ເຈາະເລິກ “ອາຊຽນເກມສ໌” ມະຫະກໍາກີລາແຫ່ງທະວີບອາຊີ

<p>             <strong>ກັບມາອີກຄັ້ງສຳລັບມະຫະກໍາກີລາຂອງທະວີບອາຊີ  </strong><strong>“ກີລາອາ​ຊຽນເກມສ໌” ໂດຍຄັ້ງນີ້ຈັດຂຶ້ນເປັນຄັ້ງທີ 14 ແລ້ວ ໂດຍແຂ່ງຂັນກັນທີ່ເມືອງອິນຊອນ ປະເທດ ສ ເກົາຫຼີ ແຕ່ກ່ອນອື່ນມາສ້າງຄວາມຮູ້ຈັກກັບປະຫວັດຂອງການແຂ່ງຂັນກີລາ ອາ​ຊຽນເກມສ໌ ແລະ ຕາມໄປເຈາະ​ເລິກການແຂ່ງຂັນກີລາອາ​ຊຽນເກມສ໌ 2014 ກັນໄດ້ເລີຍ.</strong></p> <p>           ກີລາອາ​ຊຽນເກມສ໌ ເປັນການແຂ່ງຂັນກີລາຫຼາກຫຼາຍຊະນິດ ລະຫວ່າງປະເທດໃນທະວີບອາຊີ ​ເຊິ່ງມີການຈັດ ຂຶ້ນໃນທຸກ 4 ປີ ເລີ່ມກຳນົດການແຂ່ງຂັນໂດຍ ສະຫະພັນອາ​ຊຽນເກມສ໌ (The Asian Games Federation; AGF) ຕັ້ງແຕ່ການແຂ່ງຂັນຄັ້ງທໍາ​ອິດ​ເຖິງຄັ້ງທີ 8 ແລະ ຕັ້ງແຕ່ອາ​ຊຽນເກມສ໌ຄັ້ງທີ 9 ເປັນຕົ້ນມາ ບໍລິຫານຈັດການແຂ່ງຂັນໂດຍ ສະພາໂອລິມປິກແຫ່ງອາຊີ (Olympic Council of Asia; OCA) ພາຍໃຕ້ການຮັບຮອງໂດຍຄະນະກໍາມະການໂອລິມ ປິກສາກົນ (International Olympic Committee; IOC) ແລະ ຍັງຖືໄດ້ວ່າເປັນການແຂ່ງຂັນກີລາຫຼາກຫຼາຍຊະນິດ ​ເຊິ່ງມີຂະໜາດໃຫຍ່ເປັນອັນດັບສອງ ຮອງຈາກກີລາໂອລິມປິກອີກດ້ວຍ.</p> <p>           ຢ້ອນໄປເມື່ອການແຂ່ງຂັນອາ​ຊຽນເກມສ໌ໃນຄັ້ງທີ່ຜ່ານ​ມາ ອາ​ຊຽນເກມສ໌ 2010 ເປັນການແຂ່ງຂັນກີລາອາ​ຊຽນ ເກມສ໌ຄັ້ງທີ 16 ຈັດຂຶ້ນທີ່ນະຄອນກວ່າງໂຈວ ມົນທົນກວາງຕຸ້ງ ສປ ຈີນ ລະຫວ່າງວັນທີ 12 ​ເຖິງ 27 ພະຈິກ 2000 ນັບເປັນນະຄອນແຫ່ງທີສອງຂອງຈີນ ທີ່ເປັນເຈົ້າພາບການແຂ່ງຂັນລາຍການນີ້ ຫຼັງຈາກອາ​ຊຽນເກມສ໌ຄັ້ງທີ 11 ທີ່ນະ ຄອນຫຼວງປັກກິ່ງ ເມື່ອປີ 2000 ໂດຍໃນການແຂ່ງຂັນຄັ້ງນີ້ ມີ 45 ປະເທດເຂົ້າຮ່ວມ ກີລາທີ່ຈັດແຂ່ງຂັນ 42 ຊະນິດ ລວມ ຈຳນວນຫຼຽນ​ຄໍາ 476 ຫຼຽນ​ ທັງນີ້ ຍັງມີເມືອງໃກ້ຄຽງອີກສາມແຫ່ງຮ່ວມເປັນເຈົ້າພາບກັບກວ່າງໂຈວດ້ວຍ ຄື ເມືອງ ຕົງກ່ວນ ໂຝຊານ ແລະ ຊັ່ນເຫວີ່ຍ.