ຂ່າວຫຼ້າສຸດ

"WWE" ກຽມເປິດຕົວ "ວີເຊ" ທີ່ແຟຣງເຟິດ

910 13 ພ.ຈ. 2014 ນານາກີລາໂລກ
"WWE" ກຽມເປິດຕົວ "ວີເຊ" ທີ່ແຟຣງເຟິດ

<p>         <strong>ທິມ ວີເຊ ອະດີດຜູ້ຮັກສາປະຕູສັກ​ສີທີມຊາດເຢຍລະມັນ ກຽມຮ່ວມ​ແຂ່ງຂັນ </strong><strong>WWE ​ໃນວັນເສົາທີ 15 ພະຈິກນີ້ ທີ່ເມືອງແຟຣງເຟິດ ຫຼັງແຂວນຖົງມື ຜັນຕົວມາສວມບົດນັກມວຍປໍ້າອາຊີບຕາມເປ້ົາໝາຍຂອງຕົວເອງ.</strong></p> <p>           ອະດີດຜູ້​ຮັກສາ​ປະຕູ​ໄວ 32 ປີ ເຂ້ົາໂຮງຢິມເສີມສ້າງກ້າມຊີ້ນ ນັບຕັ້ງແຕ່ຖືກ ອອຟເຟນໄຮ ສະໂມສອນແຫ່ງ​ເວທີ ບຸນເດສລີກາ ເຢຍລະມັນ ປ່ອຍອອກ​ຈາກ​ທີ​ມແບບບໍ່​ມີຄ່າ​ຕົວ ເມື່ອເດືອນມັງກອນທີ່ຜ່ານມາ ໝາຍໝັ້ນປັ້ນມືມາຫຼິ້ນກີລາເພື່ອຄວາມບັນເທິງຍອດນິຍົມຂອງກອງ​ເຊຍທົ່ວໂລກ.</p> <p>           ຂະນະດຽວກັນ "ບິລດ໌ (Bild) " ສື່ດັງຂອງ​ເຢຍລະ​ມັນ ​ເປີດເຜີຍວ່າ ເຈ້ົາຂອງສະຖິຕິການຮັບໃຊ້​ເຢຍລະ​ມັນ 6 ເກມ ຈະໄດ້ຮັບການຈັດງານເປິດຕົວຕ່ໍກອງ​ເຊຍມວຍປໍ້າ ທ້າຍອາທິດນີ້ ທີ່ສະໜາມ ເຟສຮັນເລ ແຟຣງເຟິດ ແລະ ​ເຖິງແມ່ນຈະຍັງບໍ່ເຊັນສັນຍາຢ່າງເປັນທາງການ ແຕ່ WWE ຫວັງໃຊ້ຊື່ສຽງອະດີດນັກ​ເຕະ ໄກເຊີສະເລົາເທິນ ແລະ ແວເດີ ເບຣເມນ ​ເໝືອນການກວດ​ເບິ່ງຄວາມ​ນິຍົມ.</p> <p>           ກ່ອນໜ້າ ວີເຊ ຈະກ້າວສູ່ສັງວຽນຜືນຜ້າຢ່າງເຕັມຕົວ ເຊື່ອກັນວ່າ ຜູ້ກ່ຽວຈະຕ້ອງຝຶກຝົນການຕົບຕາຜູ້ຊົມຂະນະຖືກຄູ່ຕ່ໍສູ້ໂຈມຕີ ​ເຊິ່ງສ່ຽງອັນຕະລາຍ ແລະ ການສະ​ແດງຕາມບົດບາດເປັນເວລາ 1 ປີ ນອກເໜືອຈາກການເພາະກ້າມເພື່ອຕ່ໍກອນກັບດາວ​ດັງຂອງວົງການຢ່າງ ຈອນ ຊີນາ ຫຼື ບຣັອກ ເລສເນີ.</p>

ຂ່າວທີ່ກ່ຽວຂ້ອງ