ການ​ບຸກ​ບືນ​ຍົກ​ລະ­ດັບ​ສຳ­ຄັນ​ຫຼາຍ

<p style="text-align: justify;"> <strong>ໂດຍ: ແນວ​ລາວ</strong></p> <p style="text-align: justify;"> ວັນ​ທີ 24 ແລະ 25 ກາຍ​ມາ​ນີ້ ຜູ້​ຂຽນ​ໄດ້​ຖືກ​ເຊີນ​ໄປ​ຂຶ້ນ​ຫ້ອງ​ສອນ​ຢູ່​ສະ​ຖາ​ບັນ​ການ­ເມືອງ​ການ​ປົກ­ຄອງ​ແຫ່ງ​ຊາດ (ທ່າ​ງ່ອນ) ຂອງ​ຄະ­ນະ​ວິ­ຊາ​ໂຄ­ສະ­ນາ​ອົບ­ຮົມ ເຊິ່ງ​ລຸ້ນ​ນີ້​ຫຼາຍ​ກວ່າ​ປີ​ກ່ອນ ຄື​ມີ 12 ຄົນ ວິ­ຊາ​ທີ່​ສອນ​ແມ່ນ ພາກ​ວິ­ຊາ​ເຕັກ­ນິກ​ການ​ຂຽນ​ບົດ​ປະ­ເພດ​ຕ່າງໆ ຄະ­ນະ​ວິ­ຊາ​ນີ້​ສຳ­ເລັດ​ໄປ​ແລ້ວ 1 ລຸ້ນ ປັດ­ຈຸ­ບັນ​ແມ່ນ​ລຸ້ນ​ທີ 2 ນັກ​ສຶກ​ສາ​ສ່ວນ​ໃຫຍ່​ແມ່ນ​ພະ­ນັກ­ງານ​ມາ​ຮຽນ​ຕໍ່ ມີ​ພະ­ນັກ­ງານ​ໂຄ­ສະ­ນາ​ອົບ­ຮົມ​ນຳ​ແດ່ ? ຖື​ວ່າ​ເປັນ​ການ​ສ້າງ​ບຸກ​ຄະ­ລາ​ກອນ​ທີ່​ເປັນ​ລະ­ບົບ​ຄື​ວິ­ຊາ​ອື່ນ​ຢູ່​ໃນ​ຊັ້ນ​ປະ­ລິນ­ຍາ​ຕີ.</p> <p style="text-align: justify;"> ຍ້ອນ​ວ່າ​ເປັນ​ຄົນ​ອາ­ຊີບ​ດຽວ​ກັນ <strong>ການ​ຂຶ້ນ​ຫ້ອງ​ສອນ​ຈຶ່ງ​ມີ​ລັກ­ສະ­ນະ​ແລກ­ປ່ຽນ ແລະ ແບ່ງ­ປັນ​ຄວາມ​ຮູ້­ສຶກ​ນຶກ​ຄິດ​ຕ່າງໆ​ສູ່​ກັນ​ຟັງ​ຫຼາຍ​ກວ່າ... </strong>ໂດຍ​ໄດ້​ເນັ້ນ​ໃສ່​ການ​ເຜີຍ­ແຜ່​ແນວ­ທາງ​ນະ­ໂຍ­ບາຍ​ຂອງ​ພັກŒລັດ ລົງ​ສູ່​ປະ­ຊາ­ຊົນ​ບັນ­ດາ­ເຜົ່າ​ຢູ່​ເຂດ​ຊົນ­ນະ­ບົດ ແລະ ຫ່າງ​ໄກ​ສອກ­ຫຼີກ.</p> <p style="text-align: justify;"> ພວກ​ເຮົາ​ຕ່າງ​ຮັບ​ຮູ້​ວ່າ <strong>ການ​ເຜີຍ­ແຜ່​ແນວ­ທາງ​ນີ້​ຕ້ອງ​ໄດ້​ມີ​ເອ­ກະ­ສານ​ເປັນ​ບ່ອນ​ອີງ </strong>ເຊິ່ງ​ຜ່ານ​ມາ­ຄະ​ນະ​ໂຄ­ສະ­ນາ​ອົບ­ຮົມ​ສູນ​ກາງ ໄດ້​ສ້າງ​ເອ­ກະ­ສານ​ຫຼາຍ​ຢ່າງ​ທີ່​ປິ່ນ​ອ້ອມ​ແນວ­ທາງ​ຂອງ​ພັກ ໂດຍ​ສະ­ເພາະ​ແມ່ນ​ເອ­ກະ­ສານ​ເຜີຍ­ແຜ່​ເນື້ອ​ໃນ​ເອ­ກະ­ສານ​ກອງ​ປະ­ຊຸມ​ໃຫຍ່ ຄັ້ງ​ທີ IX ຂອງ​ພັກ​ເຮົາ... ນອກ​ນັ້ນ​ກໍ່​ມີ​ເອ­ກະ­ສານ​ອົບ­ຮົມ​ຄວາມ​ຮູ້​ພື້ນ­ຖານ​ການ­ເມືອງ-ການ​ປົກ­ຄອງ ແລະ ສ້າງ​ບ້ານ​ພັດ­ທະ­ນາ.</p> <p style="text-align: justify;"> ຫາກ​ເວົ້າ​ເຖິງ​ພະ­ນັກ­ງານ​ທີ່​ເຮັດ​ວຽກ​ໂຄ­ສະ­ນາ​ໄດ້​ຜ່ານ​ການ​ຮຽນ​ເປັນ​ລະ­ບົບ​ຄັກ­ແນ່​ຂອງ​ວິ­ຊາ​ນີ້​ແມ່ນ​ມີ​ໜ້ອຍ​ທີ່​ສຸດ ສ່ວນ​ຫຼາຍ​ແມ່ນ​ຈົບ​ວິ­ຊາ​ອື່ນ ດັ່ງ​ຜູ້​ຂຽນ​ເອງ​ກໍ່​ຮຽນ​ຈົບ​ການ​ເງິນ​ສະ­ຫະ­ກອນ​ກະ­ເສດ ຈົບ​ວິ­ຊາ​ປົກ­ຄອງ ສະ­ນັ້ນ ຈຶ່ງ​ມີ​ຄວາມ​ຈຳ­ເປັນ​ຕ້ອງ​ຮຽນ​ຮູ້​ດ້ວຍ​ຕົນ​ເອງ​ຫຼາຍ​ຂຶ້ນ... ດີ​ແຕ່​ວ່າ​ເອ­ກະ­ສານ​ຕ່າງໆ​ກ່ຽວ​ກັບ​ວຽກ​ນີ້​ເປັນ​ພາ­ສາ​ຫວຽດ­ນາມ​ມີ​ຫຼາຍ.</p> <p style="text-align: justify;"> ນັກ​ສຶກ​ສາ​ກໍ່​ສົນ­ໃຈ​ເລື່ອງ​ນີ້ ແຕ່​ກໍ່​ຕອບ​ສະ­ໜອງ​ໄດ້ ເພາະ­ວ່າ​ໂຄ­ສະ­ນາ​ອົບ­ຮົມ​ສູນ​ກາງ​ເພິ່ນ​ເຄີຍ​ໄດ້​ຈັດ​ຕັ້ງ​ຊຸດ​ບຳ­ລຸງ​ວິ­ຊາ​ການ​ມາ​ແລ້ວ​ສອງ​ຊຸດ <strong>ສະ­ນັ້ນ ເອ­ກະ­ສານ​ອົບ­ຮົມ​ຄວາມ​ຮູ້​ພື້ນ­ຖານ​ກ່ຽວ​ກັບ​ວຽກ​ງານ​ໂຄ­ສະ­ນາ​ອົບ­ຮົມ</strong> ເຊິ່ງ​ເພິ່ນ​ຈັດ​ພິມ​ຮັບ​ໃຊ້​ພາຍ​ໃນ​ມາ​ແຕ່​ປີ 2013 ຈຶ່ງ​ມີ​ຄຸນ­ຄ່າ​ສຳ­ລັບ​ນັກ​ສຶກ​ສາ.</p> <p style="text-align: justify;"> ໃນ​ຖາ­ນະ​ທີ່­ຢູ່​ໃນ​ວົງ​ການ​ສື່​ມວນ​ຊົນ​ມາ​ຫຼາຍ​ປີ​ຜູ້​ຂຽນ​ຈຶ່ງ​ຮີບ​ໂຮມ-ຮຽບ​ຮຽງ​ເອ­ກະ­ສານ​ໜຶ່ງ​ຂຶ້ນ​ມາ ເຊິ່ງ​ເບື້ອງ​ຕົ້ນ​ເອີ້ນ​ວ່າ: <strong>ເອ­ກະ­ສານ​ຫຼັກ­ສູດ​ປະ­ລິນ­ຍາ​ຕີ ໂຄ­ສະ­ນາ​ອົບ­ຮົມ ພາກ​ວິ­ຊາ: “ເຕັກ­ນິກ​ການ​ຂຽນ​ບົດ​ປະ­ເພດ​ຕ່າງໆ...”