ຂ່າວຫຼ້າສຸດ

ຟານ ເພີຊີ ຍິງໄລຍະຕໍ່ເວລາບາດເຈັບ ຊ່ວຍແມນຢູ ໄລ່ສະເໝີ ເຊວຊີ 1-1

857 27 ຕ.ລ. 2014 ນານາກີລາໂລກ
ຟານ ເພີຊີ ຍິງໄລຍະຕໍ່ເວລາບາດເຈັບ ຊ່ວຍແມນຢູ ໄລ່ສະເໝີ ເຊວຊີ 1-1

<p>         <strong>ແມນເຊສເຕີ ຢູໄນເຕັດ ລອດປະລາ​ໄຊຄາຖິ່ນແບບເຫຼືອເຊື່ອ ຫຼັງ ໂຣບິນ ຟານ ເພີຊີ່ ຍິງປະຕູ​ໄລຍະທົດແທນ ເວລາບາດເຈັບນາທີສຸດທ້າຍ ຊ່ວຍທີມໄລ່ສະ​ເໝີ ເຊວຊີ </strong><strong>1-1  ​ໃນ​ເກ​ມຍິ່ງ​ໃຫຍ່​ຂອງ ພຣີເມຍລີກ ເມື່ອຄືນວັນ​ອາທິດທີ 26 ຕຸລາ​ທີ່ຜ່ານມາ. </strong></p> <p>           ​ເຕະບານ ພຣີເມຍລີກ ອັງກິດ ຄູ່ຍິ່ງ​ໃຫຍ່ເມື່ອຄືນວັນ​ທີ 26 ຕຸລາທີ່ຜ່ານມາ ເແມນເຊສເຕີ ຢູໄນເຕັດ ເປິດຖິ່ນ ຮັບການມາຢາມຂອງເຊວຊີ ທີມອັນ​ດັບ 1 ຂອງ​ຕາຕະລາງ ໂດຍເກມນີ້ເຈ້ົາຖິ່ນບໍ່ມີ ເວນ ຣູນີ ທີ່ຕິດໂທດຫ້າມ​ລົງ​ສະໜາມ ແລະ ຣາດາເມວ ຟັນເກົາ ທີ່ມີອາການບາດເຈັບລະຫວ່າງ​ເຝິກຊ້ອມ ສ່ວນທີມຢາມ​ບໍ່ມີ 2 ກອງໜ້າຄົນສຳຄັນທັງ ດີເອໂກ ຄອສຕ້າ ແລະ ໂລອິກ ເຣມີ່ ທີ່ບາດເຈັບ ຕ້ອງສ່ົງ ດິດິເຢ ດຣັອກບາ ລົງເປັນກອງໜ້າຕົວເປ້ົາ ເລີ່ມ​ເຄິ່ງ​ເວລາ​ທໍາ​ອິດ ທັງຄູ່ ເປີດເກມບຸກ​ໃສ່ກັນຢ່າງສູສີ ແຕ່ຍັງ​ເຮັດ​ອັນ​ໃດກັນບໍ່ໄດ້ ສະເໝີກັນ 0-0.</p> <p>           ເລີ່ມ​ເຄິ່ງຫຼັງ ເປັນ ເຊວຊີ ທີ່ໄດ້ປະຕູນຳ 1-0 ໃນນາທີທີ່ 53 ຈາກຈັງຫວະເຕະມຸມທາງຊ້າຍ ເຊສ ຟາເບຣກາສ ​  ໂດ່​ງເຂ້ົາມາ ດຣັອກບາເອົາ​ຫົວ​ຕໍາ​ບານ​ເຂົ້າເສົາໜຶ່ງໄປ ເກມທຳທ່າວ່າຈະເປັນ ເຊວຊີ ທີ່ບຸກມາຄວ້າ​ໄຊ ແຕ່​ໄລຍະທົດ​ແທນ ເວລາບາດເຈັບ ທີມຢາມເຫຼືອ 10 ຄົນ ຫຼັງ ບຣານິສລາຟ ອິວາໂນວິຊ ​ໄດ້​ຮັບໃບເຫຼືອງແດງ ໄລ່ອອກຈາກສະໜາມ ແລະ ຈາກຈັງຫວະລູກ​ໂທດ​ນອກ​ເຂດ​ນີ້ ແມນຢູ ຕີສະເໝີໄດ້ສຳເລັດ ເມື່ອ ໂຣບິນ ຟານ ເພີຊີ່ ເກັບຕົກຈາກຈັງຫວະຊຸນລະມຸນ ໜ້າປະຕູ ຊັດ​ເຕັມຕາຂ່າຍ ຈົບເກມສະເໝີ 1-1 ແບ່ງໄປທີມລະຄະ​ແນນ ແມນຢູ ຫຼິ້ນໄປ 9 ນັດ ມີເພີ່ມເປັນ 13 ຄະແນນ ຢູ່ອັນດັບ 8 ຂອງຕາຕະລາງ ສ່ວນ ເຊວຊີ ຍັງເປັນທີມດຽວໃນລີກທີ່ຍັງບໍ່​ພ່າຍແພ້ໃຜ ໂດຍເກັບເພີ່ມເປັນ 23 ຄະແນນຈາກ 9 ນັດ ນຳເປັນອັນ​ດັບ 1 ຂອງ​ຕາຕະລາງ.</p>

ຂ່າວທີ່ກ່ຽວຂ້ອງ