ຂ່າວຫຼ້າສຸດ

ການ​ພັດ­ທະ­ນາ​ຊັບ­ພະ­ຍາ­ກອນ​ຈິດ­ໃຈ

3.758 21 ພ.ຈ. 2014 ນານາສາລະ

<p style="text-align: justify;"> <strong>ໂດຍ: ພຣະ​ມະ­ຫາ ວີ​ຣະ​ວັດ ວິ­ໄລ​ຈັກ</strong></p> <p style="text-align: justify;">    ມີ​ຄຳ​ກ່າວ​ວ່າ: <strong>ໂລກ​ໝູນ​ໄປ</strong> ເພາະ​ໃຈ​ມະ­ນຸດ​ນຳ­ໄປ ການ​ພັດ­ທະ­ນາ​ຊັບ­ພະ­ຍາ­ກອນ​ຈິດ­ໃຈ ພັດ­ທະ­ນາ ແປ​ວ່າ ເຮັດ​ໃຫ້​ຈະ­ເລີນ​ກ້າວ­ໜ້າ ຊັບ ແປ​ວ່າ ສິ່ງ​ທີ່​ມີ​ຄຸນ­ຄ່າ ພະ­ຍາ­ກອນ ແປ​ວ່າ ການ​ບອກ​ຈິດ­ໃຈ ແປ​ວ່າ ຄວາມ​ຄິດ ລວມ​ຄວາມ​ໄດ້​ວ່າ ການ​ບອກ​ເຖິງ​ຄວາມ​ຄິດ​ອັນ​ມີ­ຄ່າ​ທີ່​ຄວນ​ພັດ­ທະ­ນາ</p> <p style="text-align: justify;">    ພັດ­ທະ­ນາ​ອັນ​ໃດ​ກໍ່​ບໍ່​ມີ­ຄ່າ ຫາ​ກວ່າ​ບໍ່​ພັດ­ທະ­ນາ​ທີ່​ຄົນ​ການ​ພັດ­ທະ­ນາ​ຈະ​ເກີດ​ຜົນ ຕ້ອງ​ພັດ­ທະ­ນາ​ທີ່​ໃຈ​ຄົນ ຫຼາຍ​ຄົນ​ອາດ​ເຮັດ​ໃຫ້​ຮ່າງ­ກາຍ​ຂອງ​ຕົນ​ອົດ​ຢາກ ໂດຍ​ບໍ່​ກິນ​ອາ­ຫານ ແຕ່​ເຮົາ​ກໍ່​ບໍ່​ຄວນ​ເຮັດ​ໃຫ້​ຈິດ­ໃຈ​ຂອງ​ຕົນ​ເອງ​ອົດ​ຢາກ​ໂດຍ​ບໍ່​ມີ​ການ​ຮຽນ​ຮູ້ ເພາະ­ວ່າ​ຈິດ­ໃຈ​ທີ່​ອົດ​ຢາກ​ຈາກ​ການ​ຮຽນ​ຮູ້ ຄື​ຈິດ­ໃຈ​ທີ່​ເສື່ອມ ແລະ ສິ້ນ​ອະ­ນາ­ຄົດ ດັ່ງ​ຄຳ​ກ່າວ​ວ່າ <strong>ຫາກ​ເຮົາ​ບໍ່​ຄິດ​ເລື່ອງ​ອະ­ນາ­ຄົດ​ຂອງ​ຊີ­ວິດ ພວກ​ເຮົາ​ກໍ່​ບໍ່​ສາ­ມາດ​ເປັນ​ຄົນ​ມີ​ອະ­ນາ­ຄົດ​ໄດ້</strong> ຄົນ​ຈະ​ມີ​ອະ­ນາ­ຄົດ​ກໍ່​ຕ້ອງ​ມີ­ໃຈ​ຄິດ​ເຖິງ​ອະ­ນາ­ຄົດ.