ຂ່າວຫຼ້າສຸດ

"ເຟເດີເຣີ" ຄອງແຊມ ຊ່ຽງໄຮ້ ຂຶ້ນມື 2 ໂລກ

597 13 ຕ.ລ. 2014 ນານາກີລາໂລກ
"ເຟເດີເຣີ" ຄອງແຊມ ຊ່ຽງໄຮ້ ຂຶ້ນມື 2 ໂລກ

<p> <strong>ໂຣເຈີ ເຟເດີເຣີ ນັກເທນນິສມື </strong><strong>3 ຂອງໂລກຊາວສວິດ ເອົາຊະນະ ຈິວ ຊິມົງ ຈາກຝຣັ່ງ 2-0 ເຊດ ຄອງແຊັມ "ຊ່ຽງໄຮ້ ໂຣເລັກ ມາສເຕີ" ທີ່ ສປ ຈີນ ເມື່ອວັນອາທິດທີ 12 ຕຸລາ 2014 ພ້ອມກັບຫຍັບຂຶ້ນໄປເປັນມື 2 ຂອງໂລກ ຈາກການຈັດອັນດັບຂອງ ເອທີພີ ທົວ ອາທິດ​ໜ້າ. </strong></p> <p>           ການ​ແຂ່ງຂັນເທນນິສ ເອທີພີ ທົວ ລະດັບ ມາສເຕີ 1000 ລາຍການ <strong>"ຊ່ຽງ​ໄຮ້ ໂຣເລັກ ມາສເຕີ"</strong> ຊີງເງິນລາງວັນ ລວມ 4,1 ລ້ານ​ໂດ​ລາ​ສະຫະລັດ ທີ່ ສປ ຈີນ ເມື່ອວັນອາທິດທີ 12 ຕຸລາ 2014 ເປັນການແຂ່ງຂັນຮອບຊີງຊະນະເລີດ ປະເພດຊາຍດ່ຽວ ໂຣເຈີ ເຟເດີເຣີ ມື 3 ຂອງໂລກຈາກສວິດ ພົບ ຈິວ ຊິມົງ ຈາກຝຣັ່ງ.</p> <p>           ເຊດທໍາ​ອິດ ເຟເດີເຣີ ​ເສຍໄປກ່ອນ ແຕ່ວ່າເກມທີ 10 ເບຣກຄືນຕີສະ​ເໝີ 5-5 ຖັດມາເກມທີ 12 ຊິມົງ ຖືກ 2 ເບຣກພອຍ ​ເຊິ່ງເປັນ 2 ເຊດພອຍ ແຕ່ເອົາຕົວລອດໄປໄດ້ ຕ້ອງຕັດສິນກັນດ້ວຍໄທເບຣກ ປາກົດວ່ານັກເທນນິສ​ໄວ 33 ປີຊະນະໄປກ່ອນ 7-6(8/6) ເຂົ້າສູ່ເຊດທີ 2 ເກມຍັງກ້ຳ​ເກິ່ງສູສີ ຕ້ອງສູ້ກັນ​ເຖິງໄທເບຣກ ​ເຊິ່ງເປັນແຊມ 17 ແກຣນສະແລມ ຊະນະໄປອີກ 7-6(7/2).</p> <p>           ​ເຮັດໃຫ້ ເຟເດີເຣີ ຊະນະ ຊິມົງ 2-0 ເຊດ 7-6(8/6), 7-6(7/2) ຖືເປັນແຊມລຳດັບທີ 81 ໃນຊີວິດຂອງອະດີດມື 1 ຂອງໂລກ ໂດຍກ່າວວ່າ "ຂ້ອຍ​ຮູ້ສຶກວ່າຕົນເອງມີໂຊກກັບລາຍການນີ້ ເພາະລອດແມດພອຍຕັ້ງແຕ່ຮອບ 2 ປີໜ້າຂ້ອຍຈະ ກັບມາແນ່ນອນ ເພາະຫຼິ້ນທີ່ນີ່ຕັ້ງແຕ່ປີ 2002 ຕອນຍັງເປັນ ມາສເຕີ ຄັບ ສ່ວນຄາວນີ້ເໝືອນເຕີມຝັນໃຫ້ສົມບູນແບບ ເພາະປ່ຽນເປັນ ມາສເຕີ 1000\".</p>

ຂ່າວທີ່ກ່ຽວຂ້ອງ