ອະດີດປະທານ "FA" ຮຽກຮ້ອງຊາດເອີຣົບ ຂວໍ້າບາດ “ຟີຟ່າ“

813 18 ພ.ຈ. 2014 ນານາກີລາໂລກ
ອະດີດປະທານ "FA" ຮຽກຮ້ອງຊາດເອີຣົບ ຂວໍ້າບາດ “ຟີຟ່າ“

<p>         <strong> ທ່ານ </strong><strong>ເດວິດ ເບິນສະໄຕ ອະດີດປະທານໃຫຍ່ຂອງ ສະມາຄົມເຕະບານອັງກິດ (</strong><strong>FA) ອອກມາຮຽກຮ້ອງໃຫ້ຊາດເອີຣົບ ຮ່ວມກັນຂວໍ້າບາດ ສະຫະພັນເຕະບານນານາຊາດ (ຟີຟ່າ) ດ້ວຍການຖອນຕົວບໍ່ເຂ້ົາຮ່ວມເຕະບານໂລກປີ 2018. </strong></p> <p>           ສຳນັກຂ່າວຕ່າງປະເທດລາຍງານເມື່ອວັນທີ 17 ພະຈິກທີ່ຜ່ານມາວ່າ ທ່ານ ເດວິດ ເບິນສະໄຕ ອະດີດປະທານສະມາຄົມເຕະບານອັງກິດ (<strong>FA</strong>) ອອກມາຮຍກກຮ້ອງໃຫ້ຊາດເອີຣົບຮ່ວມກັນຂວໍ້າບາດບໍ່ເຂົ້າຮ່ວມການແຂ່ງຂັນເຕະບານ ໂລກປີ 2018 ເພື່ອເປັນການປະທ້ວງສະຫະພັນເຕະານນານາຊາດ (ຟີຟ່າ).</p> <p>           ສະຫະພັນເຕະບານໂລກຖືກວິພາກວິຈານຢ່າງໜັກ ຫຼັງຈາກທີ່ທາງຄະນະກໍາມະການດ້ານຈະລິຍະທໍາຂອງຟີຟ່າ ໄດ້ຕັດສິນໃຫ້ ກາຕາ ບໍ່ມີຄວາມຜິດໃນດ້ານການສະເໜີຕົວເປັນເຈົ້າພາບເຕະບານໂລກປີ 2022 ຫຼັງພົບວ່າອາດຈະມີສິ່ງທີ່ບໍ່ຊອບມາພາກົນຢູ່ເບື້ອງຫຼັງການລົງຄະແນນ ແລະ ຍັງຄົງໃຫ້ສິດການເປັນເຈົ້າພາບຈັດການແຂ່ງຂັນຕໍ່ໄປ ແລະ ໃນລາຍງານທັງ 42 ໜ້າທີ່ອອກມາ ຍັງມີບາງສ່ວນທີ່ກ່າວຫາວ່າ <strong>FA</strong>ພະຍາຍາມເຮັດໃຫ້ຟີຟ່າເສື່ອມເສຍ ຫຼັງບໍ່ຊະນະໃນການຊີງສິດເປັນເຈົ້າພາບເຕະບານໂລກປີ 2018.</p> <p>           ຫຼັງລາຍງານດັ່ງກ່າວອອກມາ ດ້ານທ່ານ ເບິນສະໄຕ ອະດີດປະທານໃຫຍ່ວົງການເຕະບານອັງກິດກໍໄດ້ໃຫ້ສໍາພາດໂດຍຊີ້ແຈງວ່າ ເຫຼົ່າສະມາຊິກໃນສະມາຄົມເຕະບານເອີຣົບ (ຢູຟ່າ) ຄວນຈະຖອນຕົວຈາກການແຂ່ງຂັນເຕະບານໂລກທີ່ກຳລັງຈະມີຂຶ້ນ ເພື່ອເປັນການກະຕຸ້ນໃຫ້ມີການປະຕິຮູບສະຫະພັນເຕະບານນານາຊາດ.</p> <p>           ທ່ານ ເບິນສະໄຕ ໄດ້ກ່າວກັບທາງ ບີບີຊີ ວ່າ "ອັງກິດ ບໍ່ມີອິດທິພົນໃນເລື່ອງນີ້ ມີແຕ່ພຽງປະເທດໃດປະເທດໜຶ່ງມັນບໍ່ສາມາດເຮັດໄດ້ ຖ້າເຮົາພະຍາຍາມຈະເຮັດຕາມສິ່ງທີ່ເຮົາຕ້ອງການ ເຮົາຈະຖືກຫົວເຢາະເຢີ້ຍ".</p> <p>           "ບໍ່ຕ້ອງສົງໄສເລີຍ ຂ້ອຍຄິດວ່າອັງກິດໃນຢູຟ່າ ຈະສາມາດສ້າງອິດທິພົນທີ່ມີຜົນກະທົບຕໍ່ຟີຟ່າໄດ້ ແຕ່ໃນການເຮັດເລື່ອງເຊ່ັນນັ້ນໄດ້ ພວກເຂົາຈະຕ້ອງພິຈາລະນາຖອນຕົວຈາກການແຂ່ງຂັນເຕະບານໂລກຄັ້ງຕໍ່ໄປ ຈົນກວ່າຈະມີການປະຕິຮູບທີ່ເໝາະສົມ ລວມໄປເຖິງການທີ່ທ່ານ ເຊບ ແບລັດເຕີ ຈະບໍ່ລົງສະໝັກເປັນປະທານສະຫະພັນເປັນສະໄໝທີ 5 ດ້ວຍ".</p> <p>           "ຖ້າຂ້ອຍຍັງຢູ່ທີ່ <strong>FA</strong>ຕອນນີ້ຂ້ອຍຈະເຮັດທຸກໆຢ່າງເທ່ົາທີ່ຈະເຮັດໄດ້ ເພື່ອກະຕຸ້ນສະມາຊິກຊາດອື່ນໆໃນຢູຟ່າ ໃຫ້ເຂົ້າມາມີສ່ວນຮ່ວມ ອາດຈະມີບາງຊາດທີ່ເຂ້າຮ່ວມກັບເຮົາ ແລະ ແນ່ນອນບາງຊາດກໍອາດຈະບໍ່ຍ່າງໃນເສ້ັນທາງສາຍນີ້ດ້ວຍ ໃນຈຸດໃດຈຸດໜຶ່ງ ເຈົ້າຕ້ອງເດີນໜ້າໂອ້ລົມ ເຊົາເວົ້າ ແລະ ລົງມືກະທໍາບາງສິ່ງບາງຢ່າງ".</p>

ຂ່າວທີ່ກ່ຽວຂ້ອງ