ຂ່າວຫຼ້າສຸດ

AFC ລົງໂທດໂຄ໊ຊ ສປປ ເກົາຫຼີ 1 ປີ ກໍ່ເລື່ອງເກມຊິງດຳ ອາຊຽນ ເກມ

562 08 ທ.ວ. 2014 ນານາກີລາໂລກ
AFC ລົງໂທດໂຄ໊ຊ ສປປ ເກົາຫຼີ 1 ປີ ກໍ່ເລື່ອງເກມຊິງດຳ ອາຊຽນ ເກມ

<p> <strong>        ສະຫະພັນ​ເຕະ​ບານອາຊີ (</strong><strong>AFC) ປະກາດລົງໂທດ ຢຸນ ຈອງ-ຊູ ໂຄ໊ຊ ສປປ ເກົາຫຼີ ຫ້າມຫຍຸ້ງ​ກ່ຽວກັບການຄຸມທີ​ມ ​ນານ 1 ປີ ຂໍ້ຫາກໍ່ເຫດບໍ່ສົມຄວນ ລະຫວ່າງການແຂ່ງຂັນ ອາ​ຊຽນ ເກມ ເມື່ອເດືອນຕຸລາ.</strong></p> <p>           ໂຄ໊ຊຄົນເກັ່ງກຳລັງກຽ​ມທີມລົງສະໜາມໃນ <strong>AFC</strong>ອາ​ຊຽນ ຄັບ ​ໄລຍະເດືອນໜ້າ ​ແຕ່ວ່າເຂົາຖືກ​ລົງ​ໂທດ ຫຼັງຈາກທະເລາະ​ເບາະ​ແວ້​ງ ແລະ ໃຊ້ວາຈາບໍ່ສຸພາບກັບກໍາມະການ ຫຼັງຈົບເກມ ​ເສຍ​ໃຫ້ ສ ເກົາຫຼີ1-0 ໃນອາ​ຊຽນ ເກມ ທີ່ເມືອງອິນຊອນ.</p> <p>           <strong>AFC</strong>ລະບຸວ່າເຂົາກໍ່ພຶດຕິກໍາ​ຮຸນແຮງ ແລະ ຫ້າມບໍ່ໃຫ້ຫຍຸ້ງກ່ຽວກັບການແຂ່ງຂັນຂອງ <strong>AFC</strong>ເປັນເວລາ 12 ເດືອນ ແຕ່ຍັງໄດ້ຮັບອະນຸຍາດໃຫ້ມີຊື່ໃນທີມ ແລະ ຄວບຄຸມການຊ້ອມໄດ້ ແຕ່ບໍ່ໃຫ້ເຂົ້າໄປໃນຫ້ອງແຕ່ງຕົວ ຫຼື ບໍລິເວນອ້ອມ​ຮອບສະໜາມ.</p> <p>           ຂະນະດຽວກັນ ອົງກອນ​ເຕະບານອາຊີຍັງລົງ​ໂທດ ຄິມ ຢອງ-ອິວ ນັກເຕະຂອງ ສປປ ​ເກົາຫຼີ6 ເດືອນ ຂໍ້ຫາວາງຕົວບໍ່ເໝາະສົມ ຫຼັງຈາກ​ໄດ້​ຮັບໃບແດງລະຫວ່າງເກມຊີງດຳເມື່ອວັນທີ 2 ຕຸລາ ​ເຊິ່ງເຈົ້າພາບເອົາຊະນະໄດ້ຈາກລູກໂທດໃນນາທີສຸດທ້າຍຂອງ​ໄລຍະຕໍ່ເວລາ.</p> <p>           ສປປ ເກົາຫຼີ  ຢູ່ໃນສາຍດຽວກັບຈີນ, ຊາອຸດິອາຣະເບຍ ແລະ ອຸຊເບກິຊສະຖານ ໃນການ​ແຂ່ງຂັນອາ​ຊຽນ ຄັບທີ່ອົສຕຣາລີ ​ເຊິ່ງຈະຈັດຂຶ້ນລະຫວ່າງວັນທີ 9-31 ມັງກອນ​ທີ່​ຈະ​ເຖິງ​ນີ້.</p>

ຂ່າວທີ່ກ່ຽວຂ້ອງ