັດປະລາໄຊໃຫ້ ມາເລເຊຍ

<p> <strong>        ທ່ານ </strong><strong>ຫງວຽນ ຊວນ ກູ ປະທານສະຫະພັນ​ເຕະບານ​ຫວຽດນາມ ສ່ົງເຈ້ົາໜ້າທີ່ສອບສວນນັດອັບປະຍົດທີ່ ຫວຽດນາມ ພິກລັອກ​ເສຍ​ໃຫ້ ມາເລເຊຍ ໃນບ້ານ </strong><strong>4-2 ເມື່ອວັນພະຫັດທີ 11 ທັນວາທີ່ຜ່ານມາ ມີກິ່ນມີແວວລ້ົມບານຈາກການ​ເບິ່ງ​ວີ​ດີ​ໂອການແຂ່ງຂັນ ​ເຊິ່ງມີຈັງຫວະໜ້າສົງ​ໄສຢູ່​ເຖິງສອງຄັ້ງ.</strong></p> <p>           ຄວັນຫຼົງການ​ແຂ່ງຂັນ​ເຕະບານເອເອຟເອຟ ຊູຊູກິ ຄັບ 2014 ຮອບຮອງຊະນະເລີດ ນັດທີ່ 2 ລະຫວ່າງ ຫວຽດນາມ ເປິດບ້ານພົບມາເລເຊຍ ໂດຍນັດທໍາ​ອິດທີມ ຫວຽດນາມບຸກໄປເອົາຊະນະມາ​ເລ​ເຊຍ 2-1 ​ແຕ່ວ່າເກມນີ້ກັບຜິດຄາດ ເມື່ອມາເລເຊຍ ບຸກມາເອົາຊະນະຫວຽດນາມ​ເຖິງບ້ານ 4-2 ພ້ອມຜ່ານເຂ້ົາສູ່ຮອບຊີງຊະນະເລີດດ້ວຍປະຕູ​ລວມ 5-4 ກຽມມລົງສະໜາມພົບກັບທີມຊາດໄທ ທີ່ຣາຊມັງຄລາກີລາສະຖານ ໃນວັນພຸທທີ 17 ທັນວາທີ່​ຈະ​ເຖິງນີ້.</p> <p>           ຫຼ້າສຸດ ສະຫະພັນ​ເຕະບານ​ຫວຽດນາມ ກຽມສອບສວນນັດອັບປະຍົດຂອງທີມ ທີ່​ເຮັດໃຫ້ກອງ​ເຊຍ​ບານກວ່າລ້ານຄົນຜິດຫວັງ ​ເຊິ່ງມີຈຸດໜ້າສົງ​ໄສຢູ່ສອງປະການ ຄື ປະຕູທີ່ເສຍໃນ​ເຄິ່ງ​ເວລ​າທໍາ​ອິດ ແລະ ປະຕູທີ່ ດິນ ທຽນ ທານ ​ເຮັດເຂ້ົາປະຕູຕົວເອງ ​ເຊິ່ງຖືກຕັ້ງຂໍ້ສົງ​ໄສວ່າລ້ົມບານ.</p> <p>           “ສະຫະພັນ​ເຕະບານ​ຫວຽດນາມຈະຕິດຕາມໃຫ້ເຈ້ົາໜ້າທີ່ຕຳຫຼວດສອບສວນນັດນີ້ອີກຄັ້ງ ເຮົາ​ເຄັ່ງ​ຄຽດກັບການ ກະທຳຜິດຫຼາຍ ຫາກກວດພົບປະຕູທີ່ເສຍໄປມັນບໍ່ສາມາດຍອມຮັບໄດ້ ພິເສດໄປກວ່ານັ້ນຄືເຮົາຫຼິ້ນໃນບ້ານຕົວເອງ ຂ້ອຍມີຄວາມຕັ້ງໃຈທີ່ຈະກຳຈັດສິ່ງຊົ່ວຮ້າຍອອກຈາກ​ເຕະບານ​ຫວຽດນາມ” ທ່ານ ຫງວຽນ ຊວນ ກູ ກ່າວ.</p>

ຂ່າວທີ່ກ່ຽວຂ້ອງ