ຂ່າວຫຼ້າສຸດ

ຜະ­ລິດ​ຕະ​ພັນ​ສື່​ມວນ​ຊົນ​ແມ່ນ​ສິນ­ຄ້າ

2.188 05 ພ.ຈ. 2014 ນານາສາລະ

<p style="text-align: justify;"> <strong>ໂດຍ: ແນວ​ລາວ</strong></p> <p style="text-align: justify;"> ເດືອນ​ແລ້ວ­ນີ້​ຜູ້​ຂຽນ​ໄດ້​ເດີນ­ທາງ​ໄປ ສສ ຫວຽດ­ນາມ ຕາມ​ການ​ແບ່ງ­ປັນ​ຈາກ​ສະ​ຖາ​ບັນ​ສື່​ມວນ​ຊົນ-ວັດ­ທະ­ນະ­ທຳ ແລະ ທ່ອງ​ທ່ຽວ ເພື່ອ​ເຂົ້າ​ຮ່ວມ​ຊຸດ​ເຝິກ­ອົບ­ຮົມ​ໃນ​ຫົວ­ຂໍ້: “ຍົກ​ສູງ​ການ​ນຳ​ພາ­ໃຫ້​ແກ່​ຖັນ​ແຖວ​ພະ­ນັກ­ງານ​ຄຸ້ມ​ຄອງ​ໜັງ­ສື­ພິມ-ສື່​ມວນ​ຊົນ ຂອງ ສປປ ລາວ...” ໂດຍ​ແມ່ນ​ສະ​ຖາ​ບັນ​ໂຄ­ສະ­ນາ ແລະ ສື່​ມວນ​ຊົນ ຂຶ້ນ​ກັບ​ສະ​ຖາ​ບັນ​ການ­ເມືອງ-ການ​ປົກ­ຄອງ​ແຫ່ງ​ຊາດ ໂຮ່​ຈິ​ມິງ ສສ ຫວຽດ­ນາມ ເປັນ​ເຈົ້າ­ພາບ​ຈັດ​ຂຶ້ນ.</p> <p style="text-align: justify;"> ການ​ເດີນ­ທາງ​ແມ່ນ​ເລີ່ມ​ອອກ​ຈາກ​ວຽງ​ຈັນ ໃນ​ວັນ​ທີ 18/10/2014 ແລະ ກັບ​ຮອດ​ວຽງ​ຈັນ ວັນ​ທີ 31/10/2014 ໂດຍ​ແມ່ນ​ການ​ເດີນ­ທາງ​ທີ່​ດົນ​ສົມ­ຄວນ ເພາະ​ໄປ​ທາງ​ລົດ.</p> <p style="text-align: justify;"> ວັນ​ທີ 20-29/10/2014 ແມ່ນ​ພວກ​ເຮົາ​ເຂົ້າ​ຮ່ວມ​ການ​ເຝິກ­ອົບ­ຮົມ ແລະ ສຳ​ມະ​ນາ​ວິ­ທະ­ຍາ­ສາດ ຖື​ວ່າ​ເປັນ​ຊຸດ​ເຝິກ​ທີ່​ເຕັມ​ໄປ​ດ້ວຍ​ວິ­ຊາ​ການ​ແທ້ໆ... ໂດຍ​ໄດ້​ຮັບ​ຟັງ​ການ​ຂຶ້ນ​ຫ້ອງ​ຈາກ​ອາ­ຈານ ໃນ 4 ຫົວ­ຂໍ້ ຄື:</p> <p style="text-align: justify;"> 1/ ທ່າ​ອຽງ​ໃນ​ການ​ຂະ­ຫຍາຍ­ຕົວ​ຂອງ​ໜັງ­ສື­ພິມ​ທັນ​ສະ­ໄໝ.</p> <p style="text-align: justify;"> 2/ ເສລີ­ພາບ ແລະ ບັນ­ຫາ​ຄຸນ­ສົມ­ບັດ​ຂອງ​ສື່​ມວນ​ຊົນ.</p> <p style="text-align: justify;"> 3/ ຜູ້​ບໍ­ລິ­ໂພກ​ສື່​ມວນ​ຊົນ.</p> <p style="text-align: justify;"> 4/ ການ​ນຳ­ພາ ແລະ ຄຸ້ມ​ຄອງ​ສື່​ມວນ​ຊົນ.