ຂ່າວຫຼ້າສຸດ

ບໍ່ລອດ ! AIBA ກຽມຕັ້ງຂໍ້ຫານັກມວຍອິນເດຍແລ້ວ

877 03 ຕ.ລ. 2014 ນານາກີລາໂລກ
ບໍ່ລອດ ! AIBA ກຽມຕັ້ງຂໍ້ຫານັກມວຍອິນເດຍແລ້ວ

<p>         <strong>ສາຣິຕາ ເທວີ ນັກມວຍ​ເພດຍິງອິນເດຍ ຖືກສະຫະພັນມວຍສາກົນສະໝັກ​ຫຼິ້ນນານາຊາດ ຫຼື </strong><strong>AIBA ໃຫ້ຄະນະກໍາ ມະການຝ່າຍລະບຽບວິ​ໄນ ປະຊຸມກັນເພື່ອລົງໂທດຂໍ້ຫາກະທໍາຕົວຜິດລະບຽບທີ່ປະຕິເສດການຮັບຫຼຽນ ແລະ ບໍ່​ສະແດງສັກ​ສີຫຼິ້ນ​ແບບ​ຍຸຕິ​ທໍາແລ້ວ ​ເຊິ່ງອາດເປັນໄດ້ທັງໂທດປັບ​ໄໝ ແລະ ໂທດຫ້າມ​ຂຶ້ນ​ແຂ່ງຂັນ. </strong></p> <p>           ສະຫະພັນມວຍສາກົນສະໝັກ​ຫຼິ້ນນານາຊາດ ຫຼື AIBA ໄດ້ມອບໝາຍໃຫ້ຄະນະກໍາມະການຝ່າຍລະບຽບວິ​ໄນ ຂອງສະມາພັນ ກຽມຈັດການລົງໂທດ ຫຼັງ ສາຣິຕາ ເທວີ ນັກມວຍ​ເພດຍິງອິນເດຍ ປະຕິເສດການຮັບຫຼຽນ ແລະ ບໍ່​ສະແດງສັກ​ສີກາ​ນຫຼິ້ນ​ແບບ​ຍຸຕິ​ທໍາ ຫຼັງຜູ້ກ່ຽວທຳການປະທ້ວງທີ່​ເສຍ​ໄຊ​ໃຫ້ນັກຊົກເຈົ້າພາບແບບຄ້ານສາຍຕາ ​ເຊິ່ງຈະມີຄຳ ຕັດສິນຫຼັງຈາກຈົບອິນຊອນເກມສ໌ ​ເຊິ່ງອາດເປັນໄດ້ທັງໂທດປັບ​ໄໝ ແລະ ໂທດຫ້າມ​ລົງ​ແຂ່ງຂັນ.</p> <p>           ນອກຈາກນັ້ນ ທີມມວຍອິນເດຍທີ່ປະທ້ວງ ຍັງຖືກ AIBA ວ່າບໍ່ເຂົ້າໃຈກົດໃຫ້ຖ່ອງແທ້ເອງ ເນື່ອງຈາກກົດບອກເອົາ ໄວ້ວ່າ ຫ້າມປະທ້ວງການຕັດສິນຂອງຜູ້ຕັດສິນ (ຄົນທີ່ໃຫ້ຄະແນນຢູ່ຂ້າງລຸ່ມ) ແຕ່ກົດອະນຸຍາດໃຫ້ທ້ວງໄດ້ແຕ່ຄຳຕັດສິນຂອງ ກໍາມະການ (ຄົນທີ່ຢູ່​ເທິງເວທີ) ເທ່ົານັ້ນ.</p> <p>        ສ່ວນເລື່ອງຂອງເງິນ 500 ​ໂດ​ລາ​ສະຫະລັດ ທີ່ ສາຣິຕາ ເທວີ ເອົາໄປຍື່ນປະທ້ວງນັ້ນ ສື່ອິນເດຍລະບຸວ່າ  ຜູ້ກ່ຽວມີ ເງິນຢູ່ 400 ​ໂດ​ລາ​ສະຫະລັດ ກ່ອນຢືມນັກຂ່າວມາອີກ 100 ​ໂດ​ລາ​ສະຫະລັດ ​ເຊິ່ງຕອນນີ້ໃນອິນເດຍເລີ່ມມີການຕໍ່ວ່າກັນເອງ ແລະ ກາຍເປັນເລຶ່ອງ​ແບ່ງ​ແຍກເພດໄປແລ້ວ ຫຼັງໂອລິມປິກອິນເດຍບໍ່ຊ່ວຍອັນ​ໃດ ບາງຄົນກໍວ່າ ນີ້ຖ້າເຫດເກີດກັບນັກຄຣິກ ເກັດຊາຍຂອງປະເທດ ຄົງອຸ້ມໄປປະທ້ວງກັນແລ້ວ.</p>

ຂ່າວທີ່ກ່ຽວຂ້ອງ