ຄລິດຊະໂກ ຊະນະ ປູເລຟ ນັອກປ້ອງກັນແຊັມເຮຟວີ່ເວດ

694 17 ພ.ຈ. 2014 ນານາກີລາໂລກ
ຄລິດຊະໂກ ຊະນະ ປູເລຟ ນັອກປ້ອງກັນແຊັມເຮຟວີ່ເວດ

<p>         <strong>ຄລິດຊະໂກ້ ຍອດມວຍລຸ້ນ​ໃຫຍ່ຂອງອູ​ແກຣນ ນັອກ ຄູບຣາດ ປູເລຟ ຄູ່ຕ່ໍສູ້ຊາວບຸນກາຣີໃນຍົກ </strong><strong>5 ປ້ອງກັນແຊັມ ລຸ້ນເຮຟວີ່ເວດທັງ 4 ສະຖາບັນ. </strong></p> <p>           ວະລາດິເມຍ ຄລິດຊະໂກ້ ຍອດນັກມວຍເຮຟວີ່ເວດຊາວອູ​ແກຣນ ປ້ອງກັນແຊັມເອົາໄວ້ໄດ້ຢ່າງງົດງາມ ຫຼັງຊະນະນັອກ ຄູບຣາດ ປູເລຟ ຄູ່ແຂ່ງຈາກບຸນກາຣີໃນຍົກ 5 ໃນການຊົກທີ່ ໂອທູ ເວິລດ໌ ອາຣີນ່າ ເມືອງຮໍາບູກ ປະເທດເຢຍລະມັນ.</p> <p>           ໂດຍ ຄລິດຊະໂກ້ ເຈ້ົາຂອງສາຍ​ແອວແຊັມລຸ້ນເຮຟວີ່ເວດ 4 ສະຖາບັນ ທັງ ສະມາຄົມມວຍໂລກ (ດັບເບິ້ນຢູບີເອ), ສະຫະພັນມວຍນານາຊາດ (ໄອບີເອຟ), ອົງກອນມວຍໂລກ (ດັບເບິ້ນຢູບີໂອ) ລວມ​ເຖິງ ອົງກອນມວຍນານາຊາດ (ໄອບີໂອ) ແລະ ຂອງນິດຕະສານ ເດິະ ຣິງ ສາມາດ​ເຮັດໃຫ້ຜູ້ທ້າຊີງລົ້ມລົງໄປໄດ້ 2 ຄັ້ງໃນຍົກທໍາ​ອິດ ກ່ອນທີ່ ປູເລຟ ຈະຕ້ອງໄປລົ້ມກັບພື້ນສັງວຽນໄດ້ອີກຄັ້ງໃນຍົກ 3.</p> <p>           ​ເຖິງແມ່ນຫຼັງຈາກນັ້ນ ປູເລຟ ຈະຮຶດສູ້ໄດ້ດີ ແຕ່ສຸດທ້າຍກໍ​ເປັນ ຄລິດຊະໂກ້ ທີ່​ສະ​ແດງຄວາມ​ເກັ່ງດ້ວຍການປ່ອຍໝັດຮຸກຊ້າຍໃສ່ ຈົນ​ເຮັດໃຫ້ນັກມວຍຊາວບຸນ​ກາຣີລຸກບໍ່ໄຫວ ສ່ົງຜົນໃຫ້ຍອດນັກມວຍຈາກອູ​ແກຣນເອົາຊະນະໄປຢ່າງສວຍງາມ ພ້ອມເພີ່ມສະຖິຕິເປັນຊະນະ 63 ນັດ ຈາກການຂຶ້ນຊົກ 66 ຄັ້ງ ໂດຍໃນຈຳນວນນີ້ເປັນການຊະນະນັອກ​ເຖິງ 54 ຄັ້ງ ຂະນະທີ່ ປູເລຟ ​ເສຍເປັນຄັ້ງທໍາ​ອິດຫຼັງຊະນະມາ 20 ນັດ​ຊ້ອນ.</p>

ຂ່າວທີ່ກ່ຽວຂ້ອງ