ເປ໊ບ ກວາດິໂອລ່າ ກຽມຖືກລົງໂທດຫຼັງປະທະຄາລົມກັບຜູ້ຕັດສິນທີ່ສີ່

554 28 ຕ.ລ. 2014 ນານາກີລາໂລກ
ເປ໊ບ ກວາດິໂອລ່າ ກຽມຖືກລົງໂທດຫຼັງປະທະຄາລົມກັບຜູ້ຕັດສິນທີ່ສີ່

<p>         <strong>ສື່ດັງຂອງ​ອັງກິດ ລາຍງານຂ່າວວ່າ ເປ໊ບ ກວາດິໂອລ່າ ຜູ້​ຈັດການຂອງທີ​ມບາເຢິນ ມິວນິກ ກຽມ​ຖືກ​ລົງ​ໂທດ ຫຼັງເຂົ້າປະທະຄາລົມກັບຜູ້ຕັດສິນທີ່ສີ່ ໃນເກມສະ​ເໝີກັບ ໂບຣຸສເຊຍ ມຶນເຊ່ນກລັດບັກ.</strong></p> <p>           ເຫດການດັ່ງກ່າວເກີດໃນ​ເວທີບຸນເດສລີກາເມື່ອຄືນວັນ​ທີ 26 ຕຸລາທີ່ຜ່ານມາ ​ເຊິ່ງເປັນ​ໄລຍະທົດ​ແທນເວລາການ ແຂ່ງຂັນ ແຕ່ກຣານິດ ຊາກາ ກອງກາງຂອງທີ​ມ​ໂບຣຸສ​ເຊຍ ມຶນ​ເຊ່ນ​ກລັດ​ບັກນອນເຈັບຢູ່ ​ເຮັດໃຫ້ເກມຢຸດໄປກວ່ານາທີ ແລະ ກໍສ້າງຄວາມບໍ່ພໍໃຈໃຫ້ແກ່ ເປ໊ບ ກວາດິໂອລ່າ ຫຼາຍ ​ເຖິງຂະໜາດເຂົ້າໄປສອບຖາມດ້ວຍອາລົມສຸນວຽວກັບ ບິເບຍນ່າ ສະໄຕເຮົາ ຜູ້ຕັດສິນທີ່ສີ່ທີ່ຢູ່ຂ້າງສະໜາມ.</p> <p>           ຫຼັງຈົບເກມ ກວາດິໂອລ່າໄດ້ໃຫ້ສໍາພາດວ່າ “ຂ້ອຍຢາກໃຫ້ທົດ​ແທນເວລາເພີ່ມ ແຕ່ເຂົາບອກວ່າ ’ບໍ່​ດອກ ເຮົາຈະບໍ່​ເຮັດແບບນັ້ນ ’ ” ສຸດທ້າຍແລ້ວການທົດ​ແທນເວລາກໍຖືກເພີ່ມ ຈາກ 3 ນາທີ ເປັນ 6 ນາທີ.</p> <p>           ​ເຖິງແມ່ນໃນເກມນັ້ນ ຜູ້ຕັດສິນຈະບໍ່ໄລ່ ກວາດິໂອລ່າ ຂຶ້ນອັດສະຈັນ ແຕ່ມີຄວາມເປັນໄປໄດ້ສູງວ່າ ຜູ້​ຈັດການຂອງ ທີ​ມບາ​ເຢິນ ມິ​ວນິກ ຄົນນີ້ຈະຖືກສານ​ເຕະບານຂອງສະມາຄົມ​ເຕະບານເຢຍລະມັນ (ເດເອຟເບ) ຕັ້ງຂໍ້ຫາໃນທີ່ສຸດ ​ເຊິ່ງອາດ ຖືກຫ້າມຄຸມທີມຂ້າງສະໜາມ 1  ນັດ.</p>

ຂ່າວທີ່ກ່ຽວຂ້ອງ