</p> <p style="text-align: justify;">    ສະ­ນັ້ນ ຈິດ­ໃຈ​ຂອງ​ມະ­ນຸດ​ເປັນ​ດັ່ງ​ບັນ­ຊີ​ຝາກ​ເງິນ​ໃນ​ທະ­ນາ­ຄານ ຍາມ​ໃດ​ທີ່​ເຮົາ​ຍັງ​ຄົງ​ຝາກ​ເງິນ ຄື​ຄວາມ​ຮູ້​ໃນ​ທະ­ນາ­ຄານ​ຢູ່ ຈະ​ໜ້ອຍ ຫຼື ຫຼາຍ​ບໍ່​ສຳ­ຄັນ ເຮົາ​ຍ່ອມ​ສາ­ມາດ​ຖອນ­ເງິນ​ຈາກ​ທະ­ນາ­ຄານ​ໄດ້​ຍາມ​ນັ້ນ ແລະ ຫາ​ກວ່າ​ເຮົາ​ມີ​ເງິນ​ຝາກ​ທະ­ນາ­ຄານ​ຫຼາຍ​ເທົ່າ­ໃດ ເຮົາ​ຍ່ອມ​ສາ­ມາດ​ຕອບ​ສະ­ໜອງ​ຄວາມ​ຕ້ອງ­ການ​ໃນ​ຊີ­ວິດ​ທີ່​ຈຳ­ເປັນ​ຕ້ອງ​ໃຊ້​ຫຼາຍ​ເທົ່າ​ນັ້ນ ແຕ່​ຍາມ​ໃດ​ເຮົາ​ຢຸດ​ການ​ຝາກ​ເງິນ ຄື​ການ​ສະ­ແຫວງ­ຫາ​ຄວາມ​ຮູ້ ເຮົາ​ກໍ່​ຈະ​ບໍ່​ສາ­ມາດ​ຖອນ­ເງິນ ຄື​ຄວາມ​ຮູ້​ຈາກ​ທະ­ນາ­ຄານ​ໄດ້ ນະ​ໂປ​ລຽນ ຈັກ­ກະ­ພັດ​ຝຣັ່ງ ເປັນ​ນັກ​ການ​ທະ­ຫານ​ຊື່​ດັງ ກ່າວ​ວ່າ: ອຳ­ນາດ​ມີ​ພຽງ 2 ປະ­ການ ຄື: <strong>1. ດາບ 2. ຈິດ­ໃຈ ແຕ່​ດົນ​ນານ​ໄປ ດາບ​ຈະ​ເສຍ​ໃຫ້​ແກ່​ຈິດ­ໃຈ</strong> ນີ້​ຄື​ການ​ເຫັນ​ຄວາມ​ສຳ­ຄັນ​ຂອງ​ການ​ພັດ­ທະ­ນາ​ຈິດ­ໃຈ​ທີ່​ພັດ­ທະ­ນາ​ໄປ​ໄດ້​ຫຼາຍ​ເທົ່າ­ໃດ ການ​ນຳ​ມາ​ໃຊ້​ກໍ່​ຍິ່ງ​ໄດ້​ຫຼາຍ​ເທົ່າ​ນັ້ນ ຍູ​ຣິ​ປິ​ເດ​ສ ນັກ​ປັດ​ຊະ​ຍາ ກ່າວ​ວ່າ: <strong>ຮ່າງ­ກາຍ​ທັງ­ຫຼາຍ​ທີ່​ບໍ່​ມີ​ຈິດ­ໃຈ ຍ່ອມ​ເປັນ​ເໝືອນ​ອະ­ນຸ­ສາ­ວະ­ລີ​ໃນ​ຕະ­ຫຼາດ ທີ່​ຂາດ​ຄົນ​ສົນ­ໃຈ ແລະ ເຫັນ​ຄຸນ­ຄ່າ</strong> ດັ່ງ­ນັ້ນ ຫາກ​ເຮົາ​ຢາກ​ໃຫ້​ຄົນ​ເຫັນ​ຄຸນ­ຄ່າ​ຂອງ​ຈິດ­ໃຈ​ຂອງ​ເຮົາ​ຕ້ອງ​ຮັກ​ເຂົາ​ກ່ອນ ເພາະ​ບາງ­ເທື່ອ​ຄວາມ​ສຳ­ເລັດ​ຄື​ຄວາມ​ຮູ້ ຄວາມ​ຮຸ່ງ­ເຮືອງ​ຄື​ອຳ­ນາດ​ໃນ​ໜ້າ­ທີ່​ວຽກ​ງານ ນອກ​ບ້ານ ກໍ່​ບໍ່​ສາ­ມາດ​ຈະ​ແທນ​ຄວາມ​ຮັກ​ໃນ​ບ້ານ​ໄດ້ ເພາະ​ຄວາມ​ຮັກ​ມີ​ຢູ່​ທີ່​ໃດ ທີ່​ນັ້ນ​ກໍ່​ຈະ​ປະ­ສົບ​ກັບ​ຄວາມ​ສຳ­ເລັດ ແລະ ຄວາມ​ຮຸ່ງ­ເຮືອງ ແຕ່​ທີ່​ໃດ​ເນັ້ນ​ແຕ່​ຄວາມ​ສຳ­ເລັດ ຫຼື ຄວາມ​ຮຸ່ງ­ເຮືອງ ກໍ່​ບໍ່​ແນ່​ວ່າ ທີ່​ນັ້ນ​ຈະ​ມີ​ຄວາມ​ຮັກ ຄວາມ​ຮັກ​ເປັນ​ພື້ນ­ຖານ​ຂອງ​ຊີ­ວິດ​ຄອບ­ຄົວ ເມື່ອ​ມີ​ຄວາມ​ຮັກ​ຢູ່​ໃນ​ເຮືອນ ຄວາມ​ສຳ­ເລັດ ແລະ ຄວາມ​ຈະ­ເລີນ​ຮຸ່ງ­ເຮືອງ​ກໍ່​ຈະ​ຕາມ​ເຂົ້າ​ເຮືອນ​ມາ​ເອງ​ໂດຍ​ບໍ່​ຊັກ​ຊ້າ ດັ່ງ​ຄຳ​ວ່າ: <strong>ທີ່​ໃດ​ມີ​ຮັກ ທີ່​ນັ້ນ​ມີ​ຄວາມ​ສຳ­ເລັດ ແລະ ຄວາມ​ຮຸ່ງ­ເຮືອງ.</strong></p> <p style="text-align: justify;">    ກ່າວ​ໄດ້​ວ່າ: ການ​ພັດ­ທະ­ນາ​ຈະ​ເກີດ​ຜົນ​ຕໍ່​ຜູ້​ພັດ­ທະ­ນາ ກໍ່​ຢູ່​ທີ່​ພິ­ຈາ­ລະ­ນາ​ຕັ້ງ​ຫຼັກ​ໃຫ້​ສອດ­ຄ່ອງ​ກັບ​ແນວ­ທາງ ສິນ​ທຳ ແລະ ກົດ­ໝາຍ​ບ້ານ​ເມືອງ ທີ່​ເຮົາ​ຢູ່​ກັບ​ສັງ­ຄົມ​ໂດຍ​ທີ່​ບໍ່​ບຽດ­ບຽນ​ຕົນ​ເອງ ແລະ ຄົນ​ອື່ນ ການ​ພັດ­ທະ­ນາ​ກໍ່​ຈະ​ຈົບ­ງາມ​ອອກ​ໝາກ­ຜົນ 3 ປະ­ການ ຄື: 1. ການ​ພັດ­ທະ­ນາ​ເຮັດ​ໃຫ້​ເກີດ​ການ​ເປັນ​ຄົນ​ດີ­ເດັ່ນ ເປັນ​ຄົນ​ດີ​ຂອງ​ສັງ­ຄົມ 2. ການ​ພັດ­ທະ­ນາ​ເຮັດ​ໃຫ້​ມີ​ອາ­ຊີບ​ທີ່​ໝັ້ນ­ຄົງ 3. ການ​ພັດ­ທະ­ນາ​ເປັນ​ເສົາ​ຫຼັກ​ຄວາມ​ໝັ້ນ­ຄົງ​ຂອງ​ຊາດ​ລາວ.</p>

ຂ່າວທີ່ກ່ຽວຂ້ອງ