"ພລາຕິນີ່"ບໍ່ເຫັນດີເອົາພາບມາສາຍຄືນເພື່ອຊ່ວຍໃນເກມເຕະບານ

571 16 ຕ.ລ. 2014 ນານາກີລາໂລກ
"ພລາຕິນີ່"ບໍ່ເຫັນດີເອົາພາບມາສາຍຄືນເພື່ອຊ່ວຍໃນເກມເຕະບານ

<p> <strong>        ທ່ານ</strong><strong>ມິເຊວ ພລາຕິນີ່ ປະທານສະຫະພັນ​ເຕະບານ​ເອີຣົບ ຫຼື ຢູຟ່າ ຍັງຄົງສະແດງເຈຕະນາລົມຊັດເຈນ ຫຼັງບອກ ວ່າເຂົາບໍ່ເຫັນດີກັບການໃຊ້ພາບວີ​ດີ​ໂອ​ມາສາຍ​ຄືນ​ເພື່ອຊ່ວຍຜູ້ຕັດສິນໃຈເກມ​ເຕະບານ.</strong></p> <p>         ກ່ອນໜ້ານີ້ ທ່ານ ຄາໂລ ຕາເວັກຄິໂອ ປະທານ​ສະຫະພັນ​ເຕະບານຂອງອິຕາລີ ໄດ້ຍື່ນອຸທອນຕໍ່ຟີຟ່າ ສອບຖາມ ເລື່ອງການນຳພາບສາຍ​ຄືນມາໃຊ້ໃນເກມເຊເຣຍ ອາ ໃນລະດູການໜ້າເປັນຕົ້ນໄປ.</p> <p>           ແຕ່ ທ່ານ ມິ​ເຊ​ວ ພລາຕິນີ່ ກໍເຊື່ອວ່າການນຳພາບຢ້ອນ​ຫຼັງມາໃຊ້ຄືການທຳລາຍເກມກີລາໄປ.</p> <p>           "ໃນບັນດາຕົວຮ້າຍທັງໝົດ ພາບຊ້າແບບສາຍ​ຊໍ້າ​ຄືນໃນເກມ​ເຕະບານ ອາດເປັນຫາຍະນະເລີຍກໍວ່າໄດ້" ທ່ານ ມິ​ເຊ​ວ ພລາຕິນີ່ ກ່າວກັບ ANSA.</p> <p>           "ທຸກສິ່ງເຫຼົ່ານີ້ອາດ​ເຮັດໃຫ້ຄວາມລື່ນໄຫຼຂອງເກມຕ້ອງຢຸດຊະງັກລົງ ສະນັ້ນຄົງບໍ່​​ແມ່ນເລື່ອງດີສຳລັບອະນາຄົດແນ່ ນອນ".</p> <p>           "ແຕ່ນັ້ນເປັນການຕັດສິນໃຈຂອງອົງການ​ບໍລິຫານຂອງຟີຟ່າ ບໍ່​ແມ່ນ ຕາເວັກຄິໂອ ຫຼືຕົວຂ້ອຍ ​ແລະ ຂ້ອຍຫວັງ ວ່າຈະບໍ່ມີໃຜຄິດນຳມັນມາໃຊ້ໃນເກມ​ເຕະບານ".</p>

ຂ່າວທີ່ກ່ຽວຂ້ອງ