AFF-ບໍລິສັດກວດສອບການທຸຈະລິດ ກວດເຂັ້ມການລົ້ມບານຊູຊູກິ

1.012 24 ພ.ຈ. 2014 ນານາກີລາໂລກ
AFF-ບໍລິສັດກວດສອບການທຸຈະລິດ ກວດເຂັ້ມການລົ້ມບານຊູຊູກິ

<p>         <strong>AFFຮ່ວມກັບບໍລິ​ສັດ​ກວດສອບການທຸຈະລິດໃນວົງການກີລາ ຕັ້ງທີມກວດກາ​ຢ່າງເຂັ້ມຂຸ້ນການລົ້ມບານ ຊູຊູກິຄັບ 2014. </strong></p> <p>           ທີ່ປະເທດສິງກະໂປ ເມື່ອວັນທີ 22 ພະຈິກຜ່ານ​ມາ​ນີ້ ທີ່ໂຮງແຮມເອັມ ສິງກະໂປ ສະຫະພັນ​ເຕະບານແຫ່ງອາຊຽນ ຫຼື <strong>AFF</strong>​ໄດ້​ຈັດກອງປະຊຸມຜູ້ຈັດການທີມ ເພື່ອຫາລືຮ່ວມກັບບໍລິສັດທີ່ກວດສອບຄວາມທຸຈະລິດໃນວົງການກີລາ ເນື່ອງຈາກ <strong>AFF</strong>ໄດ້ເຝົ້າລະວັງບັນຫາການລົ້ມບານໃນລາຍການນີ້ ​ໂດຍເປິດເຜີຍວ່າ ໃນການແຂ່ງຂັນຄັ້ງນີ້ ໄດ້ມີການຈ້າງບໍລິສັດພາຍນອກເຂົ້າມາຈັບຕາ​ເບິ່ງທຸກຄົນທີ່ກ່ຽວຂ້ອງ ບໍ່ວ່າຈະເປັນນັກ​ເຕະບານ ທີມງານຜູ້ຝຶກສອນ ຜູ້ຕັດສິນ ຈະຖືກຈັບຕາ​ເບິ່ງຕະ ຫຼອດເວລາວ່າໄດ້ມີການຕິດຕໍ່​ໂອ້​ລົມ ຫຼືພົບປະກັບໃຜ​ແດ່ ​ເຊິ່ງບໍລິສັດ ສະປອດ ເຣດາ ໄດ້ເປີດເຜີຍຂໍ້ມູນວ່າ ໃນການແຂ່ງຂັນ​ເຕະບານໂລກ ຮອບຊີງຊະນະເລີດ ທີ່ປະເທດບຣາຊິນນັ້ນ ມີການຫຼິ້ນພະນັນທົ່ວໂລກກວ່າ 6,3 ລ້ານລ້ານ​ໂດ​ລາສະຫະລັດ​ເຮັດໃຫ້ຄາດວ່າໃນການແຂ່ງຂັນ​ເຕະບານ <strong>AFF</strong>ຊູຊູກິ ຄັບ ຄັ້ງນີ້ ຈະມີວົງເງິນການຫຼິ້ນພະນັນສູງ​ເຖິງ 6,5 ລ້ານ​ໂດ​ລາ ສະຫະລັດ ຈາກກໍລະນີນີ້ ຕ້ອງກຳຊັບກັບນັກກີລາ ແລະ ທີມງານທຸກຄົນວ່າຕ້ອງລະມັດລະວັງໃຫ້ຫຼາຍທີ່ສຸດ ເນື່ອງຈາກວ່າໂທດທີ່ສິງກະໂປຖືວ່າຮຸນແຮງ ມີປັບ​ໄໝ 1 ແສນ​ໂດ​ລາສິງກະໂປ ຈຳຄຸກ 7 ປີ ຫຼືທັງຈຳທັງປັບ​ໄໝ ​ເຊິ່ງຖ້າເກີດມີບັນຫາອາດຈະຕ້ອງຖືກກັກຕົວໄວ້ ແລະ ມີຜົນຕໍ່ການແຂ່ງຂັນຕໍ່ໄປ.</p>

ຂ່າວທີ່ກ່ຽວຂ້ອງ