ຂ່າວຫຼ້າສຸດ

ຟ້າຍັງມີຕາ ! ໂອລິມປິກອາຊີ ບໍ່ລົງໂທດນັກມວຍສາວອິນເດຍ ກໍລະນີບໍ່ຮັບຫຼຽນ

612 08 ຕ.ລ. 2014 ນານາກີລາໂລກ
ຟ້າຍັງມີຕາ ! ໂອລິມປິກອາຊີ ບໍ່ລົງໂທດນັກມວຍສາວອິນເດຍ ກໍລະນີບໍ່ຮັບຫຼຽນ

<p>         <strong>ຍັງຖືວ່າຟ້າມີຕາຢູ່ ເມື່ອຄະນະກໍາມະການໂອລິມປິກອາຊີ (</strong><strong>OCA) ມີມະຕິວ່າຈະບໍ່ລົງໂທດ "ສາຣິຕາ ເທວີ" ນັກມວຍ​ເພດຍິງຈາກອິນເດຍ ຈາກເຫດການບໍ່​ຍອມຮັບຫຼຽນ​ລາງວັນ. </strong></p> <p>           ຕົກເປັນກະແສໃນວົງການກີລາໂລກ ກັບເຫດການລະຫວ່າງພິທີຮັບຫຼຽນລາງວັນມວຍສາກົນສະໝັກ​ຫຼິ້ນ ໃນກີລາ ອາ​ຊຽນເກມສ໌ ຄັ້ງທີ 17 "ອິນຊອນເກມສ໌" ທີ່ ສາຣິຕາ ເທວີ ນັກ​ມວຍສາວອິນເດຍ ຮຸ່ນ 60 ກິ​ໂລກຣາມ ບໍ່​ຍອມຮັບຫຼຽນ ທອງ ພ້ອມກັບນຳໄປໃຫ້ນັກຊົກສາວເຈົ້າພາບ ເຊິ່ງປະຊົດປະຊັນ ເພາະ​ເຫັນວ່າຕົວເອງຖືກປຸ້ນ​ໄຊຊະນະໃນຮອບຮອງຊະນະ ເລີດ ທັງທີ່ຕົວເອງເປັນຕົວ​ເກງຂອງຮຸ່ນນີ້ ແລະ ຊົກໄດ້ດີກວ່າໃນນັດ​ຮອບຮອງ ທີ່ເຂົາ​ເສຍຄະແນນນັກຊົກເຈົ້າພາບ.</p> <p>           ກ່ອນຫນ້ານີ້ມີກະແສອອກມາວ່າ ສະຫະພັນກີລາມວຍສາກົນສະໝັກ​ຫຼິ້ນນານາຊາດ (AIBA) ໄດ້ສ່ົງເລື່ອງໃຫ້ ຄະນະກໍາມະການໂອລິມປິກເອເຊຍ (OCA) ລົງໂທດ​ເຂົາ ກັບພຶດຕິ​ກໍາທີ່ບໍ່ເໝາະສົມ ພ້ອມກັບຢຶດຫຼຽນທອງຄືນ ແຕ່ວ່າຫຼ້າ ສຸດ OCA ໄດ້ທຳການຫາລືໃນເລື່ອງນີ້ເປັນການດ່ວນ ພ້ອມກັບມີມະຕິອອກມາແລ້ວວ່າ ສາຣິຕາ ເທວີ ບໍ່ມີຄວາມຜິດໃນສິ່ງ ທີ່​ເຮັດ​ລົງໄປ ເພາະພຽງແຕ່ເກີດຈາກຄວາມຮູ້ສຶກນ້ອຍໃຈໃນການຕັດສິນທີ່ໄຮ້ຄວາມຍຸຕິທໍາເທ່ົານັ້ນ ​ເຊິ່ງກອງ​ປະຊຸມມີມະຕິ ຄືນຫຼຽນ​ລາງວັນໃຫ້ເຂົາແລ້ວ.</p> <p>           ສ່ວນປະເດັນທີ່ ສະຫະພັນກີລາມວຍສາກົນສະໝັກ​ຫຼິ້ນນານາຊາດ ຫຼື AIBAຈະລົງໂທດ ເທວີ ​ເຖິງຂັ້ນລົງ​ໂທດຫ້າມຂຶ້ນຊົກ ຫຼ້າສຸດ ອາດີວ ສຸມາຣີວັນລາ ຫັວໜ້າຄະນະນັກກີລາອິນເດຍ ໄດ້ອອກມາປົກປ້ອງນັກກີລາຂອງຕົວເອງ ແລ້ວ ພ້ອມຢືນຢັນວ່າຈະສະໜັບສະໜູນນັກ​ມວຍ​ຊາວອິນ​ເດຍ ໃຫ້​ເຖິງທີ່ສຸດເຊ່ັນກັນ.</p> <p>           ທັງນີ້ AIBAຖືກວິພາກວິຈານມາຢ່າງໜັກ ຕັ້ງແຕ່​ໄລຍະໂອລິມປິກເກມສ໌ ປີ 2008 ທີ່ນະຄອນຫຼວງປັກກິ່ງ ປະເທດ ຈີນ ຕໍ່ມາ​ເຖິງໂອລິມປິກເກມສ໌ ປີ 2012 ທີ່ລອນດອນ ປະເທດອັງກິດ ໂດຍສະເພາະຢ່າງຍິ່ງ ກໍລະ​ນີຂອງ ແກ້ວ ພົງປະຢູນ ນັກຊົກໄທ ທີ່​ເສຍ​ໄຊຕໍ່ ຊູ ຊິ ໝິງ ໃນຮອບຊີງຫຼຽນ ຖືກວິຈານຢ່າງໜັກ.</p> <p>           ທັງນີ້ກໍເນື່ອງດ້ວຍການຕັດສິນທີ່ບໍ່ໂປ່ງໃສປານ​ໃດ ລວມໄປ​ເຖິງຫຼ້າສຸດ ການເຊົາໃຊ້ເຮດກາດ ແລະ ປ່ຽນກະຕິກາ ການໃຫ້ຄະແນນແບບໃໝ່ ທີ່ຜົນອອກມາມັກຈະຄ້ານສາຍຕາ ແລະ ຖືກປະທ້ວງຈາກນັກກີລາທີ່ເຂ້ົາຮ່ວມແຂ່ງຂັນແບບທີ່ບໍ່ ເຄີຍມີມາກ່ອນ ແລະ ແນ່ນອນວ່າ ຈາກຜົນງານທີ່ເຂ້ົາຕາແບບນີ້ຂອງ AIBA​ເຮັດໃຫ້ນັກເລງຄີບອດ ເຂ້ົາໄປຫຸ້ມອັດໜ້າເຟຊ ບຸ໊ກ ຂອງ AIBAໃນເວລານີ້ຈົນໜ້າ​ເກືອບພັງ.</p>

ຂ່າວທີ່ກ່ຽວຂ້ອງ