ຂ່າວຫຼ້າສຸດ

ເປີດເຜີຍສະຖິຕິ ແມນ ຊີຕີທຸ່ມເງິນ 1 ລ້ານປອນ/ຄະແນນ ສູງສຸດຮອບ 6 ປີ

690 12 ພ.ຈ. 2014 ນານາກີລາໂລກ
ເປີດເຜີຍສະຖິຕິ ແມນ ຊີຕີທຸ່ມເງິນ 1 ລ້ານປອນ/ຄະແນນ ສູງສຸດຮອບ 6 ປີ

<p>         <strong>ແມນເຊສເຕີ ຊິຕີ ສະໂມສອນເງິນໜາແຫ່ງເກາະອັງກິດ ທຸ່ມທຶນຢ່າງມະຫາສານເພື່ອແລກມາດ້ວຍແຊັມ​ເຕະບານ ພຣີເມຍ ລີກ </strong><strong>2 ສະ​ໄໝ ໃນຮອບ 3 ລະດູການຫຼ້າສຸດ ໂດຍມີອັດຕາສ່ວນການຊື້ນັກເຕະຕໍ່ຄະແນນທັງໝົດ ​ເຊິ່ງເກັບຮວບຮວມນັບຕັ້ງແຕ່ປີ 2008 ສູງສຸດຂອງປະເທດ. </strong></p> <p>           ຫຼັງຈາກກຸ່ມທຶນ “ອາບູ ດາບີ ຢູໄນເຕັດ ກຣຸ໊ບ” ເຂ້ົາມາຊື້​ກິດຈະການ ​ແມນ ຊິຕີ ຄວັກກະເປ໋ົາໄປແລ້ວເກືອບ 500 ລ້ານປອນ ແລກປ່ຽນກັບດາວ​ດັງ​ວົງ​ການ​ເຕະບານທົ່ວໂລກ ໂດຍບໍ່​ລວມຄ່າເມື່ອຍ ​ເຊິ່ງຕົວເລກທາງບັນຊີອາດສູງຂຶ້ນຢ່າງໜ້າຕົກໃຈ.</p> <p>           ​ເຖິງແມ່ນ ​ແມນ​ເຊ​ສ​ເຕີ ຊີ​ຕີ ຈະເກັບຄະແນນຫຼາຍສຸດອັນດັບ 3 ໃນຮອບ 6 ປີຫຼ້າສຸດ ແຕ່ຫາກຄຳນວນຄ່າສະ​ເລ່ຍລະຫວ່າງເມັດເງິນ ກັບ ຄະແນນທັງໝົດ “ອາຣາບຽນ ບິວຊິເນສ (Arabian Business)” ພົບວ່າ ທີມຂອງ ມານູເອວ ເປເຢກຣິນີ ຕ້ອງລົງທຶນສູງ​ເຖິງ 1.096.000 ປອນ ​ແລກປ່ຽນກັບ 1 ຄະ​ແນນ.</p> <p>           ສ່ວນອັນດັບ 2 ຕົກເປັນຂອງ ເຊວຊີ ​ເຊິ່ງຄວ້າແຊັມ ລີກສູງສຸດຂອງ​ອັງກິດ​ພຽງ 1 ສະ​ໄໝ ຕະຫຼອດ 6 ລະດູການທີ່ຜ່ານມາ ສ້າງຄ່າສະເລ່ຍ 598.000 ປອນຕໍ່ 1 ຄະ​ແນນ ໂດຍລົງທຶນໄປ 276 ລ້ານປອນ ຕາມດ້ວຍ ແອສຕັນ ວິນລາ ກັບ ສະໂຕ໊ກ ຊິຕີ ທີ່ທຸ່ມງົບໄປປະມານ 300.000 ປອນຕ່ໍ 1 ຄະ​ແນນ.</p> <p>           ຂະນະດຽວກັນ ເອຟເວີຕັນ ກາຍເປັນສະໂມສອນທີ່ປະຢັດງົບສຸດ ໂດຍມີລາຍຮັບສຸດທິເກືອບ 30 ລ້ານປອນ ແລະໄດ້ກຳໄລຢູ່ 78.000 ປອນຕ່ໍ 1 ຄະ​ແນນ ພາຍໃຕ້ການຄຸມ​ທີ​ມຂອງ ເດວິດ ມອຍ ແລະ ໂຣແບໂຕ ມາຕິເນຊ.</p>

ຂ່າວທີ່ກ່ຽວຂ້ອງ