</p> <p style="text-align: justify;"> ນອກ­ຈາກ​ຂຶ້ນ​ຫ້ອງ​ແລ້ວ​ໃນ​ມື້​ວັນ​ທີ 28/10/2014 ເພິ່ນ​ຍັງ​ໄດ້​ຈັດ​ໃຫ້​ມີ​ກອງ​ປະ­ຊຸມ​ສຳ​ມະ​ນາ​ວິ­ທະ­ຍາ­ສາດ​ໃນ​ຫົວ­ຂໍ້ “ການ​ບຳ­ລຸງ ແລະ ກໍ່­ສ້າງ​ພະ­ນັກ­ງານ​ສື່​ມວນ​ຊົນ ບົດ­ຮຽນ​ຈາກ​ຫວຽດ­ນາມ ແລະ ລາວ”.</p> <p style="text-align: justify;"> ເຊິ່ງ​ກອງ​ປະ­ຊຸມ​ນີ້​ມີ​ນັກ­ວິ­ທະ­ຍາ­ສາດ ສາດ­ສະ­ດາ­ຈານ ຮອງ​ສາດ­ສະ­ດາ­ຈານ ຄູ-ອາ­ຈານ​ຝ່າຍ​ຫວຽດ­ນາມ ເຂົ້າ​ຮ່ວມ​ຢ່າງ​ຫຼວງ­ຫຼາຍ ບໍ່​ທໍ່​ນັ້ນ ບັນ­ດາ​ນັກ​ສຶກ​ສາ​ລາວ ທີ່​ພວມ​ຄົ້ນ­ຄວ້າ ແລະ ຮ່ຳ­ຮຽນ​ຢູ່​ທີ່​ນັ້ນ ກໍ່​ເຂົ້າ​ຮ່ວມ​ຢ່າງ​ພ້ອມ­ພຽງ.</p> <p style="text-align: justify;"> ຜູ້​ຂຽນ​ໄດ້​ມີ​ໂອ­ກາດ​ຂຶ້ນ​ປະ­ກອບ​ຄຳ​ເຫັນ​ກ່ຽວ​ກັບ​ວຽກ​ງານ​ກໍ່­ສ້າງ​ຊັບ­ພະ­ຍາ­ກອນ​ມະ­ນຸດ​ຂອງ​ຂະ­ແໜງ­ການ​ທີ່​ຕົນ​ຮັບ­ຜິດ­ຊອບ.</p> <p style="text-align: justify;"> ນອກ­ຈາກ​ນັ້ນ​ພວກ​ເຮົາ​ຍັງ​ໄດ້​ໄປ​ທັດ­ສະ­ນະ​ສຶກ​ສາ​ຢູ່​ໜັງ­ສື­ພິມ ເຢິນ ເຢິນ ສຽງ​ຂອງ​ສູນ​ກາງ​ພັກ​ກອມ​ມູ​ນິດ​ຫວຽດ­ນາມ ໜັງ­ສື­ພິມ ກວນ​ໂດຍ ເຢິນ ເຢິນ ວິ­ທະ­ຍຸ ໂທລະ­ພາບ ນະ­ຄອນ­ຫຼວງ​ຮ່າ​ໂນ້ຍ ແລະ ວິ­ທະ­ຍຸ​ໂທລະ­ພາບ​ແຂວງ​ກວາງ​ນິງ.</p> <p style="text-align: justify;"> ຜ່ານ​ບັ້ນ​ເຝິກ­ອົບ­ຮົມ​ນີ້​ຜູ້​ເຂົ້າ​ຮ່ວມ​ໄດ້​ຮູ້​ຫຼາຍ​ຢ່າງ​ກ່ຽວ​ກັບ​ວຽກ​ງານ​ສື່​ມວນ​ຊົນ​ຢູ່​ຫວຽດ­ນາມ ກໍ່​ຄື​ໃນ​ໂລກ... ມັນ​ເປັນ​ການ​ເປີດ​ຫູ​ເປີດ​ຕາ ໃຫ້​ພວກ​ເຮົາ​ເຂົ້າ­ໃຈ​ຢ່າງ​ເລິກ­ເຊິ່ງ​ເຖິງ​ການ​ຂະ­ຫຍາຍ­ຕົວ​ຂອງ​ໂລກ ແຫ່ງ​ສື່​ມວນ​ຊົນ... ຍິ່ງ​ໄປ​ກວ່າ​ນັ້ນ​ແມ່ນ​ເຂົ້າ­ໃຈ​ວ່າ <strong>ສື່​ຕ່າງໆ (ໜັງ­ສື­ພິມ ວິ­ທະ­ຍຸ ໂທລະ­ພາບ)</strong> <strong>ແມ່ນ​ສິນ­ຄ້າ ສະ­ນັ້ນ ຜະ­ລິດ​ຕະ​ພັນ​ຕ້ອງ​ດີ ຈຶ່ງ​ຈະ​ສາ­ມາດ​ແກ່ງ​ແຍ້ງ​ໃນ​ກົນ​ໄກ​ເສດ­ຖະ­ກິດ​ຕະ­ຫຼາດ​ໄດ້.</strong></p> <p style="text-align: justify;"> ໃນ​ບົດ​ຕໍ່​ໄປ​ຈະ​ນຳ​ສະ­ເໜີ​ບາງ​ບົດ­ຮຽນ​ທີ່​ພວກ​ເຮົາ​ຄວນ​ຮູ້...?</p>

ຂ່າວທີ່ກ່ຽວຂ້ອງ