ຂ່າວຫຼ້າສຸດ

ກອງເຊຍພາເລຊ ຊູປ້າຍດ່າເສດຖີຣັດເຊຍວ່າເປັນຕົວທຳລາຍວົງການເຕະບານ

572 20 ຕ.ລ. 2014 ນານາກີລາໂລກ
ກອງເຊຍພາເລຊ ຊູປ້າຍດ່າເສດຖີຣັດເຊຍວ່າເປັນຕົວທຳລາຍວົງການເຕະບານ

<p>         <strong>ກະທໍາ​ກັນແບບບໍ່ໄວ້ໜ້າ ເມື່ອກອງ​ເຊຍ​ບານກຸ່ມໜຶ່ງຂອງ ຄຣິສຕັນ ພາເລຊ ສະ​ແດງປ້າຍຂໍ້ຄວາມມຸ່ງເປ້ົາໂຈມຕີ ທ່ານ ໂຣມັນ ອັບບຣາໂມວິຊ ເຈ້ົາຂອງທີມເຊວຊີ ໃນເກມທີ່ທັງຄູ່ພົບກັນໃນເກມພຣີເມຍລີກ ທີ່ສະໜາມເຊວເຮິ​ສ ພາກ ເມື່ອຄືນວັນ​ອາທິດ​ທີ່​ຜ່ານ​ມາ ​ເຊິ່ງກອງ​ເຊຍ​ບານຂອງທີມເຈ້ົາຖິ່ນ ຊູປ້າຍທີ່ຂຽນຂໍ້ຄວາມ​ໄລຍະກ່ອນເກມລອນດອນ ດາບີ້ ໂດຍມີເນື້ອຫາໂຈມຕີເລື່ອງເງິນທຶນຈາກມະຫາເສດຖີຊາວຣັດເຊຍ ທີ່ນຳມາລົງທຶນກັບ​ເຊ​ວຊີຈົນແຂງແກ່ນວ່າເປັນ ເງິນທີ່ບໍ່ໃສສະອາດ.</strong></p> <p>           "ເງິນສົກກະປົກຂອງທ່ານ ໂຣມັນ ຄືໂຣກຮ້າຍທຳລາຍເກມ​ເຕະບານຂອງພວກເຮົາ" ຂໍ້ຄວາມ​ເທິງປ້າຍທີ່ກອງ​ເຊຍ​ບານຂອງ ຄຣິສຕັນ ພາເລຊ ຊູຂຶ້ນມາໃນສະໜາມ.</p> <p>           ທ່ານ ​ໂຣມັນ ອັບບຣາໂມວິຊ ເຂ້ົາມາຊື້​ກິດຈະການທີມເຊວຊີໃນປີ 2003 ແລະ ໃຊ້ເງິນໄປແລ້ວຫຼາຍຮ້ອຍ ລ້ານປອນ ຍົກເຄື່ອງທີມລະດັບສູງ​ສຸດ 10 ອັນ​ດັບຂອງລີກໃຫ້ກາຍເປັນທີມຕົວເກງແຊັມພຣີເມຍລີກໃນທຸກປີໄດ້.</p> <p>           ເຊວຊີໃນຍຸກທີ່ທ່ານ ອັບບຣາໂມວິຊເຂ້ົາມາ ປະສົບຄວາມສຳເລັດຄວ້າແຊັມ​ເກືອບທຸກລາຍການ ເລີ່ມຈາກປົດ ລັອກຄວ້າແຊັມລີກສູງສຸດໃນປີ 2005 ຫຼັງໄດ້ແຊັມຄັ້ງ​ທໍາ​ອິດ ແລະ ຄັ້ງ​ດຽວໃນປີ 1955 ກ່ອນຈະໄດ້ມາອີກ 2 ຄັ້ງໃນປີ 2006 ແລະ 2010.</p> <p>           ຂະນະດຽວກັນຍັງໄດ້ແຊັມ ເອຟເອ ຄັບ ​ເຖິງ 4 ສະ​ໄໝ, ລີກ ຄັບ 2 ສະ​ໄໝ ແລະ ແຊັມຂັນໃຫຍ່ທີ່ລໍຄອຍນານທີ່ສຸດ ຄື ແຊມປຽນ ລີກ ໃນປີ 2012 ແລະ ​ເຖິງແມ່ນຈະພາດຕົກຮອບແບ່ງກຸ່ມສຸດອັບອາຍໃນປີຖັດມາ ແຕ່ພວກເຂົາກັບລົງໄປຄວ້າ ແຊັມ​ເອີໂຣປ້າ ລີກ ມາຄອງໄດ້ອີກດ້ວຍ.</p>

ຂ່າວທີ່ກ່ຽວຂ້ອງ