ຂ່າວຫຼ້າສຸດ

"CAF" ຕັດສິດໂມຣົກໂກ ຈັດເຕະບານອາຟຣິກັນເນຊັ່ນຄັບ

610 12 ພ.ຈ. 2014 ນານາກີລາໂລກ
"CAF" ຕັດສິດໂມຣົກໂກ ຈັດເຕະບານອາຟຣິກັນເນຊັ່ນຄັບ

<p>         <strong>ໂມຣົກໂກ ຖືກຮິບສິດເຈ້ົາພາບ​ເຕະບານ </strong><strong>"ອາຟຣິກັນ ເນຊັ່ນ ຄັບ 2015" ​ເຊິ່ງຈະເປິດສາກຂຶ້ນລະຫວ່າງວັນທີ 17 ມັງກອນ - 8 ກຸມພາ ຫຼັງຈາກຮ້ອງຂໍເລື່ອນໂປຣແກຣມການແຂ່ງຂັນ ເນື່ອງຈາກກະແສຫວາດຫວັ່ນຕໍ່ໂຣກລະບາດ “ອີໂບລາ".</strong></p> <p>         ຄະນະກໍາມະການບໍລິຫານ ສະມາພັນ​ເຕະບານແຫ່ງອາຟຣິກາ (CAF) ດຳເນີນການປະຊຸມຄົບຄະນະ ທີ່ເມືອງໄຄໂຣ ປະເທດ​ເອຢິບ ເມື່ອວັນອັງຄານທີ 11 ພະຈິກທີ່ຜ່ານມາ ມີບົດສະຫຼຸບວ່າຈະຢຶດກຳນົດການແຂ່ງຂັນເດີມ ​ໄລຍະເດືອນມັງກອນ-ກຸມພາ ປີ 2015.</p> <p>           ສະມາພັນ​ເຕະບານແຫ່ງອາຟຣິກາຕ້ອງຕັດສິນເລືອກເຈ້ົາພາບຈາກຂໍ້ສະ​ເໜີຈາກຫຼາຍໆປະເທດ ປະກອບດ້ວຍ ອານ​ຈີ​ເຣ , ອັງໂກລາ , ​ເອຢິບ ແລະ ນີຈີເຣ ທີ່ຫວັງຈະຮັບໜ້າທີ່ຈັດ​ເຕະບານຊີງແຊັມແຫ່ງຊາດອາຟຣິກາ ຮອບສຸດທ້າຍ ແທນ ໂມຣົກໂກ.</p> <p>           " CAF " ອອກຖະແຫຼງການ "ຫຼັງຈາກກອງປະຊຸມ ແລະ ລົງມະຕິຢ່າງເປັນເອກະສັນ ເຮົາຈະຢຶດໂປຣແກຣມການແຂ່ງຂັນຕາມປົກກະຕິ ແລະ ​ອົງການບໍລິຫານ ຢືນຢັນວ່າ ດິ ອໍເຣນ ແອນຟຣິກາ ຄັບ ອອຟ ເນຊັ່ນ 2015 ຈະບໍ່ເກີດຂຶ້ນທີ່ ປະເທດໂມຣົກ​ໂກ ຕາມການປະຕິເສດເຂ້ົາຮ່ວມຂອງໂມຣົກ​ໂກ ທາງຄະນະກໍາມະການພິຈາລະນາຕັດສິດໂມຣົກ​ໂກໂດຍອັດຕະໂນມັຕ".</p> <p>           "ທາງຄະນະກໍາມະການໄດ້ຮັບໃບສະແດງເຈດຈຳນົງຈາກນານາປະເທດ ​ເຊິ່ງມີຄວາມປາຖະໜາຈັດການແຂ່ງຂັນ ປີ 2015 ຕາມກຳນົດການທີ່ຕົກລົງກັນໄວ້ ປັດຈຸບັນເຮົາກຳລັງຄັດສັນຜູ້ສະໝັກຢູ່ ເຮົາຈະຖະແຫຼງຜົນການຕັດສິນທັນທີ ແລະຢືນຢັນສະຖານທີ່ກັບກຳນົດຈັບສະຫຼາກຮອບແບ່ງກຸ່ມວັນດຽວກັນ".</p>

ຂ່າວທີ່ກ່ຽວຂ້ອງ