ຂ່າວຫຼ້າສຸດ

ຍູ້​ຂະ​ບວນ​ການ​ໃຫ້​ພົ້ນ​ເດັ່ນ...

3.140 09 ທ.ວ. 2014 ນານາສາລະ

<p style="text-align: justify;"> <strong>ໂດຍ: ແນວ​ລາວ</strong></p> <p style="text-align: justify;"> ຍາມ­ໜາວ​ມາ​ຮອດ​ແລ້ວ!... ຫາກ​ແມ່ນ​ຢູ່​ຕ່າງ​ແຂວງ ໂດຍ​ສະ­ເພາະ​ແມ່ນ​ພາກ​ເໜືອ ຍິນ​ຂ່າວ​ວ່າ​ໜາວ​ຫຼາຍ !... ຜູ້​ຂຽນ​ເຫັນ​ເພິ່ນ​ໄປ​ຊ່ວຍ­ເຫຼືອ​ເຄື່ອງ­ນຸ່ງ​ຫົ່ມ​ກໍ່​ຮູ້­ສຶກ​ດີ­ໃຈ​ນຳ ຄວາມ​ໂອບ​ເອື້ອ​ອາ­ລີ​ຂອງ​ຄົນ​ລາວ​ພວກ​ເຮົາ​ທີ່​ມີ​ຕໍ່​ກັນ ແລະ ຢາກ​ໃຫ້​ມັນ​ກາຍ­ເປັນ​ຂະ​ບວນ​ບໍ່​ແມ່ນ​ແຕ່​ຍາມ­ໜາວ​ນໍ ?</p> <p style="text-align: justify;"> ເວ­ລາ​ລົມ​ກັບ​ໝູ່­ຄູ່​ເລື່ອງ​ນີ້ ຫຼາຍ​ຄົນ​ກໍ່​ເຫັນ​ດີ ແລະ ຢາກ​ໃຫ້​ຊາວ​ໜຸ່ມ​ອອກ​ໜ້າ​ພາ​ທາງ​ວ່າ​ຊັ້ນ!... ພວກ​ເພິ່ນ​ເຫັນ​ຢູ່​ຫວຽດ­ນາມ ເຂົາ­ເຈົ້າ​ມີ​ອາ­ສາ​ສະ­ໝັກ​ຊາວ​ໜຸ່ມ​ອອກ​ໄປ​ຊ່ວຍ​ພໍ່​ແມ່​ປະ­ຊາ­ຊົນ​ຍາມ​ເຂົາ​ພັກ​ຮຽນ... ຂະ​ບວນ​ການ​ນັ້ນ​ດີ​ຫຼາຍ ເພາະ​ມັນ​ເປັນ​ການ​ເຝິກ­ຝົນ​ຫຼໍ່​ຫຼອມ​ຊາວ​ໜຸ່ມ​ເພິ່ນ​ຍັງ ເວົ້າ​ຕື່ມ​ວ່າ: ເວ­ລາ​ປະ­ເທດ​ຊາດ​ປົດ​ປ່ອຍ​ໃໝ່ໆ​ຂະ​ບວນ​ການ​ຊາວ​ໜຸ່ມ​ລາວ​ເຮົາ​ກໍ່​ມີ​ຄື​ກັນ.</p> <p style="text-align: justify;"> ຜູ້​ຂຽນ​ນຳ​ມາ​ຄິດ​ກໍ່​ເຫັນ​ວ່າ​ດີ​ນໍ ? ເວົ້າ​ເລື່ອງ​ສະ­ດວກ​ນີ້​ກໍ່​ຄັກ​ຄື​ກັນ ເພາະ​ພວກ​ເຮົາ​ມີ​ຂະ​ບວນ​ລົງ​ວຽກ​ງານ 3 ສ້າງ​ໄປ​ຍາມ​ໃດ​ກໍ່​ໄດ້ ສ່ວນ­ວ່າ​ສ້າງ​ກິດ­ຈະ­ກຳ​ເນື່ອງ​ໃນ​ວັນ​ສຳ­ຄັນ​ຂອງ​ຊາດ​ນີ້ ຫາກ​ເປັນ​ໄປ​ໄດ້​ເຮັດ​ເປັນ​ຂະ​ບວນ​ພົ້ນ​ເດັ່ນ​ແຮ່ງ​ດີ ຄື​ກັນ​ກັບ​ພວກ​ເຮົາ​ຈັດ​ແຂ່ງ­ຂັນ​ກີ­ລາ (ສ້າງ​ຂະ​ບວນ​ການ​ຕ້ອນ­ຮັບ​ກອງ​ປະ­ຊຸມ) ຫຼື ວ່າ​ສິ­ລະ​ປະ​ວັນ­ນະ­ຄະ­ດີ​ຫັ້ນ​ແລ້ວ !.