ເຊວຊີ ແລະ ບາເຊໂລນ່າ ຊະນະ ລິສບອນ ແລະ PSG 3-1

<p>         <strong>ເຊວຊີ ໄລ່ຖະຫຼົ່ມ ສະປໍຕິ້ງ ລິສບອນ ຫາຍຫ່ວງ </strong><strong>3-1  ​ເຕະບານ ຢູຟ່າແຊມປຽນລີກ ຮອບແບ່ງກຸ່ມ ກຸ່ມ Gຂະນະທີ່ ບາເຊໂລນ່າ ຊະນະ ປາຣີສ ແຊງ ແຊກແມງ 3 - 1 ກຸ່ມ  F.</strong></p> <p>           ​ເຕະບານ ຢູຟ່າແຊມປຽນລີກ ຮອບແບ່ງກຸ່ມ ກຸ່ມ <strong>G</strong>ທີ່ສະໜາມ ສະແຕມຟອດ ບຣິດ ວັນພຸທທີ 10 ທັນວາ 2014 ເກມລະຫວ່າງ ເຊວຊີ ຕ້ອນຮັບການມາຢາມ​ຂອງ ສະປໍຕິ້ງ ລິສບອນ ໂດຍເກມນີ້ ເຊວຊີລົງສະໜາມວັນນີ້ເຂົ້າຮອບໃນຖານະແຊມກຸ່ມໄປແລ້ວ ​ເຮັດໃຫ້ ໂຈເຊ່ ມູຣິນໂຢ່ ຈັດຕົວຜູ້ຫຼິ້ນແບບທໍາ​ມະ​ດາໆ ສ່ົງຕົວທີ່ບໍ່ຄ່ອຍໄດ້ໂອກາດລົງຕົວຈິງໃນວັນນີ້ ທັງ ອັງເດຣ ຊູເລ່,ໂມຮາເໝັດ ຊາລາ,ຈອນ ໂອບີ ມິເກວ,ເຄິດ ຊູມ່າ ລວມໄປ​ເຖິງ ປີເຕີ ເຊັກ ແຕ່ ດິເອໂກ້ ຄອສຕ້າ ແລະ ເຊສ ຟາເບຣກັສ ຕົວຈິງຂາປະຈຳມີຊື່ຊ່ວຍທີມດ້ວຍ ແລະ ຜົນປາກົດວ່າ ເຊວຊີ ໄລ່ຖະຫຼົ່ມ ສະປໍຕິ້ງ ລິສບອນ ຫາຍຫ່ວງ 3-1 ໂດຍເຊວຊີໄດ້ປະຕູຈາກ ເຊສ ຟາເບຣກັສ ຍິງຈຸດໂທດນາທີ 7 ອັງເດຣ ຊູເລ່ ນາທີ 16 ແລະ ຈອນ ໂອບີ ມິເກວ ນາທີ 56 ສ່ວນ ທີ​ມຢາມ ສະປໍຕິ້ງ ລິສບອນ ໄດ້ຈາກການຍິງ ຂອງ ໂຈນາທານ ຊິວວາ ນາທີທີ່ 50 ເມື່ອຄົບ 90 ນາທີ ເຊວຊີ ເອົາຊະນະແບບໄຮ້ບັນຫາ 3-1 ຄວ້າແຊມກຸ່ມຕັ້ງແຕ່ກ່ອນແຂ່ງ ພ້ອມສ້າງສະຖິຕິຍິງປະຕູຫຼາຍທີ່ສຸດໃນຮອບແບ່ງກຸ່ມ 17 ລູກ ສ່ວນ ລິສບອນ ຕົກຮອບ ຕ້ອງໄປເຕະຢູໂຣປາ ລີກແທນ.</p> <p>           <strong>ສ່ວນຜົນຄູ່ອື່ນ</strong></p> <p> <strong>        - ຢູຟ່າ ແຊມປຽນລີກ ກຸ່ມ E</strong></p> <p>           ໂຣມ່າ 0:2 ແມນ​ເຊ​ສ​ເຕີ ຊິຕີ, ບາເຢິນ ມິວນິກ 3:0 ຊີເອສເຄເອ ມົສກູ.</p> <p>           <strong>- ຢູຟ່າ ແຊມປຽນລີກ ກຸ່ມ  F.</strong></p> <p>           ບາເຊໂລນ່າ 3:1 ປາຣີສ ແຊງ ແຊກແມງ,  ອາແຈ໊ກ 4:0 ອາໂປເອວ ນິໂຄເຊຍ.</p> <p>           <strong>- ຢູຟ່າ ແຊມປຽນລີກ ກຸ່ມ G.</strong></p> <p>           ເອັນເຄ ມາຣິບໍ 0:1  ຊາວເກ 04,  ເຊວຊີ 3:1  ສະປໍຕິ້ງ ລິສບອນ.</p> <p>           <strong>- ຢູຟ່າ ແຊມປຽນລີກ ກຸ່ມ H.</strong></p> <p>           ປໍໂຕ້ 1:1 ຊັກຕາ ໂດເນັດ,  ບິວເບົາ 2:0  ບາເຕ້ ບໍຣິຊອຟ.</p> <p>           <strong>ສະຫຼຸບທີມທີ່ຜ່ານເຂົ້າສູ່ຮອບ 16 ທີມສຸດທ້າຍຂອງ​ເຕະບານ ຢູຟ່າ ແຊມປຽນ ລີກ ປະຈຳລະດູການ 2014-15.</strong></p> <p>           <strong>ແຊມກຸ່ມ</strong> - ແອດເລຕິໂກ ມາດຣິດ (​ແອັດ​ສະ​ປາຍ), ຣີວ ມາດຣິດ (ແອັດ​ສະ​ປາຍ), ອາແອສ ໂມນາໂກ (ຝຣັ່ງ), ໂບຣຸສເຊຍ ດອດມຸນ (ເຢຍລະມັນ), ບາເຢິນ ມິວນິກ (ເຢຍລະມັນ), ບາເຊໂລນ່າ (ແອັດ​ສະ​ປາຍ), ເຊວຊີ (ອັງກິດ), ເອຟຊີ ປໍໂຕ້ (ປອກຕຸຍ​ການ)</p> <p>           <strong>ຮອງແຊມກຸ່ມ</strong>- ຢູເວນຕຸສ (ອິຕາລີ), ເອຟຊີ ບາເຊິ່ນ (ສະວິດ), ໄບເອີ ເລເວີຄູເຊ່ນ (ເຢຍລະມັນ), ອາເຊນ່ອນ (ອັງກິດ), ແມນເຊສເຕີ ຊິຕີ (ອັງກິດ), ປາຣີສ ແຊງ-ແຊກແມງ (ຝຣັ່ງ), ຊາວເກ້ 04 (ເຢຍລະມັນ), ຊັກຕາ ໂດເນັດ (ອູ​ແກຣນ).</p> <p>           <strong>*ໝາຍເຫດ</strong>: ການຈັບສະຫຼາກປະກົບຄູ່ຮອບ 16 ທີມສຸດທ້າຍ ຈະມີຂຶ້ນໃນວັນຈັນທີ 15 ທັນວານີ້ ​ເຊິ່ງທີມຈາກຊາດດຽວກັນ ແລະ ທີມທີ່ຫາ​ກໍຢູ່ໃນກຸ່ມດຽວກັນຂອງຮອບແບ່ງກຸ່ມ ຈະບໍ່ມີທາງຖືກຈັບມາຊົນກັນເອງ.</p>