“ສະເປີ” ຂຶ້ນແທ່ນຈອມໂຫດ PL -ກາງພາເລຊ ແຊມນັກເຕະໂຫດຮ້າຍ

729 03 ທ.ວ. 2014 ນານາກີລາໂລກ
“ສະເປີ” ຂຶ້ນແທ່ນຈອມໂຫດ PL -ກາງພາເລຊ ແຊມນັກເຕະໂຫດຮ້າຍ

<p> <strong>        ເດລີ່ ເມວ ສື່ດັງຂອງ​ອັງກິດ ​ເປີດເຜີຍສະຖິຕິ ທັອຕແນ່ມ ຮັອດສະເປີ ຂຶ້ນແທ່ນທີມຈອມໂຫດແຫ່ງພຣີເມຍລີກ ຂະນະທີ່ ໄມ ເຢດິນັກ ກອງ​ກາງຫົວໜ້າ​ທີ​ມ ຄຣິສຕັນ ພາເລຊ ຄອງແຊັມນັກເຕະໂຫດຮ້າຍ.</strong></p> <p>           ລະດູການນີ້ ລີກສູງສຸດຂອງ​ອັງກິດຜ່ານໄປແລ້ວ 13 ນັດ ໂດຍສື່ເຈົ້າດັງ ໄດ້ນຳສະຖິຕິຄວາມໂຫດທັງຂອງທີມ ແລະສ່ວນບຸກຄົນຈາກ “ອອບຕ້າ“ ທີ່ເປັນເຈົ້າພໍ່ດ້ານນີ້ມາ​ເຜີຍແຜ່ໃຫ້ຊາບກັນ.</p> <p>           ຄະແນນຄວາມໂຫດທີ່ເອີ້​ນວ່າ Disciplinary Point ຕາມເກນຂອງອອບຕ້າ ເກີດຈາກການບວກກັນລະຫວ່າງການ​ເຮັດ​ຜິດ​ກະຕິ​ກາ 1 ຄະແນນ, ໃບເຫຼືອງ 3 ຄະແນນ ແລະ ໃບແດງ 6 ຄະແນນ.</p> <p>           ຄະແນນລວມຂອງສະເປີ ຊະນະ​ອັນດັບ 2 ຢ່າງພາເລຊ ຫວຸດ​ຫວິດ​ພຽງແຕ່ 4 ຄະແນນ ເນື່ອງຈາກ​ໄດ້​ຮັບໃບເຫຼືອງຫຼາຍກວ່າ 7 ໃບ ​ເຖິງແມ່ນ​ເຮັດ​ຜິດ​ກະຕິ​ກາໜ້ອຍກວ່າ​ເຖິງ 17 ຄັ້ງກໍຕາມ.</p> <p>           ສ່ວນທີມທີ່ຫຼິ້ນເບົາສຸດຕະຫຼອດ 13 ນັດທໍາ​ອິດຄື ຄວີນປາກ ເຣນເຈີ ທີ່ຄະແນນລວມພຽງແຕ່ 185 ມາຈາກການ​ເຮັດ​ຜິດ​ກະຕິ​ກາ 125 ຄັ້ງ ແລະ ຖືກແຈກ 20 ໃບເຫຼືອງ ບໍ່ມີນັກເຕະຖືກໄລ່ອອກແມ່ນແຕ່ຄົນດຽວ.</p> <p>           ຂະນະທີ່ຄະແນນສ່ວນຕົວ ​ເຊິ່ງຄັດເອົານັກເຕະໂຫດສຸດຂອງແຕ່ລະທີມມາປະຊັນກັນ ພົບວ່າ ເຢດິນັກ ກອງກາງ ພາ​ເລ​ຊ ນຳມາທີ 46 ຄະແນນ ຊະນະອັນດັບ 2 ຢ່າງມຸສຊ່າ ຊິສໂຊໂກ້ ຈາກນິວຄາສເຊິນ ຢູໄນເຕັດ ພຽງ 3 ຄະແນນ.</p> <p>           ສະຖິຕິຍັງບົ່ງ​ແຈ້ງວ່າ ຄວີນປາກ ຫຼິ້ນເບົາອີ​ຫຼີໆ ເມື່ອຈອມໂຫດປະຈຳທີມຢ່າງ ເລີຣອຍ ເຟີ ມີຄະແນນໜ້ອຍສຸດໃນຕາຕະລາງຊຸດຫຼັງຄື 22 ຄະແນນເທ່ົາກັບ ດີນ ມານີ ຂອງເບິນລີ.</p> <p>           ທີ່ປະຫຼາດ​ໃຈນ້ອຍໆຄື ນັກເຕະໂຫດສຸດແຫ່ງ ສະ​ເປີ ກັບກາຍເປັນຕົວບຸກຢ່າງເອຣິກ ລາເມລ່າ ທີ່ຖືກໄປ​ເຖິງ 32 ຄະ ແນນ.</p>

ຂ່າວທີ່ກ່ຽວຂ້ອງ