ຂ່າວຫຼ້າສຸດ

ໂຣນັນໂດ ສ້າງສະຖິຕິຍິງ 3 ປະຕູສູງສຸດໃນລາລີກາ

619 08 ຕ.ລ. 2014 ນານາກີລາໂລກ
ໂຣນັນໂດ ສ້າງສະຖິຕິຍິງ 3 ປະຕູສູງສຸດໃນລາລີກາ

<p>           <strong>ດາວ​ດັງຊາວປອກຕຸຍ​ການ ຂອງຣິວ ມາດຣິດ “ໂຣນັນໂດ” ຍິງ 3 ປະຕູໄດ້ຫຼາຍທີ່ສຸດໃນລີກສູງສຸດຂອງ​ແອັດ​ສະ​ປາຍ ຄຽງຂ້າງອີກ </strong><strong>2 ຕຳນານດາວຍິງ ຫຼັງຍິງປະຕູຄັ້ງທີ 22 ໃນເກມທີ່ ຣິວ ມາດຣິດ ເປິດຖິ່ນຖະຫຼົ່ມ ແອດເລຕິກ ບິວເບົາ 5-0 ເມື່ອວັນອາທິດທີ່ຜ່ານມາ.</strong></p> <p>         ຄຣິສເຕຍໂນ ໂຣນັນໂດ ດາວ​ດັງຂອງສະໂມສອນ ຣິວ ມາດຣິດ ທີ​ມຍິ່ງໃຫຍ່ແຫ່ງ​ເວທີລາລີກາ ​ແອັດ​ສະ​ປາຍ ກາຍ ເປັນນັກເຕະທີ່ຍິງ 3 ປະຕູໄດ້ຫຼາຍທີ່ສຸດໃນປະຫວັ​ດສາດຂອງລີກສູງສຸດ​ແອັດ​ສະ​ປາຍ ຄຽງຂ້າງກັບ ອັນເຟຣໂດ ດິ ສະເຕຟາ ໂນ ແລະ ເທວໂມ ຊາຣາ ອະດີດນັກ​ເຕະ​ລະດັບຕຳນານຂອງວົງການ​ເຕະບານ​ແອັດ​ສະ​ປາຍ ທີ່ຈຳນວນ 22 ຄັ້ງ ຫຼັງຜູ້ກ່ຽວ ຫາ​ກໍເໝົາຄົນດຽວ 3 ປະຕູ ໃນເກມທີ່ ຣິວ ມາດຣິດ ເປິດຖິ່ນຖະຫຼົ່ມ ແອດເລຕິກ ບິວເບົາ ຄູ່ແຂ່ງຮ່ວມລີກໄປຂາດ​ລອຍ 5-0 ປະຕູ ເມື່ອວັນອາທິດທີ 5 ຕຸລາທີ່ຜ່ານມາ. </p> <p>           ສູນໜ້າທີມຊາດປອກຕຸຍ​ການ ​ໄວ 29 ປີ ຍິງ​ປະຕູໃຫ້ກັບທີ​ມ ຣິວ ມາດຣິດ ໄປແລ້ວ​ເຖິງ 269 ປະຕູ ຈາກການ ລົງຫຼິ້ນພຽງແຕ່ 257 ເກມເທ່ົານັ້ນ ນັບຕັ້ງແຕ່ຍ້າຍຈາກແມນເຊສເຕີ ຢູໄນເຕັດ ມາເມື່ອ 5 ປີກ່ອນ ດ້ວຍຄ່າຕົວເປັນສະຖິຕິ ໂລກໃນເວລານັ້ນທີ່ 80 ລ້ານປອນ ​ເຊິ່ງໃນລະດູການນີ້ຜູ້ກ່ຽວ​ຍັງຄົງຮັກສາຟອມການຖະຫຼົ່ມປະຕູເອົາໄວ້ໄດ້ ໂດຍຍິງໄປແລ້ວ 17 ປະຕູ ຈາກການລົງຫຼິ້ນ 11 ເກມ ແລະ ເປັນການ​ຍິງ 3 ປະຕູ​ເປັນ 3 ຄັ້ງດ້ວຍກັນ.</p> <p>           <strong> ອັນດັບນັກເຕະທີ່ຍິງ 3 ປະຕູໄດ້ສູງສຸດຕະຫຼອດການໃນ ລາລີກາ ​ແອັດ​ສະ​ປາຍ</strong></p> <p>           1. ຄຣິສເຕຍໂນ ໂຣນັນໂດ (ຣິວ ມາດຣິດ) 22 ຄັ້ງ.<br />           2. ອັນເຟຣໂດ ດິ ສະເຕຟາໂນ (ຣິວ ມາດຣິດ, ເອສປັນຢອນ) 22 ຄັ້ງ.</p> <p>           3. ເທວໂມ ຊາຣາ (ແອດ​ເລ​ຕິກ ບິວເບົາ) 22 ຄັ້ງ.</p> <p>           4. ເອັດມຸນໂດ ຊົວເຣຊ (ບາເລນເຊຍ) 19 ຄັ້ງ.</p> <p>           5. ລິໂອເນວ ເມສຊີ (ບາເຊໂລນ່າ) 19 ຄັ້ງ.</p>

ຂ່າວທີ່ກ່ຽວຂ້ອງ