</p> <p>           ໂດຍການແຂ່ງຂັນໃນຄັ້ງນັ້ນ ຈີນ ຄອງເຈົ້າຫຼຽນ​​ຄໍາ ໂດຍຄວ້າໄປ 199 ຫຼຽນ​​ຄໍາ 119 ຫຼຽນ​ເງິນ ແລະ 98 ຫຼຽນ​ທອງ ສ່ວນອັນດັບ 2 ​ໄດ້ແກ່ ສ ເກົາຫຼີ 76 ຫຼຽນ​​ຄໍາ 65 ຫຼຽນ​ເງິນ ແລະ 91 ຫຼຽນ​ທອງ ສ່ວນອັນດັບທີ 3 ໄດ້ແກ່ ຍີ່ປຸ່ນ 48 ຫຼຽນ​ຄໍາ 74 ຫຼຽນ​ເງິນ ແລະ 94 ຫຼຽນ​ທອງ.</p> <p>           ສຳລັບໃນປີນີ້ ການແຂ່ງຂັນກີລາ​ອາ​ຊຽນເກມສ໌ 2014 ເປັນການແຂ່ງຂັນກີລາອາ​ຊຽນເກມສ໌ ຄັ້ງທີ 17 ຈັດຂຶ້ນ ໃນລະຫວ່າງວັນທີ 19 ກັນຍາ – 4 ຕຸລາ ປີ 2014 ທີ່ເມືອງອິນຊອນ ປະເທດ ສ ເກົາຫຼີ ສຳລັບເມືອງອິນຊອນ ສາມາດ ເອົາຊະນະຄະແນນສຽງເມືອງນິວເດລີ ຂອງອິນເດຍ ແລະ ໄດ້ຮັບເປັນເຈົ້າພາບການແຂ່ງຂັນໃນຄັ້ງນີ້ ເມື່ອວັນ​ທີ 17 ເມສາ 2007 ນອກຈາກນີ້ ອິນຊອນ ຖືວ່າເປັນເມືອງທີ່ສາມຂອງ ສ ເກົາຫຼີ ທີ່ໄດ້ຈັດກີລາອາ​ຊຽນເກມສ໌ ນັບຕັ້ງແຕ່ນະຄອນຫຼວງ​ເຊ​ອູ​ນ ເມື່ອປີ 1986 ແລະ ປູຊານ ເມື່ອປີ 2002 ເມືອງທີ່ໄດ້ຮັບການສະ​ເໜີຊື່ໃຫ້ເປັນເຈົ້າພາບອາ​ຊຽນ ເກມສ໌ 2014 ມີທັງ ໝົດ 2 ເມືອງ ໄດ້ແກ່ ນິວເດລີ, ປະເທດອິນເດຍ ແລະ ອິນຊອນ ປະເທດ ສ ເກົາຫຼີ ເມື່ອວັນທີ 2 ທັນວາ 2006 ທີ່ນະ ຄອນຫລວງໂດຮາ ປະເທດກາຕາ.</p> <p>           ຫຼັງຈາກການແຂ່ງຂັນອາ​ຊຽນເກມສ໌ 2006 ສະພາໂອລິມປິກແຫ່ງອາຊີ ໄດ້ຄັດເລືອກເມືອງເຈົ້າພາບລະຫວ່າງ ກອງປະຊຸມທີ່ເມືອງ ຄູເວດຊິຕີ ປະເທດຄູເວດ ເມື່ອວັນທີ 17 ເມສາ 2007 ໃນການນຳສະ​ເໜີໃນຮອບສຸດທ້າຍ ເມືອງ ອິນຊອນ ຂອງ ສ ເກົາຫຼີ ໄດ້ນຳສະ​ເໜີ​ເຖິງການລົງທຶນສຳລັບການແຂ່ງຂັນກວ່າ 20 ລ້ານ​ໂດ​ລາສະຫະລັດ ແລະ ການ ເດີນທາງ ພ້ອມທີ່ພັກບໍ່​ໄດ້​ເສຍຄ່າ ສຳລັບຜູ້ເຂົ້າຮ່ວມການແຂ່ງຂັນທັງໝົດ ສ່ວນນິວເດລີ ຂອງອິນເດຍ ບໍ່ໄດ້ນຳສະ​ເໜີ​ອັນ​ໃດ ປາກົດວ່າ ອິນຊອນໄດ້ຮັບເລືອກໃຫ້ເປັນເຈົ້າພາບຈາກທີ່ສະ​ເໜີ​ຕົວ.