ສະຫະພັນບານສົ່ງທົ່ວໂລກ ຮ່ວມເປິດສຳນັກງານໃຫຍ່ອາຊີທີ່ໄທ

619 03 ທ.ວ. 2014 ນານາກີລາໂລກ
ສະຫະພັນບານສົ່ງທົ່ວໂລກ ຮ່ວມເປິດສຳນັກງານໃຫຍ່ອາຊີທີ່ໄທ

<p> <strong>        ເມື່ອວັນທີ </strong><strong>2 ທັນວາຜ່ານ​ມາ​ນີ້ ທີ່ຊັ້ນ 24 ຕຶກສະ​ເຫຼີ​ມພຣະກຽດ 25 ຊັ້ນ ການກີລາແຫ່ງປະເທດໄທ ທີ່​ບາງກອກ ໄດ້ມີພິທີເປີດສຳນັກງານໃຫຍ່ສະຫະພັນບານ​ສົ່ງແຫ່ງອາຊີ ໂດຍມີ ທ່ານ ດຣ.ອາຣີ ກາຊ່າ ປະທານສະຫະພັນບານ​ສົ່ງນານາຊາດ ທ່ານ ດຣ.ຊາເລ ບິນ ນາສເຊີ ປະທານສະຫະພັນບານ​ສົ່ງແຫ່ງອາຊີ ທ່ານ ມິສເຕີ ອາເມີ ເອວວານີ ປະທານສະຫະພັນບາ​ນສົ່ງແຫ່ງອາຟຣິກາ ຮອງສາສະດາາຈານ ຊະວະນີ ທອງໂຣດ ຜູ້ຊ່ວຍລັດຖະມົນຕີວ່າການກະຊວງທ່ອງທ່ຽວ ແລະ ກີລາທ່ານ ພົນເອກ ຢຸດທະສັກ ສະສິປຣະພາ ປະທານຄະນະກໍາມະການໂອລິມປິກແຫ່ງປະເທດໄທ ​ແລະ ທ່ານ ສົມພອນ ໃຊ້ບາງຢາງ ປະທານສະມາຄົມບານ​ສົ່ງແຫ່ງປະເທດໄທ ແລະ ຄະນະນັກກີລາບານ​ສົ່ງທີມຊາດໄທ ມາຮ່ວມງານໃນຄັ້ງນີ້.</strong></p> <p>           ທ່ານ ດຣ.ອາຣີ ກາຊ່າ ປະທານສະຫະພັນບານ​ສົ່ງນານາຊາດ ໄດ້ກ່າວ​ເຖິງການເປີດສຳນັກງານໃຫຍ່ໃນຄັ້ງນີ້ວ່າ  "ການເລືອກປະເທດໄທ ເປັນທີ່ຕັ້ງສຳນັກງານໃຫຍ່ແຫ່ງໃໝ່ໃນຄັ້ງນີ້ ເພາະເຮົາມີຄວາມເຊື່ອໝັ້ນເຖິງການບໍລິຫານຈັດການຂອງປະເທດໄທ ​ເຊຶິ່ງຕັ້ງຢູ່ໃຈກາງຂອງທະວີບ ​ເຮັດໃຫ້ການປະສານລະຫວ່າງປະເທດງ່າຢຂຶ້ນ ອີກທັັງເຮົາໄດ້ຂໍ້ມູນຈາກຫຼາຍດ້ານວ່າ ປະຊາຊົນຊາວໄທໃຫ້ຄວາມສົນໃຈກັບກີລາບານ​ສົ່ງເປັນຢ່າງດີອີກດ້ວຍ".</p> <p>           ໂດຍສຳນັກງານໃຫຍ່ແຫ່ງໃໝ່ຂອງສະຫະພັນບານ​ສົ່ງແຫ່ງອາຊີ ຈະຕັ້ງຢູ່ທີ່ຊັ້ນ 12 ອາຄານສະ​ເຫຼີ​ມພຣະກຽດ ການກີລາແຫ່ງປະເທດໄທ ​ເຊິ່ງຈະເປີດ​ເຮັດ​ວຽກຢ່າງເປັນທາງການໃນວັນທີ 1 ມັງກອນ 2015.</p>

ຂ່າວທີ່ກ່ຽວຂ້ອງ