ຂ່າວຫຼ້າສຸດ

ຢູຟ່າລົງໂທດແຊກບີ 3 ຂໍ້ຫາ-ປັບອານບານີເສຍ 0-3

743 16 ຕ.ລ. 2014 ນານາກີລາໂລກ
ຢູຟ່າລົງໂທດແຊກບີ 3 ຂໍ້ຫາ-ປັບອານບານີເສຍ 0-3

<p>         <strong>ຢູຟ່າ ປະກາດບົດລົງໂທດເກມບັນຫາ ​ແຊກ​ບີ - ອານ​ບາ​ນີ ພ້ອມຈັບກຸມຕົວກໍ່ເຫດປ່ອຍ ໂດຣນ ຕົ້ນເຫດ​ປັ່ນປ່ວນ ໃນເກມ ຄັດ​ເອີໂຣ </strong><strong>2016 ​ເມື່ອວັນທີ 14 ຕຸລາທີ່ຜ່ານມາ.</strong></p> <p>          ສະຫະພັນ​ເຕະບານ​ເອີຣົບ ຫຼື "ຢູຟ່າ" ໄດ້ທຳການປະກາດຂໍ້ຫາແກ່ ສະມາຄົມ​ເຕະບານ​ແຊກ​ບີ ແລະ ສະມາຄົມ ​ເຕະບານອານ​ບາ​ນີ ຫຼັງເກມການແຂ່ງຂັນຂອງທັງຄູ່ໃນ​ເຕະບານ ​ເອີໂຣ 2016 ຮອບຄັດເລືອກ ເມື່ອຄືນວັນອັງຄານທີ 14 ຕຸລາທີ່ຜ່ານມາ ຕ້ອງຖືກຍົກເລີກຫຼັງເກີດເຫດຄວາມວຸ່ນວາຍ ໂດຍຝ່າຍເຈົ້າຖິ່ນຖືກ 3 ຂໍ້ຫາ ໄດ້ແກ່ ການດູແລເກມການ ແຂ່ງຂັນໄດ້ຢ່າງຕົກ​ຕໍ່າ, ປ່ອຍໃຫ້ມີການ​ແກວ່ງສິ່ງຂອງເຂ້ົາມາໃນສະໜາມ ລວມ​ເຖິງ ບໍ່ສາມາດຄວບຄຸມກອງ​ເຊຍ​ບານ​ບໍ່ໃຫ້​ແລ່ນເຂ້ົາມາໃນສະໜາມໄດ້ ໃນຂະນະທີ່ຝ່າຍ ອານ​ຊີ​ເຣ ຖືກ 2 ຂໍ້ຫາ ຈາກການທີ່ມີປ້າຍຂໍ້ຄວາມສະແດງຄວາມເຫັນ ກ່ຽວກັບເລື່ອງການເມືອງ ລວມ​ເຖິງເລື່ອງທີ່ນັກເຕະໃນທີມປະຕິເສດທີ່ຈະທຳການແຂ່ງຂັນຕໍ່ ​ເຊິ່ງໃນຂໍ້ຫາຫຼັງອາດເປັນສາ ເຫດສຳຄັນທີ່​ເຮັດໃຫ້ພວກເຂົາຕ້ອງຖືກທາງ "ຢູຟ່າ" ບັງຄັບໃຫ້ເປັນຝ່າຍພ່າຍແພ້ໂດຍອັດຕະໂນມັດດ້ວຍປະຕູ 0-3 ນອກ ຈາກນີ້ສື່ຍັງລາຍງານເພີ່ມເຕີມວ່າ ທາງເຈ້ົາໜ້າທີ່ຕຳຫຼວດ​ໄດ້ທຳການຈັບກຸມ ໂອນຊີ່ ຣາມ່າ ນ້ອງຊາຍຂອງ ອີດີ້ ຣາມ່າ ນາຍົກລັດຖະມົນຕີຂອງອານ​ບາ​ນີ ໄປສອບສວນ ເນື່ອງຈາກມີຂ່າວລືວ່າເຂົາເປັນຄົນບັງຄັບ ໂດຣນ ເຮື​ອບິນນ້ອຍໄຮ້ຄົນຂັບ ທີ່ມີປ້າຍສະແດງຂໍ້ຄວາມດ້ານການເມືອງ ລະຫວ່າງທີ່ຜູ້ກ່ຽວຮັບຊົມເກມການແຂ່ງຂັນຢູ່ຂ້າງສະໜາມ ​ເທິງ​ເຂດ ວີໄອພີ.</p> <p>           ສຳລັບສະຖານະການໃນ​ເວທີ ຄັດ​ເອີໂຣ 2016 ຂອງກຸ່ມ Iອານ​ບາ​ນີ ນຳ​ເປັນອັນ​ດັບ 1 ຂອງ​ກຸ່ມ ລົງເຕະ 2 ນັດມີ 4 ຄະ​ແນນເທ່ົາກັບ ​ເດນ​ມາກທີ່ລົງເຕະໄປ 3 ນັດ ແຕ່ປະຕູໄດ້ເສຍ ອານ​ບາ​ນີດີກວ່າ ສ່ວນ ​ແຊກ​ບີ ເເຂ່ງ 2 ນັດ ມີ 1 ຄະ​ແນນ ຢູ່ທີ່ 4.</p>

ຂ່າວທີ່ກ່ຽວຂ້ອງ