</p> <p>           ຄຳຂວັນຢ່າງເປັນທາງການຂອງການແຂ່ງຂັນອາ​ຊຽນເກມສ໌ໃນຄັ້ງນີ້ ຖືກເປິດຕົວຂຶ້ນເມື່ອວັນທີ 16 ກັນຍາ 2000 ຄື Diversity Shines Here ແປວ່າ ອະນູແຫ່ງຄວາມຫຼາກຫຼາຍ ເປັ່ງປະກາຍຢູ່ທີ່ນີ່ ໂດຍໃນຄຳຂວັນຄຳວ່າ ອະນູແຫ່ງ ຄວາມຫຼາກຫຼາຍ ໝາຍ​ເຖິງ ປະຫວັດສາດ ວັດທະນະທໍາ ແລະ ສາສະໜາຂອງຊາວອາຊີທີ່ແຕກຕ່າງກັນໄປ.</p> <p>           ມາຕໍ່ກັນທີ່ມາສຄອດ ຫລື ສັນຍະລັກປະຈຳການແຂ່ງຂັນ ຄື ແມວນ້ຳ 3 ຕົວ ຖືກເປີດຕົວໃຫ້ເປັນມາສຄອດປະຈຳ ການແຂ່ງຂັນຢ່າງເປັນທາງການ ເມື່ອວັນ​ທີ 4 ພະຈິກ 2000 ທີ່ເກາະຊອງໂດ ປະເທດ ສ ເກົາຫຼີ ຊື່ “ບາຣາເມະ” “ຊຸມຸໂຣະ” ແລະ “ວິຊອນ” ​ເຊິ່ງຊື່ເປັນພາສາເກົາຫຼີ ແປວ່າ ລົມ ການເຕັ້ນລໍາ ແລະ ແສງສະຫວ່າງ ຕາມລຳດັບ ອີກທັງ ມາສຄອດແມວນ້ຳ 3 ຕົວນີ້ ຍັງເປັນສັນຍະລັກການເຊື່ອມມິດຕະພາບລະຫວ່າງ ສ ເກົາຫຼີ ແລະ ສປປ ເກົາຫຼີອີກດ້ວຍ.</p> <p align="center"> <img alt="http://www.thairath.co.th/media/NjpUs24nCQKx5e1DGjrYmmsKc9UpIf5QDZYLJRiqjEJ.jpg" height="227" src="file:///C:/Users/Vieng/AppData/Local/Temp/msohtmlclip1/01/clip_image002.jpg" width="321" /></p> <p>             ສ່ວນສັນຍະລັກການແຂ່ງຂັນໃນຄັ້ງນີ້ ເປັນຮູບລູກສອນຊີ້ຂຶ້ນຄ້າຍຄືຕົວ A ບໍ່ມີຂີດກາງ ສີຟ້າ ແລະ ຂຽວ ປະ ກອບກັນເປັນຮູບຄ້າຍຄືປີກຊ້າຍລ້ອມດວງຕາ​ເວັນ ປຽບ​ເໝືອນຊາວອາຊີຈັບມືກັນກາງທ້ອງຟ້າ.</p> <p>           ສັນຍະລັກອາ​ຊຽນເກມສ໌ 2014ສຳລັບການແຂ່ງຂັນໃນຄັ້ງນີ້ ຈະມີການຊິງ​ໄຊກັນທັງໝົດ 439 ຫຼຽນ​ຄໍາ ມີປະເທດທີ່ເຂົ້າຮ່ວມການແຂ່ງຂັນທັງໝົດ 45 ປະເທດ ປະກອບດ້ວຍ ອັຟການິສຖານ, ບາເຣນ, ບັງກລາເທດ, ພູຕານ, ບຣູໄນ, ກໍາປູ​ເຈຍ, ຈີນ, ສປປ ເກົາຫຼີ, ຮົງກົງ, ອິນເດຍ, ອິນໂດ​ເນເຊຍ, ອິຣ່ານ, ອິຣັກ, ຍີ່ປຸ່ນ, ຈໍແດນ, ກາຊັກສະຖານ,  