</p> <p style="text-align: justify;"> ເວົ້າ​ເລື່ອງ​ຂະ​ບວນ​ການ​ນີ້ ມີ​ຜູ້​ໃຫ້​ຄຳ​ເຫັນ​ວ່າ​ມາ­ໄລ​ຍະ​ຫຼັງ​ນີ້​ບໍ່​ຢາກ​ພົ້ນ​ເດັ່ນ​ປານ­ໃດ ເພິ່ນ​ວ່າ​ມັນ​ເປັນ​ແບບ​ລ່ອຍໆ​ວາດ­ໃດ­ວາດ­ໜຶ່ງ ເຊິ່ງ​ກໍ່​ຄົງ​ມີ​ສາ­ເຫດ​ຂອງ​ມັນ​ແຕ່​ກໍ່​ບໍ່​ຄວນ​ປ່ອຍ​ໃຫ້​ມັນ​ລ່ອຍ​ນໍ ? ຕ້ອງ​ຊອກ​ຫາ​ວິ­ທີ​ເຮັດ​ໃຫ້​ມັນ​ເດັ່ນ​ຂຶ້ນ ເພາະ​ຍາມ​ນີ້​ມັນ​ມີ​ຫຼາຍ​ເຫດ­ການ​ທີ່​ຈະ​ເກີດ​ຂຶ້ນ ກ່ອນ​ຈະ​ເຖິງ​ປີ 2015 ເຊັ່ນ​ວ່າ: ກອງ​ປະ­ຊຸມ​ໃຫຍ່​ຂອງ​ອົງ­ຄະ​ນະ​ພັກ​ຂັ້ນ​ພື້ນ­ຖານ ການ​ດຳ­ເນີນ​ຊີ­ວິດ​ການ­ເມືອງ​ຂອງ​ພະ­ນັກ­ງານ ສະ­ມາ­ຊິກ​ພັກ​ຕາມ​ໜ່ວຍ​ພັກ ອົງ­ຄະ​ນະ​ພັກ​ຂັ້ນ​ຮາກ​ຖານ ເຊິ່ງ​ແນ່­ນອນ​ວ່າ​ບັ້ນ​ດຳ­ເນີນ​ຊີ­ວິດ​ການ­ເມືອງ​ນີ້​ຈະ​ມີ​ອັນ​ພົ້ນ​ເດັ່ນ​ຂຶ້ນ ແລະ ມີ​ຂໍ້​ຂາດ​ຕົກ​ບົກ​ຜ່ອງ​ທີ່​ຈະ​ຕ້ອງ​ພ້ອມ​ກັນ​ແກ້​ໄຂ.</p> <p style="text-align: justify;"> ຫາກ​ເວົ້າ​ໃນ​ວົງ​ການ​ທຸ­ລະ​ກິດ-ຄ້າ­ຂາຍ​ແລ້ວ​ກໍ່​ແມ່ນ​ການ​ຈະ​ກ້າວ​ສູ່​ປະ­ຊາ​ຄົມ​ເສດ­ຖະ­ກິດ​ອາ​ຊຽນ AEC ເຊິ່ງ​ເປັນ​ບັ້ງ​ເລກ​ໜັກ​ສຳ­ລັບ​ພວກ​ເຮົາ.</p> <p style="text-align: justify;"> ຢ່າ​ລືມ​ວ່າ AEC ນັ້ນ​ແມ່ນ​ຖານ​ການ​ຜະ­ລິດ​ດຽວ ແລະ ຕະ­ຫຼາດ​ດຽວ ສະ­ນັ້ນ ການ​ແຂ່ງ­ຂັນ​ແມ່ນ​ສູງ​ຫຼາຍ... ຫາກ​ບໍ່​ປັບ­ປຸງ​ການ​ບໍ­ລິ­ການ ປັບ­ປຸງ​ຄຸ­ນະ­ພາບ​ແລ້ວ ຄິດ​ວ່າ​ສິນ­ຄ້າ​ລາວ​ເຮົາ​ກໍ່​ມີ​ບັນ­ຫາ ເພາະ­ວ່າ​ຕະ­ຫຼາດ​ພາຍ​ໃນ​ຖືກ​ເປີດ​ກວ້າງ​ກຳ­ແພງ​ພາ­ສີ​ຫຼຸດ​ລົງ​ຈົນ​ເຖິງ 0 ໃນ​ທີ່​ສຸດ.</p> <p style="text-align: justify;"> <strong>ຢາກ​ບອກ​ວ່າ:</strong>ການ​ຕະ­ຫຼາດ ບໍ່​ແມ່ນ​ຂອງ​ໃຜ ? ທະ­ນາ­ຄານ ກໍ່​ບໍ່​ແມ່​ຂອງ​ໃຜ ມີ​ແຕ່​ຜູ້​ເກັ່ງ... ຜູ້​ສະ­ຫຼາດ​ທໍ່​ນັ້ນ​ຈຶ່ງ​ຈະ​ໄດ້​ເງິນ​ຈາກ​ທະ­ນາ­ຄານ​ມາ​ໃຊ້​ຫຼາຍ​ກວ່າ​ຜູ້​ອື່ນ... ມີ​ແຕ່​ຜະ­ລິດ​ຕະ​ພັນ​ທີ່​ມີ​ຄຸ­ນະ­ພາບ... ລາ­ຄາ​ຖືກ​ກວ່າ​ຜູ້​ອື່ນ​ທໍ່​ນັ້ນ​ຈຶ່ງ​ຈະ​ຄອງ​ຕະ­ຫຼາດ​ໄດ້.</p> <p style="text-align: justify;"> <strong>ສັງ​ລວມ​ເບິ່ງ​ແລ້ວ:</strong>ເຫດ­ການ​ມີ​ແຕ່​ຂະ​ບວນ​ການ​ບໍ່​ພົ້ນ​ເດັ່ນ ສະ­ນັ້ນ ຄວນ​ໄດ້​ເບິ່ງ​ນຳ​ກັນ​ວ່າ​ຊິ​ແກ້​ແນວ­ໃດ ? ຊິ​ເຮັດ​ແນວ­ໃດ ເພື່ອ​ໃຫ້​ຂະ​ບວນ​ການ​ຕ່າງໆ​ມັນ​ຟົດ­ຟື້ນ​ຂຶ້ນ​ຕາມ​ຄວາມ​ເປັນ​ຈິງ​ນໍ ?.</p>

ຂ່າວທີ່ກ່ຽວຂ້ອງ