ມາເຕຣັດຊີ່ ປົກປ້ອງ "ຊີດານ"ວ່າ ບໍ່ເຫັນຈຳເປັນຕ້ອງມີໃບອະນຸຍາດໂຄ໊ຊ

592 03 ພ.ຈ. 2014 ນານາກີລາໂລກ
ມາເຕຣັດຊີ່ ປົກປ້ອງ "ຊີດານ"ວ່າ ບໍ່ເຫັນຈຳເປັນຕ້ອງມີໃບອະນຸຍາດໂຄ໊ຊ

<p>         <strong>ມາໂກ ມາເຕຣັດຊີ່ ອະດີດກອງຫຼັງຈອມໂຫດທີມຊາດອິຕາລີ ອອກມາປົກປ້ອງຊີເນີດີນ ຊີດານ ຕຳນານກອງ​ກາງ ຝຣັ່ງວ່າ ຊື່ສຽງ ແລະ ຄວາມສຳເລັດທີ່ເຂົາສ້າງມາໃນວົງການ​ເຕະບານ ກໍໜ້າຈະພຽງພໍທີ່​ເຮັດໃຫ້ເຂົາບໍ່ຈຳເປັນຕ້ອງມີໃບອະນຸຍາດໂຄ໊ຊ.</strong></p> <p>           ຊີດານ ​ເຊິ່ງປັດຈຸບັນເປັນໂຄ໊ຊທີມ ຣີວ ມາດຣິດ ທີມສຳຮອງ ຖືກຕັດສິນລົງໂທດຫ້າມຄຸມທີມເປັນເວລາ 3 ເດືອນເພາະເຂົາບໍ່ຜ່ານຄຸນສົມບັດການເປັນໂຄ໊ຊໃນ​ແອັດ​ສະ​ປາຍ ເນື່ອງຈາກໃບອະນຸຍາດຈາກຢູຟ່າໃນຝຣັ່ງຂອງເຂົາບໍ່​ພຽງພໍກັບໃນ​ແອັດ​ສະ​ປາຍ.</p> <p>           ທັງນີ້ ຊີດານ ໄດ້ຍື່ນອຸທອນໂທດຫ້າມດັ່ງກ່າວແລ້ວ ແລະ ໄດ້ຮັບອະນຸຍາດໃຫ້ຄຸມທີມຕໍ່ໄປຈົນກວ່າຈະໄດ້ຜ່ານສອບໃບອະນຸຍາດພາຍໃນເວລາທີ່ກຳນົດ.</p> <p>           ແຕ່ວ່າ ມາເຕຣັດຊີ່ ອະດີດຄູ່ກໍລະນີຂອງ ຊີດານ ໃນ​ເຕະບານໂລກ 2006 ກໍຄິດວ່າເລື່ອງໂທດຫ້າມທີ່ເກີດຂຶ້ນເປັນເລື່ອງຕະຫຼົກ ສຳລັບຄົນທີ່ປະສົບຄວາມສຳເລັດຍິ່ງໃນອາຊີບຄ້າຝີ​ຕີນ ຍັງຕ້ອງສອບໃບອະນຸຍາດເປັນໂຄ໊ຊ​ເຕະບານ.</p> <p>           "ເມື່ອ​ເຈົ້າເປັນແຊັມປຽນຢ່າງຊີດານ,ມາເຕຣັດຊີ່ ຫຼືຄົນອື່ນອີກບໍ່​ເທົ່າ​ໃດຄົນ ​ເຈົ້າຄົງບໍ່ຈຳເປັນຕ້ອງມີໃບອະນຸຍາດເປັນໂຄ໊ຊດອກ " ອະດີດກອງຫຼັງອິນເຕີ ມິລານ ກ່າວ.</p> <p>           "ຖ້າ​ເຈົ້າຢູ່ໃນວົງການ​ເຕະບານມາ 25 ປີ ​ເຈົ້າກໍບໍ່ຄວນຕ້ອງມີໃບອະນຸຍາດອັນ​ໃດນັ້ນແລ້ວລະ "</p>

ຂ່າວທີ່ກ່ຽວຂ້ອງ