ຣິວ ມາດຣິດ ບຸກຖະຫຼົ່ມ ລີເວີພູນຄາຖິ່ນ 3-0

704 23 ຕ.ລ. 2014 ນານາກີລາໂລກ
ຣິວ ມາດຣິດ ບຸກຖະຫຼົ່ມ ລີເວີພູນຄາຖິ່ນ 3-0

<p>         <strong>"ຣີວ ມາດຣິດ" ຟອມ​ເດັ່ນ ບຸກຊະນະ "ລີ​ເວີ​ພູນ" ຄາຖິ່ນ 3-0 ໃນ​ເຕະບານ ຢູຟ່າ ແຊັມປຽນລີກ ເມື່ອວັນພຸດ ທີ 22 ຕຸລາ ທີ່ຜ່ານມາ. </strong></p> <p>           ​ເຕະບານຢູຟ່າ ແຊມປຽນລີກ ຮອບແບ່ງກຸ່ມ ນັດທີ 3 ໃນກຸ່ມ B ເມື່ອວັນພຸດທີ່ຜ່ານມາ ລິເວີພູນ ເປີດສະໜາມ ແອນຟິວ ຕ້ອນຮັບການມາຢາມຂອງ ຣີວ ມາດຣິດ ທີມຍິ່ງໃຫຍ່ຈາກ​ແອັດ​ສະ​ປາຍ ຜົນການແຂ່ງຂັນປາກົດວ່າ ຣີວ ມາດຣິດ ທີ່ນຳທັບໂດຍ ຄຣິສເຕຍໂນ ໂຣນັນໂດ, ຄາຣິມ ເບນເຊມາ, ເຈມ ໂຣດຣິເກຊ, ລູກາ ໂມດຣິຊ ແລະ ໂທນີ ໂຄຣສ ບຸກມາໄລ່ຍິງ ລີ​ເວີ​ພູນ​ເສຍຂາດ​ລອຍຄາຖິ່ນ 3-0 ຖືເປັນຄວາມພ່າຍແພ້ຄາຖິ່ນແອນຟິວ ທີ່ຂາດ​ລອຍ​ທີ່ສຸດໃນລາຍການ ແຊມປຽນ ລີກ ໃນປະຫວັດສາດຂອງສະໂມສອນດັງແຫ່ງຖິ່ນເມີຊີໄຊ ສ່ວນ ຣີວ ມາດຣິດ ສ້າງສະຖິຕິໃໝ່ຂອງສະໂມສອນ ເຊ່ັນກັນ ຈາກການຊະນະຕິດຕໍ່ກັນ 7 ນັດຊ້ອນໃນລາຍການນີ້ ຜົນອີກໜຶ່ງຄູ່ໃນກຸ່ມນີ້ ລູໂດໂກເຣດ ຊະນະ ບາເຊິນ 1-0 .</p> <p>           ສະຫຼຸບຄະແນນໃນກຸ່ມນີ້ ຣີວ ມາດຣິດ ຊະນະ 3 ນັດຊ້ອນ ມີ 9 ຄະແນນເຕັມ ນຳໂດ່ງເປັນອັນ​ດັບ 1 ຂອງກຸ່ມ ຂະນະທີ່ ລູໂດໂກເຣດ, ລິເວີພູນ ແລະ ບາເຊິນ ຊະນະ 1 ​ເສຍ  2 ມີ 3 ຄະແນນເທ່ົາກັນ ແຕ່ ລູໂດໂກເຣດ ລູກໄດ້ເສຍດີສຸດ ລົບໜຶ່ງ ຄອງອັນດັບ 2, ລິເວີພູນ ລູກໄດ້ເສຍ ລົບ 3 ຄອງອັນດັບ 3, ບາເຊິນ ລູກໄດ້ເສຍ ລົບສີ່ ຄອງອັນ​ດັບ​ທ້າຍຂອງກຸ່ມ.</p> <p>           <strong>ຜົນໃນກຸ່ມອື່ນໆ ມີດັ່ງຕໍ່ໄປນີ້</strong></p> <p>           <strong>ກຸ່ມ </strong><strong>A</strong>ໂອລິມເປຍກອສ ຊະນະ ຢູເວນຕຸສ 1-0, ແອດເລຕິໂກ ມາດຣິດ ຊະນະ ມັນໂມ 5-0.</p> <p>           <strong>ກຸ່ມ </strong><strong>C</strong>ເລເວີຄູເຊນ ຊະນະ ເຊນິດ 2-0, ໂມນາໂກ ສະ​ເໝີ ເບນຟິກາ 0-0.</p> <p>           <strong>ກຸ່ມ </strong><strong>D</strong>ກາລາຕາຊາຣາຍ ​ເສຍ ດອດມຸນ 0-4, ອັນເດີເລຊ ​ເສຍ ອາເຊນອນ  1-2.</p>

ຂ່າວທີ່ກ່ຽວຂ້ອງ