CAS ນັດໄຕ່ສວນຫຼຸດໂທດຫ້າມຊື້-ຂາຍນັກເຕະບາເຊໂລນ່າຕົ້ນເດືອນທັນວາ

1.054 04 ພ.ຈ. 2014 ນານາກີລາໂລກ
CAS ນັດໄຕ່ສວນຫຼຸດໂທດຫ້າມຊື້-ຂາຍນັກເຕະບາເຊໂລນ່າຕົ້ນເດືອນທັນວາ

<p>         <strong>ບາເຊໂລນ່າ ແລະ ຟີຟ່າ ກຽມເຂົ້າຮ່ວມໄຕ່ສວນຄະດີຄວາມໃນ​ໄລຍະເດືອນທັນວານີ້ ​ເຊິ່ງອາດມີຄວາມພະຍາຍາມຫຼຸດໂທດຫ້າມ​ເຮັດກາຣຊື້-ຂາຍນັກເຕະຂອງທີມດັງແດນ​ແອັດ​ສະ​ປາຍລົງມາເຫຼືອພຽງການອົດຊື້ໃນ​ໄລຍະປີໃໝ່ນີ້ເທ່ົານັ້ນ</strong><strong>.</strong></p> <p>         ລາຍງານຂອງສະປອດ ສື່ໃນ​ແອັດ​ສະ​ປາຍລະບຸວ່າ ສານອະນຸຍາໂຕຕຸລາການ (CAS) ໄດ້ຮັບຄຳຮ້ອງຂໍຮັບຟັງການໄຕ່ສວນລະຫວ່າງບາ​ເຊ​ໂລ​ນ່າ ກັບຟີຟ່າ ລະຫວ່າງວັນທີ 4 ຫຼື 5 ທັນວານີ້ ຫຼັງທີມຈາກຖິ່ນຄໍ້າ ນູ ໄດ້ຍື່ນເລື່ອງຂໍອຸທອນໂທດຈາກການ​ເຮັດຜິດກົດໃນການເຊັນສັນຍານັກເຕະລະດັບເຍົາວະຊົນ.</p> <p>           ​ແຕ່ເດີມນັ້ນບາ​ເຊ​ໂລ​ນ່າ ຖືກລົງ​ໂທດຫ້າມ​ເຮັດການຊື້-ຂາຍນັກເຕະ 2 ຄັ້ງໜ້າ ​ເຊິ່ງຈະ​ເຮັດໃຫ້ພວກເຂົາສາມາດຈັບຈ່າຍໄດ້ອີກຄັ້ງໃນ​ໄລຍະເປີດຕະຫຼາດນັກເຕະເດືອນມັງກອນ ປີ 2016.</p> <p>           ຫຼັງຈາກຮັບຟັງຄຳໄຕ່ສວນແລ້ວ CASຈະປະກາດການຕັດສິນກ່ອນໜ້າວັນທີ 31 ທັນວານີ້ວ່າຈະມີການຫຼຸດໂທດ ໃຫ້ບາ​ເຊ​ໂລ​ນ່າເລີ່ມຕົ້ນເຊັນສັນຍານັກເຕະໃນພັກ​ຮ້ອນ​ປີ 2015 ຫຼືບໍ່.</p> <p>           ບາເຊໂລນ່າ ຈະຍອມຮັບວ່າພວກເຂົາ​ເຮັດຜິດ ແຕ່ຂໍໂຕ້ແຍ່ງໃນປະເດັນການຖືກ​ລົງ​ໂທດຍາວນານ 2 ຕະຫຼາດນັກເຕະ ເພາະ​ເບິ່ງແລ້ວວ່າໜັກເກີນໄປ. </p> <p>           ຫາກບໍ່ການຫຼຸດໂທດຫ້າມ ບາ​ເຊ​ໂລ​ນ່າຈະບໍ່ສາມາດຊື້ ຫຼືຂາຍນັກເຕະໄດ້ຈົນກະທັ່ງເດືອນມັງກອນ​ປີ 2016 ​ເຊິ່ງຂຸມກຳລັງຂອງພວກເຂົາໃນຕອນນີ້ກໍເລີ່ມມີອາຍຸຫຼາຍຂຶ້ນເລື້ອຍໆແລ້ວ.</p>

ຂ່າວທີ່ກ່ຽວຂ້ອງ