ຂ່າວຫຼ້າສຸດ

ບານໂລກ-ອີໂບລາ ເປັນຫົວຂໍ້ທີ່ໄດ້ຮັບການ Share ຫຼາຍສຸດໃນເຟຊບຸ໊ກປະຈຳປີນີ້

955 11 ທ.ວ. 2014 ນານາກີລາໂລກ
ບານໂລກ-ອີໂບລາ ເປັນຫົວຂໍ້ທີ່ໄດ້ຮັບການ Share ຫຼາຍສຸດໃນເຟຊບຸ໊ກປະຈຳປີນີ້

<p> <strong>        ສຳນັກຂ່າວ </strong><strong>AFP ແລະ AP ລາຍງານວ່າ ເມື່ອວັນທີ 9 ທັນວາທີ່​ຜ່ານ​ມາ ເຟຊບຸ໊ກ ເວັບໄຊເຄືອຂ່າຍສັງຄົມອອນລາຍຍິ່ງໃຫຍ່ເປີດເຜີຍວ່າ ການແຂ່ງຂັນ​ເຕະບານໂລກຮອບສຸດທ້າຍ ເປັນຫົວຂໍ້ທີ່ໄດ້ຮັບການ "ແຊຣ໌" ໂດຍຜູ້ໃຊ້ເຟຊບຸ໊ກທົ່ວໂລກຫຼາຍທີ່ສຸດໃນປີ 2014 ຕາມມາດ້ວຍວິກິດການແຜ່ລະບາດຂອງອີໂບລາ ການເລືອກຕັ້ງປະທານາທິບໍດີບຣາຊິນ ການເສຍຊີວິດຂອງໂຣບິນ ວິນລຽມ ດາລາຮອນລີວູດຊື່ດັງ ແລະ "ໄອຊ ບັກເກັດ ຊານເລນ" ກິດຈະກໍາການກຸສົນທີ່ລະດົມເງິນເພື່ອການວິ​ໄຈ ແລະ ຊ່ວຍເຫຼືອຜູ້ປ່ວຍໂຣກກ້າມຊີ້ນອ່ອນແຮງ.</strong></p> <p>           ສ່ວນຫົວຂໍ້ທີ່ເຫຼືອໃນ 10 ອັນດັບທີ່ມີການແຊຣ໌ຫຼາຍທີ່ສຸດຄື ຄວາມຂັດແຍ່ງໃນກາຊາ ສາຍການບິນມາເລເຊຍແອລາຍ ທີ່ສູນເສຍເຮື​ອບິນໄປ 2 ລຳໃນປີນີ້ ການແຂ່ງຂັນອາເມຣິກັນຟຸດບອນນັດຊີງຊະນະເລີດ "ຊຸບເປີໂບວ" ການປະທ້ວງເຫດການເຈົ້າໜ້າທີ່ຕຳຫຼວດຍິງຊາຍຜິວດຳທີ່ປາສະຈາກອາວຸດເສຍຊີວິດໃນເມືອງເຟີກູສັນ ລັດມິສຊູຣີ ສະຫະລັດອາເມຣິກາ ແລະ ປິດທ້າຍທີ່ການແຂ່ງຂັນກີລາໂອລິມປິກລະດູໜາວທີ່ເມືອງໂຊຊິ ປະເທດຣັດເຊຍ.</p> <p>           ຢ່າງ​ໃດກໍຕາມ ຫົວຂໍ້ເລື່ອງທີ່ໄດ້ຮັບການແຊຣ໌ຫຼາຍທີ່ສຸດໃນແຕ່ລະປະເທດແຕກຕ່າງກັນໄປ ໂດຍໃນສະຫະລັດ ອີໂບ ລາ ແລະ ໄອຊ ບັກເກັດ ເປັນ 2 ເລື່ອງທີ່ໄດ້ຮັບການແຊຣ໌ຫຼາຍທີ່ສຸດ ຂະນະທີ່ການແຂ່ງຂັນ​ເຕະບານໂລກຢູ່ໃນອັນດັບ 6 ເທົ່ານັ້ນ ຂະນະທີ່ໃນອັງກິດ ເລື່ອງທີ່ໄດ້ຮັບການແຊຣ໌ຫຼາຍທີ່ສຸດຄືການລົງປະຊາມະຕິຂອງສະກັອດແລນ.</p> <p>           ຂ່າວລະບຸວ່າ ອັນດັບຫົວຂໍ້ເລື່ອງທີ່ຖືກ​ເວົ້າ​ເຖິງຫຼາຍທີ່ສຸດ​ເທິງເຟຊບຸ໊ກ ຖືວ່າໃຊ້ເປັນຕຳລາອ້າງອີງທ່າ​ອຽງຂອງໂລກໄດ້ ເນື່ອງຈາກ 80% ຂອງຜູ້ໃຊ້ເຟຊບຸ໊ກຢູ່ນອກທະວີບອາເມຣິກາເໜືອ.</p>

ຂ່າວທີ່ກ່ຽວຂ້ອງ