ຂ່າວຫຼ້າສຸດ

ເກັບ​ຕົກ​ຈາກ​ບຸນ­ທາດ­ຫຼວງ

4.133 14 ພ.ຈ. 2014 ນານາສາລະ

<p style="text-align: justify;"> <strong>ໂດຍ: ດັ້ນ​ກີບ​ເມກ</strong></p> <p style="text-align: justify;"> ຫຼາຍ​ທ່ານ​ຮູ້​ແລ້ວ​ວ່າ ບຸນ​ໃຫຍ່​ສຳ­ຄັນ​ປາງ​ນີ້​ມີ​ຄວາມ​ສຳ­ຄັນ​ຫຼາຍ​ຕໍ່​ຈິດ­ໃຈ​ຄົນ​ລາວ ແລະ ຕໍ່​ພຸດ​ທະ​ສາ­ສະ­ໜາ ເພາະ​ພະ​ທາດ­ຫຼວງ ເປັນ​ສັນ­ຍະ­ລັກ​ລວມ​ຈິດ­ໃຈ​ຂອງ​ຄົນ​ໃນ​ຊາດ ແຕ່​ຜູ້​ຂຽນ​ຢາກ​ນຳ​ສະ­ເໜີ​ບາງ​ເຫດ­ການ​ທີ່​ປາ­ກົດ​ມີ​ໃຫ້​ເຫັນ​ໃນ​ງານ​ບຸນ​ປາງ​ນີ້ ເຊິ່ງ​ຫຼາຍ​ຄົນ​ອາດ​ມີ​ຄວາມ​ເຫັນ​ຕ່າງ​ກັນ ເພາະ​ຈຸດ­ປະ­ສົງ​ໄປ​ບຸນ​ຄົນ​ລະ​ຢ່າງ ບາງ​ຄົນ​ໄປ​ຊື້​ເຄື່ອງ­ໃຊ້ ບາງ​ຄົນ​ໄປ​ໄຫວ​ພະ­ທາດ ຫຼື ບາງ​ຄົນ​ໄປ​ເລາະ​ທ່ຽວ​ຫຼິ້ນ​ເອົາ​ຄວາມ​ສະ­ໜຸກ​ມ່ວນ­ຊື່ນ.</p> <p style="text-align: justify;"> ສິ່ງ​ທີ່​ປາ­ກົດ​ໃຫ້​ເຫັນ​ອັນ​ໜຶ່ງ ແລະ ໜ້າ​ຄຶດ​ນຳ​ກັນ​ນັ້ນ​ຄື ການ​ນຸ່ງ​ຖື ເຊິ່ງ​ທາງ​ການ​ກໍ່​ມີ​ລະ­ບຽບ​ໄວ້​ແລ້ວ​ວ່າ ເຂົ້າ​ວັດ ຜູ້­ຍິງ​ລາວ​ຕ້ອງ​ນຸ່ງ​ສີ້ນ ເຊິ່ງ​ຍັງ​ມີ​ປາ­ກົດ­ການ​ນຸ່ງ​ບໍ່​ເໝາະ​ສົມ​ຢູ່ ອາດ​ເປັນ​ເພາະ​ບາງ​ຄົນ​ມາ​ໄກ ຫຼື ບໍ່​ສະ­ດວກ​ແນ່ ແຕ່​ທາງ​ໜ່ວຍ​ງານ​ເພິ່ນ​ຍັງ​ຈັດ​ສະ­ຖານ­ທີ່​ໄວ້​ໃຫ້​ແຂກ​ປ່ຽນ​ນຸ່ງ​ສິ້ນ​ໄດ້ ໂດຍ​ຈ່າຍ​ຄ່າ​ເຊົ່າ ຖື​ວ່າ​ເປັນ​ການ​ຮັກ­ສາ​ວັດ­ທະ­ນະ­ທຳ​ຊ່ວຍ​ກັນ ແລະ ເພື່ອ​ເປັນ​ການ​ໃຫ້​ຄວາມ​ເຄົາ­ລົບ​ຕໍ່​ສະ­ຖານ­ທີ່ ເຊິ່ງ​ຄົນ​ລາວ​ຕ້ອງ​ເອົາ­ໃຈ­ໃສ່ ແລະ ຖ້າ​ເປັນ​ໄປ​ໄດ້ ຝ່າຍ​ຈັດ​ເຄື່ອງ­ນຸ່ງ​ໃຫ້​ປ່ຽນ​ໄດ້ ຄວນ​ມີ​ການ​ອຳ­ນວຍ​ຄວາມ​ສະ­ດວກ​ຫຼາຍ​ຂຶ້ນ​ອີກ ເຊັ່ນ: ກໍ­ລະ­ນີ​ມີ​ຜູ້​ຢາກ​ຊື້​ໄປ​ນຸ່ງ​ຖື ກະ​ຄວນ​ມີ​ຂາຍ ຫຼື ມີ​ຊ່າງ​ຄອຍ​ຕັດ­ຫຍິບ​ລໍ­ຖ້າ​ເອົາ​ໄດ້ ເພາະ​ຖ້າ​ເປັນ​ຄົນ​ຕ່າງ­ປະ­ເທດ​ຕ້ອງ​ໄດ້​ມີ​ຂະ­ໜາດ​ໃຫຍ່​ໄວ້​ໃຫ້.