ຢູຟ່າ ຢືນຢັນປີໜ້າປັບກົດທີມວາງຄືນໃໝ່

630 13 ຕ.ລ. 2014 ນານາກີລາໂລກ
ຢູຟ່າ ຢືນຢັນປີໜ້າປັບກົດທີມວາງຄືນໃໝ່

<p>           <strong>"ຢູຟ່າ" ຢືນຢັນ ກຽມເລີ່ມໃຊ້ລະບົບທີມວາງໃໝ່ໃນ​ເຕະບານຊີງ​ຂັນ​ເອີຣົບປີໜ້າ ໃຫ້ແຊມລີກ 7 ຊາດດັງ ລວມກັບ ທີມແຊມເກ່ົາ ມີຊື່ຢູ່ໃນໂຖທີມວາງ.</strong></p> <p>         ສະຫະພັນ​ເຕະບານ​ເອີຣົບ ຫຼື "ຢູຟ່າ" ເປີດເຜີຍວ່າ ໃນການຈັບສະຫຼາກຮອບແບ່ງກຸ່ມ​ເຕະບານ ຢູຟ່າ ແຊມປຽນ ລີກ ລະດູການ 2015-2016 ມີໂອກາດສູງທີ່ພວກເຂົາຈະເລີ່ມໃຊ້ລະບົບທີມວາງໃໝ່ ໂດຍຈະໃຫ້ແຊມລີກຈາກ 7 ຊາດຊັ້ນ​ແນວ​ໜ້າຂອງທະວີບ ​ເຊິ່ງປະກອບໄປດ້ວຍ ​ແອັດ​ສະ​ປາຍ, ອັງກິດ, ເຢຍລະມັນ, ປອກຕຸຍການ, ອິຕາລີ, ຣັດເຊຍ ແລະ ຝຣັ່ງ ໄດ້ມີຊື່ຕິດໂຖ 1 ໂດຍອັດຕະໂນມັດ ສ່ວນບ່ອນຫວ່າງອີກ 1 ຕຳແໜ່ງນັ້ນ ຈະຖືກມອບໃຫ້ກັບທີມແຊມເກ່ົາ. </p> <p>           ຖະແຫຼງການຈາກ "ຢູຟ່າ" ລະບຸວ່າ "ທາງຄະນະກໍາມະການຂອງທີມສະໂມສອນ​ເອີຣົບ ໄດ້ຍື່ນເລື່ອງແນະນຳໃຫ້ ຄະນະກໍາມະການຂອງຢູຟ່າ ທຳການປ່ຽນແປງໂຄງສ້າງຂອງອັນດັບທີມວາງໃນການແຂ່ງຂັນຮອບແບ່ງກຸ່ມຂອງ ຢູຟ່າ ແຊມ ປຽນ ລີກ ​ເຊິ່ງທີມແຊມ ຢູຟ່າ ແຊມປຽນ ລີກ ທີມຫຼ້າສຸດ ຈະມີຊື່ຕິດໂຜທີມວາງໂດຍອັດຕະໂນມັດ ຮ່ວມກັບອີກ 7 ທີມແຊມ ລີກຂອງປະເທດທີ່ສ້າງຜົນງານລະດັບສະໂມສອນໄດ້ດີທີ່ສຸດ ຈາກການຈັດອັນດັບຂອງ ຢູຟ່າ ​ເຊິ່ງຂໍ້ສະ​ເໜີນີ້ຈະຖືກນຳເຂົ້າທີ່ ປະຊຸມຄັ້ງຕໍ່ໄປຂອງຄະນະກໍາມະການ ຢູຟ່າ"</p> <p>           ສຳລັບແນວຄວາມຄິດດັ່ງກ່າວຖືກ​ເວົ້າ​ເຖິງຫຼາຍ ຫຼັງຜົນການຈັບສະຫຼາກຮອບແບ່ງກຸ່ມຄັ້ງຫຼ້າສຸດ ມີປະເດັນໃຫ້ກ່າວ​ ເຖິງຫຼາຍຢ່າງເຊ່ັນ ໃນກຸ່ມ Aທີ່ ຢູເວນຕຸສ ແຊມ ກັນໂຊ່ ເຊເຣຍ ອາ ແລະ ແອດເລຕິໂກ ມາດຣິດ ແຊມລາ ລີກາ ​ແອັດ​ສະ​ປາຍ ຕ້ອງມາຢູ່ກຸ່ມດຽວກັນ ລວມ​ເຖິງ ແມນເຊສເຕີ ຊິຕີ ແຊມພຣີເມຍລີກ ແຕ່ກັບບໍ່ມີຊື່ຕິດໂຜທີມວາງອັນດັບ 1 ​ເຮັດໃຫ້​ແມນ​ເຊ​ສ​ເຕີ ຊີ​ຕີ ຕ້ອງມາຢູ່ໃນສາຍແຂງ ຢູ່ກຸ່ມດຽວກັບ ບາເຢິນ ມິວນິກ ແລະ ໂຣມ່າ ເປັນຕົ້ນ.</p>

ຂ່າວທີ່ກ່ຽວຂ້ອງ