ຂ່າວຫຼ້າສຸດ

ດິມາເຣຍ-ຟັນເກົາ ຍິງປະຕູ ພາແມນຢູ ຊະນະ ເອຟເວີຕັນ 2-1

651 06 ຕ.ລ. 2014 ນານາກີລາໂລກ
ດິມາເຣຍ-ຟັນເກົາ ຍິງປະຕູ ພາແມນຢູ ຊະນະ ເອຟເວີຕັນ 2-1

<p>           <strong>ຟັນເກົາຍິງ​ປະຕູ​ທໍາ​ອິດ​ພາຍໃຕ້ຊຸດ​ແຂ່ງ ​ແມນ​ເຊ​ສ​ເຕີ ຢູ​ໄນ​ເຕັດ ພາແມນເຊສເຕີ ຢູໄນເຕັດ ຊະນະ ເອຟເວີຕັນ </strong><strong>2-1 ຊະນະ 2 ນັດຊ້ອນເປັນຄັ້ງທໍາ​ອິດໃນລະດູການນີ້.</strong></p> <p>         ການແຂ່ງຂັນ​ເຕະບານພຣີເມຍລີກອັງກິດ ປະຈຳວັນອາທິດທີ 5 ຕຸລາ ແມນເຊສເຕີ ຢູໄນເຕັດ ເປີດຖິ່ນຕ້ອນຮັບການ ມາຢາມ​ຂອງ ເອຟເວີຕັນ ສຳລັບ 11 ນັກ​ເຕະຕົວຈິງພົບເອຟເວີຕັນ ມີ ເດເຄອາ, ຣາຟາເອວ, ແມັກແນ, ໂຣໂຮ, ລຸກ ຊໍ, ດາ​ລີ່ ບລິນ, ວາເລນເຊຍ, ດິ ມາເຣຍ, ມາຕ້າ, ຟັນເກາ ​ແລະ ຟານເພີຊີ່.</p> <p>           ເລີ່ມເກມ ແມນຢູ ເດີນເກມເຂົ້າໃສ່ທີມຢາມຢ່າງໜັກ ຫວັງທີ່ຈະຍິງປະຕູໃຫ້ໄດ້ ຈົນໃນນາທີທີ່ 27 ດິ ມາເຣຍ ກໍຍິງ ດ້ວຍຕີນຂວາເຂົ້າໄປຢ່າງສວຍງາມ ​ເຮັດໃຫ້ແມນຢູ ອອກນຳໄປ 1-0 ຈາກນັ້ນໃນ​ໄລຍະທ້າຍເກມ ລຸກ ຊໍ ​ເຮັດຜິດ​ກະຕິ​ກາ​ຕໍ່ຜູ້ຫຼິ້ນ ເອຟເວີຕັນ ລ້ົມລົງໄປໃນເຂດໂທດ ຜູ້ຕັດສິນເປົ່າໃຫ້ເປັນຈຸດໂທດທັນທີ ແລະ ເປັນ ເລຕັນ ເບນ ຮັບໜ້າທີ່ເປັນຄົນຍິງ ແຕ່ຍິງພາດໄປຕິດການ​ປ້ອງ​ກັນ​ຂອງ ເດເຄອາ ​ເຮັດໃຫ້ເອຟເວີຕັນພາດໂອກາດຕີສະ​ເໝີໄປຢ່າງໜ້າເສຍດາຍ ຈົບ 45 ນາທີ ທໍາ​ອິດ ເເມນຢູ ນຳ 1-0. </p> <p>           ສູ້ກັນຕໍ່ໃນ​ເຄິ່ງເວລາຫຼັງ ຍັງຄົງເປັນແມນຢູທີ່​ເປີດເກມເຂົ້າໃສ່ອີກເຊ່ັນເຄີຍ ແຕ່ ເອຟເວີຕັນ ຍັງຄົງມີເກມຮັບທີ່ໜຽວ ແລະ ມາ​ເຖິງນາທີທີ 54 ທີມຢາມເປັນຝ່າຍໄດ້ດີ​ໃຈ ເມື່ອ ເລຕັນ ເບນ ໂດ່ງບານໂຄ້ງຢ່າງສວຍງາມເຂົ້າມາໜ້າເຂດໂທດ ແລະ ເປັນທາງ ເນ ສະມິດ ລອຍຕົວ​ເອົາ​ຫົວ​ຕໍາບານເຂົ້າ​ເຕັມຕາຂ່າຍຢ່າງສວຍງາມ ​ເຮັດໃຫ້ເອຟເວີຕັນຕີສະ​ເໝີເປັນ 1-1.</p> <p>            ຈາກນັ້ນ ເອຟເວີຕັນ ເລີ່ມໄດ້ໃຈ ບຸກໜັກໃສ່ເເມນຢູຄືນ ຫວັງຈະເອົາປະຕູຂຶ້ນນຳໃຫ້ໄດ້ ແຕ່ແມນຢູ ກໍຍັງຄົງຊ່ວຍ ຕັ້ງເກມຮັບໜຽວແໜ້ນ ໃນນາທີທີ 61 ຣາດາເມວ ຟັນເກົາ ກໍມາຍິງປະຕູທໍາ​ອິດຂອງຕົວເອງໃນສີເສື້ອຂອງແມນຢູ ໄດ້ສຳ ເລັດ ແລະ ເປັນປະຕູຂຶ້ນນຳອີກຄັ້ງຂອງແມນຢູ ໜີເອຟເວີຕັນອອກໄປເປັນ 2-1 ຕໍ່ມາທັງຄູ່ກໍເປີດເກມສູ້ກັນຢ່າງສຸດມັນ ໃນນາ ທີທີ 70 ແມນຢູ ສົ່ງ ໄທເລີ ແບລັກເກດ ລົງມາແທນ ລຸກຊໍ ທີ່ມີອາການບາດເຈັບ ແລະ ຖັດມາອີກ 3ນາທີ ແມນຢູກໍປ່ຽນ ຜູ້ຫຼິ້ນອີກໜຶ່ງຄົນ ໂດຍສ່ົງ ວິວສັນ ແທນ ຟັນເກົາ ​ໄລຍະທ້າຍເກມ ເອຟເວີຕັນເປີດໜ້າບຸກຫຼາຍຂຶ້ນ ແຕ່​ ແມນ​ເຊ​ສ​ເຕີ ຢູໄນ ເຕັດ ເນັ້ນເກມຮັບ​ເອົາ​ໄວ້​ໄດ້​ຢ່າງ​ແຂງ​ແກ່ນ ຈົບເກມ ​ແມນ​ເຊ​ສ​ເຕີ ຢູໄນເຕັດ ຈຶ່ງຊະນະ ເອຟເວີຕັນ 2-1 ຊະນະ 2 ນັດຕິດ ເປັນຄັ້ງທໍາ​ອິດໃນລະດູ​ການນີ້ ໂດດຂຶ້ນອັນດັບ 4 ສ່ວນເອຟເວີຕັນຄອງອັນດັບ 17 ຕໍ່ໄປ.</p>

ຂ່າວທີ່ກ່ຽວຂ້ອງ