ຂ່າວຫຼ້າສຸດ

ກອງໜ້າເອີຣົບທີ່ຫາຍໄປ…

733 18 ກ.ຍ. 2014 ນານາກີລາໂລກ
ກອງໜ້າເອີຣົບທີ່ຫາຍໄປ…

<p> <strong>ຕາມລາຍງານຈາກທີມເຕັກນິກຂອງ </strong><strong>“ຢູຟ່າ” ປາກົດມີຂໍ້ມູນທີ່ໜ້າສົນໃຈຢ່າງຍິ່ງ ​ເຊິ່ງສະທ້ອນໃຫ້ເຫັນ​ເຖິງຄວາມເປັນໄປຂອງວົງການ​ເຕະບານ​ເອີຣົບໃນປັດຈຸບັນ ທີ່ກຳລັງເຂົ້າສູ່ພາວະຂາດແຄນຢ່າງໜ້າໃຈຫາຍ.</strong></p> <p> ການຂາດແຄນທີ່ວ່າບໍ່ໄດ້ໝາຍ​ເຖິງເລື່ອງຊັບພະຍາກອນ ຫຼືສິນຊັບ ຫາກແຕ່ໝາຍ​ເຖິງ “ກອງໜ້າ” ໃນລະດັບຄວາມ​ສາມາດສູງສຸດ ຂອງວົງການ.  </p> <p> ໂດຍສະເພາະກອງໜ້າທີ່ໄດ້ຮັບການປຸກປັ້ນຂຶ້ນມາເອງຈາກສະໂມສອນ (Home-grown strikers) ທີ່ກາຍເປັນຂອງຫາຍາກສຸດໆໃນທົດສະວັດທີ່ຜ່ານມາ.</p> <p>         ໃນພຣີເມຍລີກ ນັກເຕະອັງກິດຄົນສຸດທ້າຍທີ່ໄດ້ລາງວັນດາວຍິງ​ສູງ​ສຸດຄື ເຄວິນ ຟິນລິບ ສະ​ໄໝຢູ່ກັບ ຊັນເດີແລນ ໃນປີ 2000 ຂະນະທີ່ໃນ​ແອັດ​ສະ​ປາຍ ນັກເຕະຄົນສຸດທ້າຍທີ່ໄດ້ລາງວັນ​ເກີບ​ຄໍາຂອງແຊມປຽນ ລີກ ຄື ຣາອູນ ກອນຊາເລຊ ໃນປີ 2001 ກັບ ຣີວ ມາດຣິດ.</p> <p>           ມັນສະທ້ອນໃຫ້ເຫັນ​ເຖິງໃນບັນດາສະໂມສອນໃຫຍ່ທັ້ງຫຼາຍ ໃນແນວບຸກນັ້ນພວກເຂົາບໍ່ມີ “ບ່ອນ” ແລະ “ໂອກາດ” ຫຼາຍ​ພໍສຳລັບນັກເຕະດາວຮຸ່ງໃນສັງກັດແລ້ວ.</p> <p>           8 ທີມທີ່ຜ່ານເຂົ້າສູ່ຮອບ 8 ທີມສຸດທ້າຍໃນແຊມປຽນ ລີກ ລະດູການທີ່ຜ່ານ​ມາ ຍິງປະຕູກັນໄດ້ລວມ 191 ປະຕູ ໃນຈຳນວນນີ້ມີພຽງ 8 ປຣະຕູເທົ່ານັ້ນທີ່ມາຈາກນັກເຕະໃນຊາດດຽວກັນ ຄື ໂທມັສ ມຸນເລີ (5 ປະຕູ), ເວນ ຣູນີ່ (2) ແລະ ແດນນີ່ ເວວເບັກ (1). </p> <p>           ອາແຊນ ເວນເກີ ໜຶ່ງໃນປັດຊະຍາ​ເຕະບານຂອງວົງການ ຍອມຮັບວ່າເວລານີ້ສະໂມສອນໃນ​ເອີຣົບຜະລິດກອງໜ້າຊັ້ນດີ​ເກືອບ​ບໍ່ໄດ້ ແລະ ກອງໜ້າລະດັບຄວາມ​ສາມາດສູງເກືອບທັງໝົດມາຈາກອາເມຣິກາໃຕ້.</p> <p>           ລິໂອເນວ ເມສຊີ່, ເນມາ, ຫຼຸຍ ຊົວເຣຊ, ອະເລັກຊິສ ຊານເຊຊ, ເຊຄິໂອ ອະເກວໂຣ່, ຣາດາເມລ ຟັນເກົາ ຫຼືແມ່ນແຕ່ ດີເອໂກ ຄອສຕາ ກໍເປັນສາຍເລືອດອາ​ເມຣິກາລາຕິນແທ້ທີ່ກະຈາຍຢູ່ຕາມສະໂມສອນຊັ້ນ​ແນວ​ໜ້າຕ່າງໆ.</p> <p> <strong><em>        ນີ່ຄືບັນຫາໃໝ່ຂອງວົງການ​ເຕະບານ​ເອີຣົບ ທີ່ເກີດຂຶ້ນແລ້ວ ແລະ ຍັງຫາທາງແກ້ໄຂບໍ່ໄດ້.</em></strong></p>

ຂ່າວທີ່ກ່ຽວຂ້ອງ