</strong> ອອກ​ມາ​ເພື່ອ​ຮັບ​ໃຊ້​ການ​ສິດ­ສອນ... ບໍ່​ທໍ່​ນັ້ນ ຍັງ​ມີ​ເອ­ກະ­ສານ​ທີ່​ເວົ້າ​ເຖິງ​ການ​ຂຽນ​ຂ່າວŒຂຽນ​ບົດ​ຮັບ​ໃຊ້​ວາ­ລະ­ສານ​ໂຄ­ສະ­ນາ​ຕື່ມ​ອີກ ມອບ​ຕິດ​ມື​ໃຫ້​ນັກ​ສຶກ​ສາ ຄິດ​ວ່າ​ຈະ​ມີ​ປະ­ໂຫຍດ​ເວ­ລາ​ພວກ​ເພິ່ນ​ເຮັດ​ວຽກ​ຕົວ​ຈິງ.</p> <p style="text-align: justify;"> ຜູ້​ຂຽນ​ຮູ້­ສຶກ​ດີ­ໃຈ​ທີ່​ມີ​ຜູ້​ສົນ­ໃຈ​ວຽກ​ນີ້ ແລະ ຕ້ອງ­ການ​ຍົກ​ລະ­ດັບ​ທາງ​ວິ­ຊາ​ການ​ຂອງ​ວຽກ​ນີ້​ໃຫ້​ດີ​ຂຶ້ນ ສະ­ນັ້ນ ເວ­ລາ​ລົມ​ກັບ​ນັກ​ສຶກ​ສາ​ຈຶ່ງ​ເວົ້າ​ຢິກ​ແກມ​ຢອກ​ວ່າ: <strong>ຂົງ­ເຂດ​ເສດ­ຖະ­ກິດເວ­ລາ​ປະ­ຊຸມ​ເພິ່ນ​ອາດ​ມີ​ຊອງ​ຂາວ ແຕ່​ພວກ​ເຮົາ​ເວ­ລາ​ປະ­ຊຸມ​ມີ​ເອ­ກະ­ສານ​ມອບ​ໃຫ້​ກັນ ຖື​ວ່າ​ສຳ­ຄັນ​ເຊັ່ນ​ກັນ.</strong></p> <p style="text-align: justify;"> ຢາກ​ເລົ່າ​ສູ່​ເພື່ອນ​ຜູ້​ອ່ານ​ຮູ້​ວ່າ: ການ​ກໍ່­ສ້າງ​ຊັບ­ພະ­ຍາ­ກອນ​ມະ­ນຸດ​ຢູ່​ບ້ານ​ເຮົາ ດຽວ­ນີ້​ພວມ​ເປັນ​ກະ­ແສ​ທີ່​ມາ​ແຮງ​ໃນ​ທຸກ​ຂົງ­ເຂດ​ແບບ​ບຸກ​ທະ­ລຸ ພະ­ນັກ­ງານ​ພວກ​ເຮົາ​ບໍ່​ລໍ­ຖ້າ​ແຕ່​ການ­ຈັດ­ຕັ້ງ​ສົ່ງ​ໄປ​ຮຽນ ພວກ​ເພິ່ນ​ສ້າງ​ເງື່ອນ<strong>­ໄຂ​ໄປ​ຮຽນ​ໄປ​ຍົກ​ລະ­ດັບ​ໂດຍ​ທຶນ­ຮອນ​ຂອງ​ຕົນ​ເອງ</strong>​ກໍ່​ມີ ອັນ​ນີ້​ເປັນ​ເລື່ອງ​ທີ່​ໜ້າ​ສັນ­ລະ­ເສີນ​ແທ້ໆ... ຂໍ​ອວຍ­ພອນ​ໃຫ້​ທຸກ​ທ່ານ​ສຳ­ເລັດ​ຜົນ​ໃນ​ການ​ສຶກ​ສາ​ຮ່ຳ­ຮຽນ.</p>