ຂ່າວຫຼ້າສຸດ

ແມນຢູ ຊະນະ ສະໂຕ໊ກ ຫວຸດຫວິດ 2-1

647 03 ທ.ວ. 2014 ນານາກີລາໂລກ
ແມນຢູ ຊະນະ ສະໂຕ໊ກ ຫວຸດຫວິດ 2-1

<p>         <strong>ແມນເຊສເຕີ ຢູໄນເຕັດ ເປີດຖິ່ນຊະນະ ສະໂຕ໊ກ ຊິຕີ </strong><strong>2-1  ​ເຕະບານພຣີເມຍລີກ ນັດກາງອາທິດ. </strong></p> <p>           ການ​ແຂ່ງຂັນ​ເຕະບານພຣີເມຍລີກ ອັງກິດ ນັດກາງອາທິດ ເມື່ອວັນອັງຄານທີ່ຜ່ານມາ ແມນເຊສເຕີ ຢູໄນເຕັດ ທີ່ຄວ້າ​ໄຊໃນລີກມາ 3 ນັດຊ້ອນ ເປິດຖິ່ນ ໂອລ ແທຣັບຟອດ ຮັບການມາຢາມຂອງ ສະໂຕ໊ກ ຊິຕີ ​ເຄິ່ງ​ເວລາ​ທໍາ​ອິດ ​ແມນ​ຢູ ບຸກໜັກ ແລະ ຂຶ້ນນຳກ່ອນ 1-0 ຈາກການ​ເອົາ​ຫົວ​ຂຶ້ນ​ຕໍາບານຂອງ ມາຣູຢານ ເຟວໄລນີ ໃນນາທີທີ່ 21 ຢ່າງ​ໃດກໍຕາມ ນາທີທີ່ 39 ສະໂຕກ ໄດ້ໂອກາດຍິງຄັ້ງ​ທໍາ​ອິດຈາກ ສະຕີເວນ ເອັນຊອງຊີ ແລະ ກໍກາຍເປັນປະຕູຕີສະ​ເໝີ 1-1 ຂອງພວກເຂົາທັນທີ.</p> <p>           ເຂົ້າສູ່​ເຄິ່ງຫຼັງ ເກມຍັງເປັນຂອງເຈົ້າຖິ່ນ ນາທີທີ່ 59 ຮວນ ມາຕາ ​ເຕະ​ລູກ​ໂທດ​ນອກ​ເຂດຈາກ​ແຄມເສັ້ນ ບານລອຍໂຄ້ງເຂົ້າປະຕູໄປ ສ່ົງໃຫ້ ແມນຢູ ແຊງຂຶ້ນນຳເປັນ 2-1 ທ້າຍເກມ ສະ​ໂຕ໊ກ ລຸຍແຫຼກ ແລະ ມີໂອກາ​ດຕີສະ​ເໝີຫຼາຍຄັ້ງ ແຕ່ຍິງໄປຕິດການ​ປ້ອງ​ກັນ​ຂອງ ດາບິດ ເດ ເຄອາ ໝົດ ຈົບເກມ ແມນ​ເຊ​ສ​ເຕີ ຢູໄນເຕັດ ຊະນະ ສະໂຕ໊ກ 2-1 ມີ 25 ຄະແນນຈາກ 14 ນັດ ຢູ່ທີ 4 ສ່ວນ ສະ​ໂຕ໊ກ ມີ 15 ຄະແນນ ຈາກການລົງຫຼິ້ນເທ່ົາກັນຢູ່ທີ 13.</p> <p> <strong>       ສ່ວນຜົນບານພຣີເມຍລີກ ຄູ່ອື່ນ.</strong></p> <p>         ເບິນລີ 1:1 ນິວຄາສເຊິ່ນ, ເລສເຕີ 1:3 ລິເວີພູນ, ແມນຢູໄນເຕັດ 2:1 ສະ​ໂຕ໊ກ ຊິຕີ, ສະວອນຊີ 2:0 ຄວີນປາກ, ຄຣິສຕັນ ພາເລຊ 0:1 ແອສຕັນ ວິນລ່າ ​ແລະ ເວສບຣອມວິຊ 1:2 ເວສແຮມ.</p>

ຂ່າວທີ່ກ່ຽວຂ້ອງ