ແມນຢູຈັດທີມຄ່າຕົວລວມແພງສຸດໃນພຣີເມຍລີກ ເກມເສຍໃຫ້ແມນ ຊີຕີ

<p>         <strong>11 ຕົວຈິງຂອງ ແມນ​ເຊ​ສ​ເຕີ ຢູໄນເຕັດ ທີ່ພ່າຍ​ແພ້ ແມນ​ເຊ​ສ​ເຕີ ຊິຕີ 0-1 ເມື່ອວັນອາທິດທີ່ຜ່ານມາ ມີຄ່າຕົວລວມກັນ 241 ລ້ານປອນ ສ່ົງຜົນໃຫ້ເປັນທີມທີ່ມີຄ່າຕົວລວມກັນສູງທີ່ສຸດໃນປະຫວັດສາດການແຂ່ງຂັນ ພຣີເມຍລີກ ທັນທີ. </strong></p> <p>         11 ຕົວຈິງຂອງ ແມນເຊສເຕີ ຢູໄນເຕັດ ຍອດສະໂມສອນແຫ່ງເວທີ ພຣີເມຍລີກ ອັງກິດ ນັດທີ່ອອກໄປພ່າຍແພ້ ແມນເຊສເຕີ ຊິຕີ 0-1 ​ເຖິງສະໜາມ ເອຕິຮັດ ໃນເກມລີກ ສະບັບ "ແມນເຊສເຕີ ດາບີ້ແມດ" ເມື່ອວັນອາທິດທີ 2 ພະຈິກທີ່ຜ່ານມາ ຖືເປັນທີມຕົວຈິງທີ່ມີຄ່າຕົວລວມກັນສູງທີ່ສຸດໃນປະຫວັດ​ສາດຂອງ ພຣີເມຍລີກ ດ້ວຍຈຳນວນ 241 ລ້ານປອນ.</p> <p>           ​ສຳລັບຄົນທີ່ຄ່າຕົວແພງສຸດໃນຊຸດນີ້ ໄດ້ແກ່ ອັງເຄວ ດິ ມາເຣຍ ປີກຊາວອາກຊັງ​ຕິນ ທີ່ມີຄ່າຕົວສູງ​ເຖິງ 59,7 ລ້ານປອນ ຮອງລົງມາເປັນ ມາຣູຢານ ເຟວໄລນີ່ ກັບ ລຸກ ຊໍ ​ເຊິ່ງຢູ່ທີ່ 27,5 ລ້ານປອນເທ່ົາກັນ.</p> <p>           ທັງນີ້ ຄົນທີ່ຄ່າຕົວຖືກສຸດໃນ 11 ຕົວຈຣິງຂອງເກມທີ່ປະລາ​ໄຊຕໍ່ ​ແມນ​ເຊ​ສ​ເຕີ ຊີ​ຕີ ຄື ອັດນານ ຢານາໄຊ ປີກທີມຊາດ​ແບນ​ຊິກທີ່ບໍ່ມີຄ່າຕົວ ເພາະເປັນເດັກປັ້ນຂອງພວກເຂົາເອງ.</p>