ນັກຕີດອກປີກໄກ່ມື 1 ຂອງໂລກກວດສານກະຕຸ້ນບໍ່ຜ່ານ

648 23 ຕ.ລ. 2014 ນານາກີລາໂລກ
ນັກຕີດອກປີກໄກ່ມື 1 ຂອງໂລກກວດສານກະຕຸ້ນບໍ່ຜ່ານ

<p>         <strong>ລີ ຊອງ ເຫວີ່ຍ ນັກຕີ​ດອກ​ປີກ​ໄກ່ຊາຍດ່ຽວ ມືອັນດັບ </strong><strong>1 ຂອງໂລກ ຖືກກວດພົບສານກະຕຸ້ນ ໃນການແຂ່ງຂັນ ຕີ​ດອກ​ປີກ​ໄກ່ຊີງແຊັມໂລກທີ່ເດນມາກ ເມື່ອຕ້ົນເດືອນທີ່ຜ່ານມາ. </strong></p> <p>           ກ່ອນໜ້ານີ້ ລັດຖະມົນຕີກີລາຂອງມາເລເຊຍ ທ່ານ ໄຄລີ່ ຈາມາລຸດດິນ ໃຫ້ສໍາພາດຍອມຮັບວ່າ ມີນັກກີລາຕີ​ດອກ​ປີກ​ໄກ່ຖືກກວດພົບສານກະຕຸ້ນຈິງ ແຕ່ຍັງບໍ່ສາມາດເປີດເຜີຍລາຍຊື່ໄດ້ ເນື່ອງຈາກກຳລັງລໍຖ້າຢືນຢັນຜົນກວດຂັ້ນຕອນສຸດ ທ້າຍ ແຕ່ໄດ້ຕັ້ງຄະນະກໍາມະການສະເພາະກິດຂຶ້ນມາ ເພື່ອຕິດຕາມຄວາມຄືບໜ້າ ແລະ ຂໍ້ເທັດຈິງດັ່ງກ່າວ.</p> <p>           ຫຼ້າສຸດ ໜັງສືພິມ ເດິະ ສະຕາຣ໌ ໄດ້ລາຍງານວ່າ ລີ ຊອງ ເຫວ່ີຍ ນັກຕີ​ດອກ​ປີກ​ໄກ່ຊາວມາເລເຊຍ ຖືກສຸ່ມກວດປັດສາວະໃນການແຂ່ງຂັນຕີ​ດອກ​ປີກ​ໄກ່ຊີງແຊັມໂລກທີ່​ເມືອງໂຄເປນເຮເກນ ແລະ ພົບວ່າຜົນເປັນບວກ ແຕ່ນັກ ກີລາ​ຕີ​ດອກ​ປີກ​ໄກ່ ​ໄວ 32 ປີ ຍັງມີໂອກາດລອດພ້ົນຂໍ້ກ່າວຫານີ້ ເນື່ອງຈາກກຳລັງລໍຖ້າການຢືນຢັນຜົນການກວດຂັ້ນຕອນ ສຸດທ້າຍ ​ເຊິ່ງຄາດວ່າຈະຮູ້​ຜົນໃນ​ໄວໆນີ້.</p> <p>           ດ້ານສະຫະພັນດອກ​ປີກ​ໄກ່ໂລກ ປະຕິເສດທີ່ຈະສະແດງຄວາມຄິດເຫັນໃນເລື່ອງດັ່ງກ່າວ ເນື່ອງຈາກມີຄວາມ ຈຳເປັນເລື່ອງກົດລະບຽບບາງຢ່າງທີ່ຍັງບໍ່ສາມາດເປີດເຜີຍໄດ້ ຢ່າງ​ໃດ​ກໍຕາມ ທັງທ່ານ ໄຄລີ່ ແລະ ລີ ຊອງ ເຫວ່ີຍ ມີເວລາ ຈົນ​ເຖິງທ້າຍ​ອາທິດນີ້ ໃນການທີ່ຈະເຂ້ົາມາສະແດງຄວາມຄິດເຫັນ ແລະ ໃຫ້ລາຍລະອຽດເພີ່ມເຕີມ.</p> <p>           ກ່ອນໜ້ານີ້ ເຄີຍເກີດກໍລະນີນັກກີລາມາເລເຊຍໃຊ້ສານກະຕຸ້ນ ໃນການແຂ່ງຂັນກີລາອາ​ຊຽນເກມສ໌ ທີ່ເມືອງອິນ ຊອນຂອງ ສ ເກົາຫຼີ ເມື່ອເດືອນກ່ອນ ກໍລະນີທີ່ ໄທ ເຊ່ົາ ເຊິນ ນັກກີລາວູຊູຖືກຢຶດຫຼຽນ​ຄໍາ ຫຼັງຖືກກວດພົບວ່າໃຊ້ສານກະຕຸ້ນ ​ເຮັດໃຫ້ປະທານສະຫະພັນວູຊູຂອງມາເລເຊຍ ປະກາດລາອອກຈາກຕຳແໜ່ງ ເພື່ອສະແດງຄວາມຮັບຜິດຊອບ.</p>

ຂ່າວທີ່ກ່ຽວຂ້ອງ