</p> <p style="text-align: justify;"> ຕໍ່​ມາ​ຄື​ຊິ​ແມ່ນ​ເລື່ອງ​ເກົ່າ​ທີ່​ແກ້​ໄຂ​ກັນ​ມາ​ເລື້ອຍໆ ເລື່ອງ​ຂີ້​ເຫຍື້ອ ເຊິ່ງ​ກຳ­ມະ­ການ​ບຸນ​ກໍ່​ໄດ້​ຮັກ­ສາ​ຄວາມ​ສະ­ອາດ​ໄດ້​ດີ ຫຼັງ​ຈາກ​ເລີກ​ບຸນ ແຕ່​ສິ່ງ​ທີ່​ຢາກ​ເວົ້າ​ຄື​ການ​ສ້າງ​ນິ­ໄສ​ຮັກ​ສະ­ອາດ ມີ​ລະ­ບຽບ ບໍ່​ຖິ້ມ​ຂີ້​ເຫຍື້ອ​ຊະ­ຊາຍ.</p> <p style="text-align: justify;"> ທ່ານ​ຜູ້​ອ່ານ​ລອງ​ຄິດ​ເບິ່ງ​ວ່າ ຄັນ​ໄປ​ບຸນ​ແລ້ວ​ພັດ​ພາ­ກັນ​ຖິ້ມ​ຂີ້​ເຫຍື້ອ​ໃສ່​ວັດ ເຊິ່ງ​ບໍ່​ແນ່​ໃຈ​ວ່າ​ຊິ​ໄດ້​ບຸນ ຫຼື ໄດ້​ບາບ ແລະ ຖ້າ​ຜູ້­ຍິງ​ນຸ່ງ​ໂສ້ງ​ເຂົ້າ​ໄປ​ໃນ​ກົມ​ມະ​ລຽນ​ພະ­ທາດ​ເພື່ອ​ວຽນ­ທຽນ ຫຼື ບູ­ຊາ ຈະ​ເໝາະ​ສົມ ຫຼື ບໍ່ ?.</p> <p style="text-align: justify;"> ດັ່ງ­ນັ້ນ ຈຶ່ງ​ເປັນ​ສິ່ງ​ຄວນ​ຄຶດ​ຊ່ວຍ​ກັນ ເສີມ​ສ້າງ ແລະ ຮັກ­ສາ​ເອ­ກະ­ລັກ​ຂອງ​ວັດ­ທະ­ນະ­ທຳ ເພາະ​ພະ​ທາດ­ຫຼວງ ເປັນ​ປູ­ຊະ­ນີ­ຍະ­ສະ­ຖານ​ທີ່​ຄົນ​ລາວ​ທັງ­ຫຼາຍ​ໃຫ້​ຄວາມ​ເຄົາ­ລົບ ເຊິ່ງ​ມັນ​ຍັງ​ມີ​ຄວາມ​ສຳ­ຄັນ​ໃນ​ແງ່​ຂອງ​ສະ­ຕິ​ປັນ­ຍາ ຈາກ​ສິ­ລະ​ປະ​ທີ່​ຜູ້­ນຳ​ພາ​ສ້າງ​ໄດ້​ຝາກ​ໄວ້ ເຊັ່ນ: ກ່ຽວ​ກັບ​ປາ­ລະ­ມີ 10 ປະ­ການ ທີ່​ຄົນ​ທັງ­ຫຼາຍ​ຢາກ​ປະ­ສົບ​ຜົນ­ສຳ­ເລັດ ຄວນ​ນຳ­ໄປ​ປະ­ຕິ­ບັດ ຄື: ການ​ໃຫ້​ທານ ຮັກ­ສາ​ສິນ ສັດ­ຈະ ການ​ອະ­ທິ­ຖານ​ຕັ້ງ­ໃຈ​ເຮັດ​ວຽກ​ແທ້​ຈິງ...</p> <p style="text-align: justify;"> ເຖິງ​ຢ່າງ­ໃດ​ກໍ່​ດີ ບົດ­ຮຽນ​ຄື​ບົດ­ຮຽນ ຖ້າ​ບໍ່​ນຳ​ມາ​ຖອດ​ຖອນ​ເອົາ​ເປັນ​ຄຳ​ສອນ ຫຼື ເປັນ​ຄະ­ຕິ​ເຕືອນ­ໃຈ ມັນ​ກໍ່​ຈະ​ກາຍ­ເປັນ​ຂອງ​ບໍ່​ມີ­ຄ່າ ສິ່ງ​ສຳ­ຄັນ​ພວກ​ເຮົາ​ຕ້ອງ​ສ້າງ​ຈິດ​ສຳ­ນຶກ​ຮັກ­ຫອມ​ວັດ­ທະ­ນະ­ທຳ ແລະ ສ້າງ​ນິ­ໄສ​ໃຫ້​ຮູ້­ຈັກ​ລະ­ບຽບ​ຄວາມ​ສະ­ອາດ​ຈົບ­ງາມ ຈຶ່ງ​ສົມ­ຊື່​ວ່າ ເມືອງ​ລາວ ເປັນ​ເມືອງ​ພຸດ​ທະ​ສາ­ສະ­ໜາ ທີ່​ສອນ​ເລື່ອງ​ຄວາມ​ສະ­ອາດ (ສິນ) ສະ­ມາ­ທິ ແລະ ປັນ­ຍາ ທັງ​ໝົດ​ນັ້ນ ຂໍ​ຝາກ​ທ່ານ​ຜູ້​ອ່ານ​ພິ­ຈາ­ລະ­ນາ​ນຳ​ກັນ ເພື່ອ​ຄວາມ​ຈົບ­ງາມ ແລະ ເປັນ​ລະ­ບຽບ​ຂອງ​ສັງ­ຄົມ​ບ້ານ​ເຮົາ.</p>

ຂ່າວທີ່ກ່ຽວຂ້ອງ