ສ ເກົາຫຼີ, ຄູເວດ, ຄີກີຊະຖານ, ລາວ, ລີ​ບັງ, ມາເກົາ, ມາເລເຊຍ, ມັນດີຟ, ມົງໂກລີ, ມຽນມາ, ເນປານ, ໂອມານ, ປາກີສະຖານ, ປາ​ແລັສຕິນ, ຟິລິບປິນ, ກາຕາ, ຊາອຸດີອາຣະເບຍ, ສິງກະໂປ, ສີລັງກາ, ຊີຣີ, ໄທເປ, ທາຈິກິສະຖານ, ໄທ, ຕິມໍເລສເຕ, ເຕິກມິນິສຖານ, ສະຫະລັດອາຫລັບ ເອມິເຣດ, ອຸຊເບກິສຖານ, ຫວຽດນາມ ແລະ ເຢເມນ.</p> <p>           ສຳລັບອາ​ຊຽນເກມສ໌ 2014 ໄດ້ບັນຈຸຊະນິດກີລາທັງໝົດ 36 ປະເພດ ເປັນກີລາທີ່ແຂ່ງຂັນໃນໂອລິມປິກລະດູຮ້ອນ 2016 ທັງໝົດ 28 ຊະນິດກີລາ ແລະ ບໍ່ໄດ້ແຂ່ງຂັນໃນໂອລິມປິກ 8 ຊະນິດກີລາ ໄດ້ແກ່ ກີລາທາງນ້ຳ, ຍິງທະນູ, ​ແລ່ນ-​ລານ, ຕີ​ດອກ​ປີກ​ໄກ່, ເບສບອນ, ບານບ້ວງ, ໂບລິ່ງ, ມວຍສາກົນສະໝັກຫຼິ້ນ, ເຮືອການູ, ຄຣິກເກດ, ​ແຂ່ງ​ລົດ​ຖີບ, ຂີ່ມ້າ, ຟັນດາບ, ຮອກກີ້, ​ເຕະບານ, ກ໊ອຟ, ຢິມນາສຕິກ, ແຮນບອນ, ຢູໂດ, ກາບັດດີ້, ຄາຣາເຕ-ໂດ, ປັນຈະກີລາສະ​ໄໝໃໝ່, ເຮືອພາຍ, ຣັກບີ້, ເຮືອໃບ, ກະຕໍ້, ຍິງປືນ, ສະຄອຊ, ປິງປອງ, ເທຄວັນໂດ, ເທນນິສ, ບານ​ສົ່ງ, ຍົກນ້ຳໜັກ, ມວຍປໍ້າ ແລະ ວູຊູ.</p> <p>           ມາຕໍ່ກັນທີ່ສະໜາມແຂ່ງຂັນໃນການແຂ່ງຂັນອາ​ຊຽນເກມສ໌ຄັ້ງນີ້ ທາງເມືອງ ອິນຊອນ ໄດ້ມີສະໜາມການແຂ່ງ ຂັນ 49 ສະໜາມ ແລະ ສ້າງຂຶ້ນມາໃໝ່ອີກ 23 ສະໜາມ ສະໜາມກີລາຫຼັກຂອງເມືອງອິນຊອນທີ່ໃຊ້ເປີດພິທີການ ແຂ່ງຂັນ ແລະ ປິດການແຂ່ງຂັນຄື ສະໜາມ “ອິນຊອນ ເອເຊຍ ເມນ ສະເຕດຽມ” ຄາດວ່າມີບ່ອນນັ່ງປະມານ 61.000 ຕັ່ງ</p> <p align="center"> <img alt="http://www.thairath.co.th/media/NjpUs24nCQKx5e1DGjrYmmsKc9UpIf9uYxoAoWZeEeK.jpg" height="218" src="file:///C:/Users/Vieng/AppData/Local/Temp/msohtmlclip1/01/clip_image004.jpg" width="410" /></p> <p>             ເຮົາມາ​ເບິ່ງກັນດີກວ່າວ່າ ສະໜາມຫລັກໆທີ່ໃຊ້ໃນການແຂ່ງຂັນຄັ້ງນີ້ມີຊື່ອັນ​ໃດ​ແດ່ ແລະ ແຕ່ລະສະໜາມໃຊ້ ແຂ່ງຂັນກີລາປະເພດໃດ ແລະ ຄວາມຈຸຂອງສະໜາມຮອງຮັບຜູ້ຊົມໄດ້ຫລາຍ​ພຽງ​ໃດ.