ຂ່າວຫຼ້າສຸດ

ລົງໂທດນັກເຕະລີກສວິດ 50 ປີ ຖານເຕະບານອັດໜ້າກໍາມະການ

666 03 ພ.ຈ. 2014 ນານາກີລາໂລກ
ລົງໂທດນັກເຕະລີກສວິດ 50 ປີ ຖານເຕະບານອັດໜ້າກໍາມະການ

<p>         <strong>ໜັງສືພິມ </strong><strong>"ບລິກ" ຂອງສວິດ ລາຍງານວ່າ ຣິຄາໂດ ເຟໄຣຣ່າ ກອງຫຼັງທີມປໍຕຸກັນ ຟຸດບອນ ຄລັບ ລະດັບດິວິຊັ່ນ 4 ຂອງສວິດ ຖືກລົງໂທດຫ້າມ​ລົງ​ແຂ່ງ 50 ປີ ຫຼັງກໍ່ເລື່ອງໃນເກມ​ເສຍ​ໃຫ້ ເອສຊີ ວອບ 0-1 ໃນລີກທ້ອງຖິ່ນຂອງ​ເມືອງເບິນ ເມື່ອອາທິດ​ທີ່ຜ່ານມາ ໂດຍເຟໄຣຣ່າ ​ເຊິ່ງເປັນຕົວສຳຮອງທີ່ບໍ່ໄດ້ລົງສະໜາມ ບໍ່ພໍໃຈຄຳຕັດສິນຂອງກໍາມະການ ຈຶ່ງເຂ້ົາໄປຕໍ່ວ່າຢ່າງຫຍາບຄາຍ ​ໄລຍະທີ່ຜູ້ຕັດສິນຍ່າງເຂ້ົາອຸໂມງ ກ່ອນຈະເຕະບານອັດໜ້າ ແລະ ເອົາກວດນ້ຳພ່ົນນ້ຳໃສ່.  </strong></p> <p>            ເຟໄຣຣ່າ​ໄວ 28 ປີ ກ່າວວ່າ ຄິດວ່າຈະຖືກລົງໂທດຫ້າມ​ລົງ​ສະໜາມ 1-2 ປີ ແຕ່ກັບຖືກ​ເຖິງ 50 ປີ ບໍ່​ຮູ້ຈະ​ເຮັດຢ່າງ​ໃດດີ ເພາະ​ເຕະບານເປັນຊີວິດຈິດໃຈຂອງຕົນ ຂະນະທີ່ໂຣແບ ໄບຣເຕີ ທະນາຍຄວາມຂອງລີກ ກ່າວວ່າ ທາງລີກຕັດສິນໃຈລົງ​ໂທດຍາວ ເພາະບໍ່ຕ້ອງການນັກເຕະທີ່ມີພຶດຕິກໍາແບບນີ້ໃນລີກ ໂດຍຈິງໆແລ້ວ ຕັ້ງໃຈຈະລົງ​ໂທດ​ບໍ່ມີກຳນົດ ແຕ່ເພາະຕ້ອງປ້ອນຂໍ້ມູນໃນລະບົບຄອມພິວເຕີ ຈຶ່ງປ່ຽນເປັນ 50 ປີແທນ.</p> <p>           ທັງນີ້ ເຟໄຣຣ່າ ເຄີຍມີປະຫວັດເສຍຫາຍມາແລ້ວຫຼວງ​ຫຼາຍ ທັງຕົບໝາກຫວີດຈາກປາກຜູ້ຕັດສິນຈົນຖືກ​ລົງ​ໂທດ 12 ເດືອນ ແລະ ເຄີຍກໍ່ເລື່ອງທຳຮ້າຍກໍາມະການ ຫຼືຄູ່ແຂ່ງອີກຫຼາຍຄັ້ງ ຈົນຖືກ​ລົງ​ໂທດລວມ 45 ນັດຕະຫຼອດການ​ແຂ່ງຂັນ​ເຕະບານລີກ.</p>

ຂ່າວທີ່ກ່ຽວຂ້ອງ