ຂ່າວຫຼ້າສຸດ

FA ສົ່ງ ເດວິດ ກິວ ຊີງຕຳແໜ່ງຮອງປະທານຟີຟ່າ

650 08 ຕ.ລ. 2014 ນານາກີລາໂລກ
FA ສົ່ງ ເດວິດ ກິວ ຊີງຕຳແໜ່ງຮອງປະທານຟີຟ່າ

<p>           <strong>ສະມາຄົມ​ເຕະບານ​ອັງກິດ (</strong><strong>FA) ມີມະຕິສ່ົງ ທ່ານ ເດວິດ ກິວ ອະດີດປະທານບໍລິຫານ ແມນເຊສເຕີ ຢູໄນເຕັດ ລົງເລືອກຕັ້ງເພື່ອເປັນຮອງປະທານ ຟີຟ່າ ໂດຍ ທ່ານ ເດວິດ ກິວ ໝັ້ນໃຈວ່າ ຫາກໄດ້ຮັບເລືອກ ຕົນກໍຈະສ້າງປະໂຫຍດ ໃຫ້ວົງການນີ້ໄດ້ແນ່ນອນ.</strong></p> <p> <strong>        ທ່ານ </strong>ເດວິດ ກິວ ອະດີດປະທານບໍລິຫານຂອງ ແມນເຊສເຕີ ຢູໄນເຕັດ ສະໂມສອນຍິ່ງໃຫຍ່ແຫ່ງວົງການ ພຣີເມຍ ລີກ ອັງກິດ ໄດ້ຮັບການສະເໜີຊື່ຈາກສະມາຄົມເຕະບານອັງກິດ ໃຫ້ເປັນຕົວແທນຂອງພວກເຂົາທີ່ຈະລົງຮັບສະໝັກຊີງຕຳ ແໜ່ງຮອງປະທານສະຫະພັນເຕະບານນານາຊາດ (ຟີຟ່າ) ທີ່ມາຈາກສະຫະລາຊະອານາຈັກ. </p> <p>           ທ່ານ ​ເດ​ວິດ ກິວ ​ເຊິ່ງຕອນນີ້ດຳລົງຕຳແໜ່ງຮອງປະທານ <strong>FA</strong>ຢູ່ນັ້ນ ເຂົ້າເປັນສ່ວນໜຶ່ງຂອງຄະນະກໍາມະການຜູ້ບໍລິ ຫານຂອງ ຢູຟ່າ ເມື່ອ​ໄລຍະເດືອນມີນາປີກ່ອນ ​ເຊິ່ງຫຼັງຈາກທີ່ ຟີຟ່າ ຫາ​ກໍມີການປະຕິຮູບອົງກອນ ​ເຮັດໃຫ້ສະມາຊິກຂອງ ຢູຟ່າ ຈະເລືອກຮອງປະທານຂອງພວກເຂົາຂຶ້ນມາໜຶ່ງຄົນ ຈາກລາຍ​ຊື່​ຜູ້​ລົງ​ສະໝັກທີ່ 4 ສະມາຄົມ​ເຕະບານໃນເຄືອສະຫະ ລາຊະອານາຈັກ (ປະກອບດ້ວຍຂອງ ອັງກິດ, ສະກັອດແລນ, ເວວ ແລະ ອຽກລັງເໜືອ) ຈະສະ​ເໜີຂຶ້ນມາສະມາຄົມລະ 1 ຄົນ.</p> <p>           ທັງນີ້ ສະມາຄົມ​ເຕະບານອັງກິດເລືອກທ່ານ ​ເດ​ວິດ ກິວ ໃຫ້ລົງຊີງຕຳແໜ່ງດັ່ງກ່າວ ແລະ ຫາກໄດ້ຮັບການເລືອກ ເຂົາກໍຈະເຂ້ົາໄປ​ເຮັດ​ໜ້າທີ່ແທນທ່ານ ຈິມ ບອຍ ຕົວແທນຂອງ ອຽກລັງ​ເໜືອ ທີ່ຈະກ້າວລົງຈາກຕຳແໜ່ງດັ່ງກ່າວໃນງານ ປະຊຸມຂອງຟີຟ່າ ທີ່ນະຄອນຊູຣິກ ປະເທດສວິດ ໃນ​ໄລຍະເດືອນພຶດສະພາປີໜ້າ ຫຼັງຈາກທີ່ ທ່ານ ຈິ​ມ ບອຍ ຢູ່ໃນຕຳແໜ່ງ ມາແລ້ວ 4 ປີ.</p> <p>           ດ້ານທ່ານ ​ເດ​ວິດ ກິວ ສະແດງຄວາມເຊື່ອໝັ້ນວ່າ ຫາກຕົນໄດ້ຮັບເລືອກແລ້ວນັ້ນ ຕົນກໍຈະສາມາດສ້າງປະໂຫຍດ ໃຫ້ວົງການ​ເຕະບານໄດ້ "ຂ້ອຍຄິດ​ເຖິງການຕັດສິນໃຈແບບນີ້ມາໄດ້​ໄລຍະ​ໜຶ່ງແລ້ວ ​ເຖິງແມ່ນຕອນທໍາ​ອິດ​ຂ້ອຍຈະຢາກໃຫ້ ສະມາທິກັບການພັດທະນາບົດບາດໃໝ່ຂອງຂ້ອຍໃນຢູຟ່າ ແຕ່ຂ້ອຍເຊື່ອວ່າຫາກໄດ້ຮັບເລືອກ ຂ້ອຍ​ກໍມີໂອກາດທີ່ຈະໃຊ້ຕຳ ແໜ່ງຂອງ ຟີຟ່າ ໃນການສ້າງຄວາມແຕກຕ່າງ ພ້ອມກັບ​ເຮັດ​ວຽກທີ່ດຳເນີນຢູ່ໃຫ້ສົມບູນໄດ້"<br />           "ຫຼັງໄດ້ສອບຖາມຜູ້ຄົນໃນວົງການ​ເຕະບານ ລວມ​ເຖິງເພື່ອນອົງການບໍລິຫານທັງທີ່ ແມນເຊສເຕີ ຢູໄນເຕັດ, <strong>FA</strong>ແລະ ຢູຟ່າ ແລ້ວນັ້ນ ຂ້ອຍກໍຫວັງທີ່ຈະ​ເຮັດຜົນງານໃຫ້ດີ ແລະ ໃຊ້ການສະໝັກຂອງຂ້ອຍໃນການຍູ້ດັນການພິຈາລະນາເພື່ອ ໃຫ້ມີການປະຕິຮູບອົງກອນຕໍ່ໄປ" ອະດີດຜູ້ບໍລິຫານຣະດັບສູງຂອງແມນ​ຢູ ລະບຸ.</p>

ຂ່າວທີ່ກ່ຽວຂ້ອງ