</p> <p>             1. ດຣີມ ພາກ ສະເຕດຽມ ໃຊ້ແຂ່ງກີລາ ກອຟ, ລອຍນ້ຳ, ຍິງປືນ, ຂີ່ມ້າ ບັນຈຸຜູ້ຊົມໄດ້ 1.000-1.500 ຄົນ.</p> <p>           2. “ກັງຮວາ ສະເຕດຽມ” ໃຊ້ແຂ່ງກີລາ ເທຄວັນໂດ ວູຊູ ແລະ ​ແຂ່ງ​ລົດຖີບບີເອັມເອັກ ບັນຈຸຜູ້ຊົມໄດ້ 1.010-4.026 ຄົນ.</p> <p>           3. ກະເຢຢັງ ສະເຕດຽມ ໃຊ້ແຂ່ງຂັນກີລາ ຕີ​ດອກ​ປີກ​ໄກ່ ແລະ ຍິງທະນູ (ບໍ່ມີຂໍ້ມູນຄວາມຈຸຂອງສະໜາມ).</p> <p>           4. ມຸນຮັກ ພາກ ແຕ ຮວານ ອະຄວາຕິກ ເຊັນເຕີ ໃຊ້ແຂ່ງກີລາລອຍນ້ຳ ບັນຈຸຜູ້ຊົມໄດ້ 3.004 ຄົນ.</p> <p>           5. ນໍາດົງ ສະ​ເຕດຽມ ໃຊ້ແຂ່ງກີລາ ຢິມນາສຕິກ ແລະ ຣັກບີ້ ບັນຈຸຜູ້ຊົມໄດ້ 5.200-8.100 ຄົນ.</p> <p>           6. ຊອນຮັກ ສະເຕດຽມ ໃຊ້ແຂ່ງຂັນ ຮອກກີ້ ຢູໂດ ແລະ ມວຍປໍ້າ ບັນຈຸຜູ້ຊົມໄດ້ 2.050 – 5.010 ຄົນ.</p> <p>           7. ຊິມຈົງ ສະ​ເຕດຽມ ໃຊ້ແຂ່ງກີລາ ເທນນິສ ແລະ ສະຄອຊ ບັນຈຸຜູ້ຊົມໄດ້ 1.207-5.016 ຄົນ.</p> <p>           8. ຊົງຣິມ ຢິມເນຊຽມ ໃຊ້ແຂ່ງ ບານ​ສົ່ງ ບັນຈຸຜູ້ຊົມໄດ້ 5.010 ຄົນ.</p> <p>           9. ອິນຊອນ ຟຸດບອນ ສະ​ເຕດຽມ ໃຊ້ແຂ່ງກີລາ​ເຕະບານ ບັນຈຸຜູ້ຊົມໄດ້ 20.000 ຄົນ.</p> <p> <strong>        ສຳລັບພິທີເປີດການແຂ່ງຂັນກີລາອາ​ຊຽນເກມສ໌ </strong><strong>2014 ຈະມີຂຶ້ນໃນວັນສຸກທີ 19 ກັນຍາ ແລະ ພິທີປິດຈະມີຂຶ້ນ ໃນວັນເສົາທີ 4 ຕຸລານີ້ ໂດຍທັງພິທີເປິດ ແລະ ພິທີປິດ ຈະຈັດຂຶ້ນທີ່ສະໜາມ ອິນຊອນ ເອເຊຍ ເມນ ສະ​ເຕດຽມ.</strong></p> <p> <strong><em>        ການແຂ່ງຂັນກີລາລະດັບທະວີບອາຊີເຊ່ັນນີ້ ກອງ​ເຊຍກີລາບໍ່ຄວນພາດດ້ວຍປະການທັງປວງ !!!</em></strong></p>